البارت الخامس
آيه:السلام عليكم انا ايه ابراهيم كان عندي انترڤيوا النهارده
سلمي :ايوه اتفضلي مش انتي تبع دفعه الامتياز ديه
آيه :ايوه انا
سلمي ؛تمام اتفضلي اقعدي في الاوضه ديه وانا جيالك
آيه:تمام
وفي طريقها للاوضه اتخبطت في شاب
آيه :آه انا اسفه حضرتك الي خبطت فيا
معتز :خلاص ولا يهمك انا هشيلهم
آيه :لا انا الي خبطت فيك كنت باصه للفون معلش
معتز وهو متندح :انتي رقيقه وحلوه كدا ليه
آيه بأحراج:نعم حضرتك بتقول حاجه
معتز :احم لا مبقولش هو حضرتك معانا هنا
آيه:ايوه انا من الدفعه الي هتتعين هنا
معتز :هي الدفعه حلوه كدا
آيه : لو سمحت يا استاذ
معتز:معتز اسمي معتز
آيه:طب لو سمحت يا استاذ معتز وسع عشان عندي انترڤيوا عشان متاخرش
معتز :اه اتفضلي
معتز : سلمي سلمي
سلمي : نعم يا استاذ معتز
معتز : هو انتي الي هتعملي الانترڤيو مع البنت ديه
سلمي :. ايوه يا استاذ معتز
معتز : لا روحي انتي وانا هعمل معاها الانترڤيو
سلمي باستغراب : تمام ماشي
معتز : تمام روحي انتي
معتز داخل الاوضه متحمس
معتز: اتفضلي
آيه باستغراب: هو حضرتك الي هتعمل معايا الانترڤيو
معتز بجديه وهو هيموت من الضحك علي كسوفها: اه اتفضلي عشان نخلص عشان هنا الشغل مفهوش هزار
آيه بارتباك : ماشي اتفضل حضرتك
معتز بدء يركز في الشغل:كدا خلاص خلصنا ديه قوانين الشغل وهيبدء من يوم الحد يا انسه آيه
آيه:تمام ماشي سلام عليكم
معتز :وعليكم السلام بس معلش اخر حاجه قبل ما تمشي
آيه :نعم في حاجه تاني
معتز :لا في تعليق بسيط هو انتي هتشتغلي باللبس ده
آيه وبدأت عصبيتها تزيد *لان من صفات آيه أنها رقيقه وطيبه بس الي بتكلم عن لبسها أو شخصيتها مش بتسكت:ماله اللبس
معتز لاحظ تغيرها:احم اقصد الطرحه الطويله ديه
آيه بعصبيه :اولا اسمه خمار ولو من شروط العقد الاعتراض عن اللبس ف انا مش عايزه الشغل
معتز حس أنه غلط :لا انا اسف تعالي زي ما انتي عايزه خلاص
آيه:بعد اذنك
معتز : اتفضلي
معتز وبيكلم نفسه :يخرابي هي اتحولت كدا ليه بس قمر يخربتها
مالك باستغراب : معتز انت بتكلم نفسك
معتز: ها متجيب بوسه
مالك باستغراب وانفجر في الضحك:معتز انا مالك فوق احنا في الشغل هنترفد كلنا اسيبك دلوقتي عشان انت مش علي بعضك قال هات بوسه قال
آيه وفي طريقها للبيت بتكلم نفسها بردوا :انسان سمج جاتك داهيه قال هتشتغلي باللبس ده البس عريان زيهم عشان يعجب
ويقاطعها تيلفونها يرن
آيه:الو سلام عليكم ايه يا ليل عامله ايه
ليل:انا الحمدلله كويسه عملتي ايه طمنيني
آيه:الحمدلله واتقابلت
ليل:طب كويس قابلت البنت الي اسمها سلمي ديه
آيه : لا قابلني واحد كدا دمه سم
ليل حاسة أن آيه هتتعصب:طب اهدي وقوليلي في ايه
آيه حكت ل ليل الي حصل
ليل :شاطره انك رديتي كنتي هزئتيه
آيه :خلاص منا رديت عليه المهم اخبارك ايه النهارده
ليل:انا تمام الحمدلله ها هتعملي ايه انتي
آيه :هروح وبكره ننزل نشتري هدوم
ليل:اشطا عايزين نكون جامدين احنا مش اي حد بردوا احنا جامدين اوي
آيه بضحك : طبعا اومال في هناك شويه بنات ايه ده يخربيت كدا
ليل:الميك اب بيعمل اكتر من كدا هتلاقي كل واحده قبل م تنزل شفط نفخ حط ميكب لحد متعرفيش من ديه
آيه بضحك :يخربيت دماغك دماغ كلاب هقفل دلوقتي أما اروح هكلمك
ليل:ماشي ابقي طمنيني عليكي لما توصلي
آيه :أن شاء الله
وعدي اليوم بسلام علي الكل وتاني يوم نزلت ليل وايه يشتروا اللبس
آيه :ايه ريك في ده يا ليل
ليل:حلو يلا عشان نشتري الشوز عشان انا شويه كمان وهاكل دراعك يلا
آيه :يلا
وخلصوا ليل:يلا ناكل
آيه :ماشي يلا هناكل فين
ليل:احنا لينا غيره يلا علي ماك
آيه :يلا
وخلصوا اليوم بعد ما مر كتير من الضحك والتصوير وجنان ليل وضحكتها الي تودي القسم وخنقها طبعا مع السواقين
آيه :انا مش قادره تاني انا هروح انام لحد بكره
ليل:وانا كمان يلا اشوفك بكره في الشركه
آيه :ليل بالله عليكي متتاخريش ده اول يوم شغل وهنترفد شكلهم مش بيهزوا في الشركه ديه
ليل :يا ست سبيها علي الله هصحي بدري حاضر بس اوعي تنسي ترني
آيه :حاضر مش هنسي هي ديه حاجه تتنسي يلا سلام
طبعا كل واحده روحت علي بيتها ومر اليوم
ليل:ماما انا جيت انا داخله ارقض عشان خلاص مش قادره
سلوي :مش تيجي توريني الحاجات الي جبتيها
ليل :الحاجات في الشنطه اتفرجي براحتك هصلي العشاء وانام
سلوي :مش هتاكلي
ليل:لا عايزه انام
بداء ليل تبدء تنام يرن تيلفونها.ليل،ايوه مين
المتصل "نعم هو مين الي مين
ليل،اه ازيك عامله ايه
المتصل ،ايه يبنتي مالك
ليل،لا مفيش بس مرهقه جدا
المتصل :انتي كويسه يعني
ليل بنوم :ايوه الحمدلله
المتصل"تمام ابقي اكلمك بكره
ليل نامت:س ل ا
المتصل"الو الو لا ديه نامت وقفل
*اليوم التالي *اول يوم شغل
تيلفون ليل يرن كالعاده
سلوي"يبنتي هو انا طول عمرك هفضل اقولك تيلفونك بيرن
يالييييل اصحي بقي
ليل:يجدعان الرحمه الواحد نفسه ينام
سلوي :ليل تيلفونك بