مجنونه ولكن احببتها

37

صوت رساله علي الموبايل
*كل يوم سهران الليل عمال افكر فيك يا جميل صدقني زعلك دمو تقيل 🤍
وعد ابتسمت :ما انت بتعرف تقول كلام حلو اوي اومال مالك كدا بس اي المقطع الي عمري ما سمعته في اغنيه دي لعمرو دياب دي ولا لحماقي دخلت عملت سيرش لقت ان الاغنيه لحمو بيكا وحماده الاسمر
وعد: ينهار ابيض اي ده يخربيت دماغك هتشلني والله ده انت رومانسيتك ملهاش حل
رنت عليه وبعد كدا افتكرت انها مضايقه منه قفلت بسرعه ثواني والفون رن
وعد:عايز اي
مالك:انتي الي رنيتي علي فكره
وعد:رنيت بالغلط
مالك:اي ريك في الاغنيه
وعد:حد يبعت لحد اغنيه حمو بيكا انت عايز تشليني
مالك:بس الكلام عظمه اي ريك
وعد:اي ذوقك في الاغاني عالي اوي
مالك:انا الي غلطان اني بعملك نفسي رومانسي
وعد:هي دي الرومانسيه عندك لا متعملش اسكت
مالك: انا غلطان ابقي اشتكي في الاخر بقي
وعد:لا مش هشتكى ولا يهمني
مالك:اه صح احنا مش فاضين للكلام ده عندنا خطوبه جهزي نفسك بقي عشان مبحبش التاخير
وعد:دي الخطوبه دي في دماغك انت بس ولا اي
مالك:لا يا حبيتي دي بتاعنا
وعد قلبها دق جامد لما سمعت الكلمه منه بس عدت الموضوع وكأنها م اخدتش بالها :اه روح شوف بقي مين الي هتخطبها
مالك:ماشي هبقي اعرفك عليها هقفل دلوقتي عشان عندي شغل
وقفل
وعد:حاطط ايده علي الزار رجعت تاني تبص علي الرساله ياربي عنده جفاف في المشاعر ماشي يا مالك
قعدت علي السرير وبتقرء الكلامات تاني بعيدا عن الاغنيه لمين بس هو همه زعلي بجد هيجنني قريب
****
ليل:اوس
اوس:نعم يا ليل
ليل:انا مليت
اوس اتعدل وانتبه لكلامها:مليتي من اي
ليل:مش عارفه حاسه اني مخنوقه وكل يوم شبهه بعضه ومش بعمل حاجه سكت ليه
اوس:كملي سمعك
ليل:بس مش عارفه مالي بجد انا مخنوقه عشان دي مش شخصيتي مبحبش الروتين طول عمري بحب اعمل اي حاجه المهم مبقاش فاضيه كدا الفراغ هيموتني
اوس:عايزه تعملي اي
ليل :انا هنزل شغل تاني معاك لحد ما اظبط كام حاجه وابدء في الي نفسي اعمله
اوس:قوليلي نفسك تعملي اي
ليل بحماس :عايزه اعمل بيزنس خاص بيا يبقي بتاعي واكبره بجد ده حلمي من زمان اوي يارب احققه دلوقتي بقي
اوس:طب ممكن ناجل الموضوع ده لحد ما تبقي كويسه شويه
ليل:لا يا اوس انا مش هاجل تاني وانا كويسه وحاسه اني مش هتعب بالعكس هبقي فرحانه وانا بعمل الحاجه الي نفسي فيها انت مش متخيل هبقي مبسوطه ازاي
اوس: ماشي انا معاكي بس هنمشي واحده واحده قوليلي بقي فكره البيزنس
ليل اتعدلت بكل حماس وجابت النوتس بتاعتها القديمه وجابت اسكتش كبير وشغلت نور الاوضه مركز معايا ولا نعمل كوبيتين شاي عشان نبقي مركزين اكتر
اوس بضحك :لا هاتي اتنين شاي عشان انا مبعرفش اركز وانتي معايا كدا
ليل:اممممم احنا هنبدء قله ادب طب تمام مفيش مشاريع انا قايمه اركز مع نفسي
مسك ايديها :خدي بس بهزر معاكي هاتي اتنين الشاي بس وهاتي حاجاتك دي وانا همسكهالك واستناكي علي التراس نقعد في الهواء
ليل بحماس:اشطا
نزلت جابت الشاي وطلعت
اوس فتح النوتس بتاعتها وشاف الاهداف الي هي كتبتها عشان تحققها والكورسات الي خدتها وكان مبهور جدا وهي كاتبه اهدافها وماشيه عليها بالظبط
طلعت لقته مركز في النوتس
ليل:انا جيت وصلت لفين
اوس: انا فخور بيكي بطريقه كل يوم بكون مبهور اكتر وفخور بيكي عن اليوم الي قابله مشاء الله يا ليل انتي بجد مستعده ومجهزه كل حاجه
ليل: الحمدلله عشان كدا بحب اكتب عشان الاهداف تبقي قدامي وافكر نفسي اني حققتها ولا لسه
اوس: بجد فخور بيكي اوي انتي حمستيني اسمع عن مشروعك اكتر يلا تعالي اقعدي
قعدت جمبه وطلعت كل خطه كانت حطها ورسمت جدول الحاجات الي هتعملها وراس المال كام وكام عامل المكان وكل حاجه كانت ظبتطها بالظبط
ليل:اولا المشروع بتاعي هيبقي مصنع لبس وهعمل جمبه محل عشان المصنع يتعرف اسرع بالمحل بتاعه هنبدأ بخمسين عامل وشركه"** هي الي هتدينا مكينات الخياطه وهنحتاج طبعا اعلانات وعشان اللبس بتشهر بسرعه والمكان يتعرف صفحه هنعملها علي انستجرام وفيس بوك والبلوجر هيساعدونا اكتر وبالذات لو مشهورين ونبدأ نظبط الصفحه المصنع وعشان نطوره اكتر ب اقل تكلفه واعلي خامه هنقدم زي نظام منحه لمدرسه صنايع ناخد اشطر الناس هندربهم هنا وكل ما يبقي اشطر اكتر كل ما يترقي ساعتها الانتاج هيبقي اكتر ب اقل تكلفه فاهمني
اوس:انا بجد خايف احسدك اي الشطاره دي بجد شاطره جدا طب تسمحيلي اكون شريك معاكي
ليل:بجد
اوس:ده لو معندكيش مانع يا ليل هانم
ليل:سيبني افكر 😂😂😂😂
اوس:طب تمام علي بركه الله انا هكلملك السمسار ويشوف مصنع كبير وجاهز
ليل:حلو اوي اجي معاك
اوس:اول ما يكلمني ويلاقي حاجه هاخدك
ليل:خلاص تمام انا لازم اكون موجودة في كل خطوه
اوس:اكيد ان شاء الله ربنا يجعله فتحه خير عليكي
ليل بحماس:,يارب يارب اخيرا هرجع اعمل حاجه ده انا كنت هموت
اوس:ان شاء الله تحققي حلمك قريب اوي
ليل:شيششش حلمنا انت شريكي في كل حاجه
اوس خدها في حضنه وباس ايديها : طول العمر
******
عدي شهر
والكل مشغول وعد خلصت اخر امتحان ليها في اخر سنه
وادهم خلص المستشفي بتاعته وليل واوس مشغولين في كم اختيار المصنع واخيرا لقوا المكان المناسب وليل مش عاجبها السعر ومالك قبض علي عادل النصار في قضيه تهريب اثار وسلاح كبيره واسر وصالح وحياه وادهم وعد كل يوم عند طه وايه ومعتز رجعوا
***
ليل:يا اوس السعر عالي كدا
اوس:انا هكمل الفلوس
ليل:احنا كدا مش هنتفق علي فكره ابعد ان انت جوزي وكل حاجه انت لما دخلت معايا المصنع دخلت شريك يبقي النص بالنص عادي ممكن نشوف مصنع اصغر من ده وخلاص وهو علي فكره المصنع ده مياخدش السعر ده كله ده لسه عايز تجديدات
اصلا سيبك منه هيفضل يرن علينا ويقول هيتباع وحلو ولقطه والكلام الي الناس بتقوله وبعدين هيرضي بالسعر الي قولنا عليه فمتردش عليه تاني
اوس:مش موضوع شريك واظن انك قولتي اهو جوزك يعني انا المفروض الي اساعدك ديما مش موضوع شريك انا دخلت شريك بحجه ابقي جمبك هو عجبك المكان وانتي شوفتي ميت واحده وده اكتر واحد عجبك انا هجبهولك
ليل:الفلوس دي كلها هتنفعنا
اوس:خلاص يا ليل اقفلي علي الموضوع ده نبقي نشوفه بعدين
ليل:ماشي انا قايمه اروح
اوس:اصبري هنمشي سوي
ليل:,لا خليك انت لسه مخلصتش شغلك
اوس:,لا خلصت متشغليش بالك يلا هنعدي علي عمي وبعدين نروح
ليل:اوك
طول الطريق ساكتين ومش بيتكلموا لحد ما وصلوا
دخلوا المستشفى وقابلوا الدكتور
اوس:اي الاخبار
الدكتور:هو الوضع مستقر فاضل ان يفوق بس
اوس:وهيفوق امتي
الدكتور:ده مش ب ايدينا يا اوس بيه
اوس: اومال في في ايد مين بقاله تلات شهور في عيبوبه يعني ٩٠ يوم ده غير الي مكنش موجود فيهم كل ده وتقولي منعرفش اومال مين يعرف
ليل مسكت ايده :اهدي يا اوس شويه هو هيعمل اي
اوس:يعمل الي عليه قدام مش قادرين تعملوا حاجه وقاعدين هنا ليل نهار فلوسك بتوصلك يبقي تشتغل مش عارف تعالجه نسافر احسن برا
الدكتور:يا اوس بيه بنعمل الي علينا معاه هنعمل اي تاني ان شاء الله يقوم ب اسرع وقت هو دلوقتي وضعه مستقر عن الاول دي غيبوبه افوقه منها ازاي دي بتبقي بقدره المريض بس ان شاء الله هانت
اوس: اتفضل
الدكتور مشي من قدامه
ليل:ان شاء الله كل حاجه هتبقي كويسه هو ملوش ذنب بيعمل شغله اهو هو لو في ايديه حاجه كان عملها اكيد ان شاء الله هيقوم بسرعه بالسلامه
اوس خد نفس طويل ان شاء الله
دخلوا اطمنوا عليه وروحوا
*****
اتجمعوا علي الاكل وبيأكلوا في كل هدوء
اوس: مالك جاي النهارده يا وعد عايزين يعرفوا ريك النهائي بدل ما احنا معطلنهم جمبنا
وعد الاكل وقف في زورها وشرقت جامد ادهم بيخبط علي ضهرها وبيديها مايه
صالح: ايوه يا وعد من ساعه ما مشيوا مردناش عليهم
وعد:حاضر يجدي يجوا ينوروا
اوس:يعني انتي موافقه ولا لا
ليل بتنزغه وبصوت واطي :براحه وشها جاب الوان
اوس ميل عليها وطي صوته:لو معملتش كدا هنقعده جمبنا للقرن الجاي
وعد:قولهم يجوا يا اوس وسابتهم وطلعت
ادهم بيكمل اكل وبيكلم اوس يبقي موافقه
حياه:الي في الخير ربنا يقدمه
*******
مالك اخد والدته ووصلوا
الكل اتجمع وليل طلعت تنادي وعد
ليل:يلا يا وعد
وعد:انا مكسوفه اوي بجد انزلوا انتو طيب وقولوا اني نايمه
ليل:نايمه اي يا وعد الناس تحت جاين ل امي يعني اخلصي يلا
وعد:طب شكلي حلو
ليل:قموره والله
وعد:خدي بوسه يلا امسكيني ل اتشقلب من علي السلم يبقي منظري وحش
ليل:مبتعرفيش تلبسي هيلز لبستيه ليه
وعد:عشان ميتريقش عليا ويقولي اني قصيره
ليل:طب يلا
مسكت ايديها ونزلوا وسلمت عليهم وقعدوا
مالك ادها بوكيه ورد وكان شكله شيك جدا: اتفضلي انا قولت اعمل اي حاجه رومانسيه عشان متقوليش عندي جفاف
وعد بكسوف:شكرا
اوس :احممم اتكلم يا مالك
مالك:اه حاضر
انا جاي اطلب ايد وعد
صالح؛واحنا مش هنلاقي احسن منك
حنان:واحنا مش هنلاقي احسن منها والله يعلم ربنا دخلت قلبي وحبيتها ازاي
مالك:الفتره الي فاتت كنا مستنين رايها
مالك بصوت واطي ؛طولتي اوي
ادهم:اههههه ما كانت بتفكر طب سمعينا صوتك يا وعد
وعد:نعم
ادهم:رايك
وعد؛منا قولت الصبح
ادهم:اه ده كان لينا قوليه للناس هنا بقي
صالح بضحك:خلاص يا وعد متكسفيش هي مش موافقه يا مالك
وعد :موافقه
حنان:الف مبروك ربنا يكملكوا علي خير يارب
اوس:الله يبارك فيكي يا امي بس احنا للاسف مش هنعمل خطوبه دلوقتي عشان عمي بس
مالك:وانا مش عايز خطوبه انا عايز اكتب كتب كتاب علي طول
اوس:علي طول كدا
مالك:هنستني اي تاني هكون نفسي انا يعني ولا اي ما هي خلصت وانا الحمد لله جاهز
صالح:طه يفوق بس ونكتب كتب كتابك مع اسر ربنا يفرح الكل
مالك:نلبس دبل دلوقتي بقي
ادهم:انت واخد القاعده كلها علي حسابك ولا اي يا مالك
مالك:بس ياض انت مش اتجوزت اقعد ساكت بقي
الكل ضحك
صالح:لبسها يبني ربنا يفرحكوا
مالك طلع الخاتم من جيبه ولسه هيلبسها لقي الخاتم اتاخد
اوس:معلش لما تكتب كتب الكتاب ابقي لبسهولها انا هلبسها
مالك ؛وعايزني اعمل خطوبه انا مش هعمل خطوبه بسببكم لبسهولها يا عم
اوس لبسها الخاتم:مبروك يا حبيبت قلب اخوكي وباس راسها
مالك:خلاص يا حنين
اوس خدها في حضنه :اختي يا عم
الكل ضحك عليهم وعد راحت لمامتها تمسح دموعها
حياه:كبرتي يا وعد وهتسبيني
وعد:اسيبك اي يا ماما دي خطوبه متعيطيش عشان خاطري
اوس :خلاص يا امي متعيطيش خلاص مش هنجوزها
مالك:هو في اي يجدعان
حنان بضحك:خلاص يا مالك
حياه خدت الخاتم من اوس تعالي يا مالك هات ايدك
مالك:طول عمري بقول عليكي طيبه مش عارفه انتي خلفتيهم ازاي
اوس:زود سيئاتك وانا هطلعهم عليك
ليل بضحك:كفايه يا اوس
انا هروح اجيب الكاميرا ونتصور كلنا
اوس:ايوه روحي بسرعه
ليل طلعت تجيب الكاميرا ونزلت تصورهم مع بعض وكانت الصور تحفه وكل شويه اوس يقف في النص
الباب خبط وادهم راح فتح
ادهم بصوت عالي حمدلله علي سلامتك يا معتز
اوس سمع الصوت خرج جري يسلم عليه وليل حضنت أيه
اوس:وحشتني اوي حمدلله علي سلامتك
مالك سلم عليه:،حمد علي سلامتك
معتز:اي كنت عايز تتجوزها من غير ما احضر لولا ادهم حبيبي مليش غيره والله
مالك: يا عم انت بترد علي حد ده انت اناني اوي من ساعه ما اتجوزت
اوس:لا ده محروم مش اناني
معتز: اي الحفله دي اوعوا اما اسلم علي الباقي اعوذ بالله من حيات السناجل دي انا مش عارف انتو مش بتتجوزوا زي ليه
الكل ضحك عليهم وسلم علي الباقي الكل اتبسط جدا بيهم انهم رجعوا بالسلامه واتصوروا كلهم سوي وكانوا فرحانين جدا
مالك:ينفع يا صالح بيه اخد وعد ونقعد شويه برا
صالح:صالح بيه اي بس يبني قولي يا جدي زيهم خدها وروح
خرجوا يقعدوا وكان كل شويه اوس عايز يقوم يبص عليهم وليل تمسكه خلاص يا اوس
اوس:مش عارف جدي وافق ازاي
ليل،ما لازم يقعدوا شويه مع بعض علي الاقل يتكلموا اقعد بقي وركز معايا انا تعالي اوريك الصور وقولي ريك
قعدوا يتفرجوا علي الصور واوس كان مبهور ب ان الصور حلوه كدا
اوس:حلوين اوي يا ليل
ليل بفرحه:بجد
اوس:اه والله طول عمرك ممتازه في كل حاجه
***
مالك: متوتره ليه
وعد:انا كويسه
مالك:باين عليكي بص قدامه قولي يا وعد الي عايزه تقوليه عشان باين اوي انك عايزه تتكلمي
وعد:لا عادي معنديش كلام
مالك بص في عنيها ولف ليها: اتكلمي
حست انها اتوترت اكتر وكسوفها زاد اكتر قلبها بيدق بسرعه بتحس برهبه لما تشوفه ويبقي قدامها هيبته طاغيه عليه
وعد:مالك انت بجد مبسوط
مالك:بصي انا هريحك بس واقولك علي حاجه محدش بيعمل حاجه مجبور عليها ولو حتي عملها هيقعد يعملها لحد امتي مسيره يزهق لكن الي بيعمل حاجه بيحبها بيعملها بكل شغف بيبقي مبسوط ومتحمس
وعد:ليه كل اجوبتك غامضه
مالك:انتي الي عليزه تشوفيها كدا يعني انتي مفهمتيش كلامي
وعد :لا ومش عايزه افهم غير الموضوع اه صح مبروك علي الرتبه الجديده
مالك:الله ببارك فيكي الحمدلله كان الشغل ضغط وتعب الفتره الي فاتت بس عدت الحمدلله
وعد:اممم
مالك :وبعدين طيب انتي مش مبسوطه ندخل
وعد بسرعه:لا بس انت ساكت
مالك:منا مش متعود اتكلم ومش عارف اقول اي بصي هقولك
وعد قول
مالك:احنا نبدأ من الاول ناخد هدنه نتعرف علي بعض ونتفاهم ونريح بعض مش هنفضل طول عمرنا نتخانق نتصاحب
وعد:ده اسلم حل بجد
مالك:عشان انا شايف ان احنا بنتخانق كل اما نتنفس ف علي الاقل نفهم بعض ونحاول نريح بعض شويه
وعد:خلاص بجد اتفقنا تعالي احكيلي عنك شويه اتكلم معايا
مالك بأبتسامه رضا: تعالي
******
ليل:كل ده يا أيه
أيه:متزعليش مني بس الجو كان تحفه
ليل:ربنا يسعدك يارب
أيه:يارب ويخليكي ليا يا ليل وانتي اي اخبارك
ليل: الحمدلله في مفاجاه كدا هقولك عليها كمان كام يوم استعدي بقي مفاجاه من الي كنت بتمنها
أيه:ربنا يسهلك امورك ان شاء الله
****
معتز:كنتوا عايزين تعملوا الخطوبه من غيري اديني جيت وهفضل علي قلبكوا
اوس:يا عم هو انت كنت راضي ترد علي حد
معتز:اي يا عم كنت بستجم
ادهم:والعه معاك يا عم حد استجم ادك مش زي كاتب كتب كتابي وقاعد زي البطه البلدي
اوس:انت بتقول فيها الواحد لسه هيستجم لقي العيله كلها جت تكمل تعليمها كلها هنا
معتز قاعد وسطهم فطسان علي نفسه من الضحك عليهم
معتز:قل اعوذ برب الفلق من النق بتاعكوا ده اسلكوا بقي
اوس:حاضر هنسلك تنزل الصبح تخلص شغل الشركه كله عشان انا عندي شغل تاني هخلصه عشان عايز استجم يا حنين
معتز :انا كنت قاري غدر بس ماشي تسلم يصحباي
قعدوا يهزروا مع بعض كلهم
ومالك وحنان مشيوا ومعتز وأيه روحوا والكل دخل اوضته عشان يرتاح
*****
اوس:مش عارفه تنامي ليه
ليل:انت لسه منمتش
اوس:لا.. حاسس بيكي كل شويه تتقلبي ودي مش عادتك لما تكوني عايزه تنامي اي الي شاغل دماغك كدا
ليل:مش مصدقه ان بكرا اخر جلسه كيماوي في حياتي مش مصدقه ان الرحله الصعبه دي خلصت مش مصدقه اني لسه عايشه وانت لسه جمبي انا عايزه الصبح يطلع ب اي طريقه عشان اخدها هتعب بعدها وهنام كتير وهصرخ من الالم بس كل ده اخر مره لدرجه اني جهزت اللبس بتاع بكرا ولا كأنه العيد بكرا وخايفه اتاخر علي الصلاه انا فرحانه اوي فرحانه اني وصلت للنهايه يا اوس وانت لسه واقف جمبي وبتدعمني في كل لحظه انا مبسوطه اوي
خدها في حضنه وباس راسها: الحمدلله يحببتي كانت فتره وحشه وعدت الحمدلله قولتلك هتعدي وهتخلص انتي قويه وهتستحملي لحد الاخر
باست ايده ربنا يخليك ليا وما يحرمني منك ابدا
خدها في حضنه وناموا
******
ليل فوق دماغ اوس :يلا يا اوس هنتاخر
اوس: ليل اقفلي الستاير لسه بدري
ليل:اوس قوم هنتاخر
اوس:الساعه كام يا ليل
ليل:تسعه يلا بقي
اوس:حاضر قايم
ليل:عاااا يلا بقي لسه مقومتش
اوس ضحك عليها وعلي حماسها واستغرب ان لقها جاهزه ومظبطه كل حاجه للدرجه دي
ليل:انت لسه هتبصلي ادخل خد دوش بسرعه عقبال ما اجيب الفطار بسرعه مفيش وقت للتفسير
اوس:ماشي
نزلت جابت الفطار وطلعت خرج ولبس
وهي عنيها ملعقه عليه وهو بيلبس اد اي وسيم وكاريزما بتحبه اوي
اوس بأبتسامه مش عارف يخبيها :هتفضلي تبصيلي كدا
ليل:كل يوم احسد نفسي عليك قربت منه وقفلت اخر زرار من القميص اقفله كدا عشان انا بغير عليك بجد
اوس:مبحبش اقفله هتخنق
ليل:لا بعد الشر عليك بس انت عارف البرد وكدا اياك تفتحته ولا تبص علي اي حد ولا تضحك في وش اي حد اضحكلي انا بس
اوس:حطيتي السندوتشات في الشنطه والمصاريف ولا لسه
ليل:بتتريق عليا يا اوس طب خلاص ماشي
اوس مسكها ورفعها من الارض يدوب تناسب طوله وانا ميرضنيش حبيبت قلبي تزعل خلاص هقفله بس بلاش جو التعليمات ويلا بقي عشان نمشي عشان هنتاخر عشان الرومانسيه دي ممكن ناجل ميعاد الدكتور ونقعد هنا لبكرا معنديش مانع
ليل بكسوف:لا وعلي اي يلا عشان منتاخرش
طبع قبله علي كتفها ليل اتكسفت ونزلها وقعدوا فطروا ومشيوا
ليل الحماس باين عليها جدا واوس مبسوط اوي عشانها وعشان هي مبسوطه
راحوا للدكتور
الدكتور جاهزه
ليل:جدا
يلا
خدت العلاج بتاعها واتصورت هي واوس عشان توثق اخر لحظه وخدها اوس وركبت ريح ليها الكرسي شويه عشان تسند دماغها وترتاح
روحها علي البيت وهي نامت وهو قعد جمبها
غير ليها هدومها وجابلها الاكل يصحيها تاكل وتنام تاني ويقلق علي صريخها ويديها العلاج وقعد جمبها طول الليل سرح في ملامحها والهدوء علي وشها وهي نايمه الانييين بتاعها ومستني يطمن عليها قعد يقلب علي الفون بتاعه جمبها فتح الصفحه بتاعتها علي فيس بوك وقعد يقلب في البوست بتاعها ويضحك علي الحاجات الي بتشيرها ويقرأ الكلام الي بتكتبه ومنبهر بيها جدا اد اي هي فنانه ومبدعه بجد لفت انتباهه بوست من ٢٠١٧ كانت كاتبه فيها انها بتتمني تخرج بعد نص الليل وتقضي اليوم كله برا تتمشي في الشوارع لحد الصبح مع هدوء الليل مع شخص لطيف ويجروا وينبسطوا ويضحكوا سوي ويقعدوا ياكلوا سوي وتاكل دونتس وتتمشي وتقعد علي النيل وتتمشي في شوارع الزمالك بليل وتاكل ايس كريم وعلي اغاني ام كلثوم *ونقول للشمس تعالي تعالي بعد سنه مش قبل سنه دي ليله حب حلوه الف ليله وليله هو العمر اي غير ليله زي الليله وزي الليله*ويجبلها ورد ويقولها الورد للورد يا جميل وتسهر لحد الصبح مع اغنيه فيروز واغاني ام كلثوم يا اما عيون شغلوني لكن ولا شغلوني ويسافروا دهب مع بعض ويجربوا يشوفوا الشروق من علي جبل سانت كاترين**
كان بيقرأ ومبتسم اد اي حاجات بسيطه بس تسعد قلب اي شخص تغير المود ١٨٠ درجه
اوس:وعد مني اول ما تقومي بالسلامه ل احققلك كل الي بتتمنيه بس قومي انتي بالسلامه
******
ادهم:مش عاجبني حالك
عهد:انا كويسه
ادهم:كل حاجه هتبقي كويسه والله ربنا موجود ديما
عهد:امتي يا ادهم امتي بس
ادهم:هانت هانت اكيد الايام كلها مش هتبقي حزن هنفرح والله إن شاء الله ادعيله بس وسيبها علي الله
عهد:يارب
ادهم خدها في حضنه وقعدوا تحت النجوم طول الليل
******
ليل فاقت بعد الفجر وحاسه ب ألم في جسمها كله واوس كان راقد جمبها علي الكرسي قامت براحه ودخلت الحمام تتوضي وتصلي الفجر وتكتم شهقات الالم عشان ميصحاش باين عليه الارهاق
دخلت تتوضي وخرجت حاسه بتعب راحت تشوف العلاج عشان تاخده وجسمها بدأ يوجعها وتتشنج اوس حس بحركه في الاوضه فاق ولقها حاطه ايديها علي بؤها وبدور علي العلاج جري عليها مالك فيكي اي
ليل وبتكتم شهقاتها :ا...انا كويسه ارتاح انت
اوس:عني ما ارتاحت تعالي اقعدي براحه اقعدي والي انت عايزاه انا اجبهولك راح بسرعه يجبلها العلاج والمايه
اوس، اشربي براحتك
شربت ومسحت دموعها
اوس:براحه ممكن تفهميني في اي وقدام تعبانه مصحتنيش ليه
ليل:مكنتش عايزه اتقل عليك انا قومت يدوب اتوضيت وكنت رايحه اصلي قولت اخد العلاج لاني حسيت بوجع
اوس:تقيله اي انتي بتقولي اي انتي تعبانه صحيني
ليل:ما انت تعبت طول النهار ومش عايزه اتقل عليك اكتر من كدا انا حاسه اني تقيله اوي وانا تعبانه وانت شيلتني كتير كفايه كدا اعتمد علي نفسي شويه هو انا كل شويه اتعب
اوس اتعصب وضرب علي الازاز ب ايديه وايده اتعورت جامد وبيتكلم بعصبيه:لو كان حصلك حاجه دلوقتي كنت هفضل مرتاح
ليل اتخضتت وغمضت عنيها جامد واترعبت اكتر لما شفته متعصب وأيده اتفتحت جريت عليه تمسك ايديه
اوس:ارجعي لورا
ليل:اشوف جرحك بس الاول
اوس بصوت عالي :خليكي ورا يا ليل ..عشان مبقاش تقيل عليكي
لف ايديه وسندها تروح تصلي وادها العلاج بتاعها نامي يا ليل
ليل بعياط :مش عايزه هات اشوف ايدك
اوس:لا انا هتصرف
ليل عشان خاطري هشوفلك الجرح بس وبعدين ازعل عشان خاطري
اوس صعب عليه دموعها رغم ان زعله وعصبيته كانت اكتر
قامت جابت شنطه الاسعافات الاوليه ولقت ايده عايزه تتخيط جابت الحاجه وخيطتت ايده ولفتهاله وكل شويه تمسح دموعها عشان تعرف تشوف الجرح كويس
اوس :كفايه عياط
ليل بتعيط زي الاطفال:بس انت زعلان مني وايدك اتعورت بسببي والله انا اسفه انا مكنتش عايزه اتعبك عشان انت كنت تعبان طول النهار ومنمتش عشان خاطري متزعلش
اوس لاحظ ان نفسها بدأ يقل من كتر العياط خدها في حضنه وطبطب عليها كفايه عياط طيب كفايه خلاص مش زعلان انا كنت متعصب عشان انتي ازاي تفكري كدا انتي عندي بالدنيا يغور النوم وكل حاجه المهم تكوني كويسه
ليل:خلاص والله مش قصدي مش هقول كدا تاني
اوس:خلاص طيب كفياكي عياط انا كويس
ليل:ايديك بتوجعك
اوس بأبتسامه بسيطه:لا انا كويس
باست ايديه ان شاء الله هتبقي كويسه انا خيطها كويس جرح بسيط بس عشان ميسبش علامه
اتعلمتي الخياطه ازاي
ليل:منا اشتغلت في صيدليه ولو جرح بسيط زي ده اتعلمت اخيطه
اوس:حتي دي اتعلمتها
ليل:منا بقولك مكنتش بعرف اقعد ساكته
اوس:يارب تفضلي طول عمرك ناجحه وديما فخور بيكي
باس خدها وخدها ونامت في حضنه
**********
في صباح يوم جديد الكل متجمع علي الاكل وبيأكلوا في صمت تام
اوس: عامل اي في الشركه يا اسر
أسر: اهي الدنيا ماشيه تمام الحمد لله بتعود اهو
اوس:هبقي اجي معاك النهارده عشان نظبط شويه حاجات واوريك حاجات فيها عايزين نشتغل الفتره الجايه عليها
أسر: خلاص تمام
قطع كلامهم فون اوس رن
اوس:الو يا دكتور
الدكتور؛اوس بيه طه بيه فاق
****
رايكم في البارت 👀👀ومتنسوش الڤوت+اسفه على التاخير
#مجنونه ولكن احببتها
#ندى حسين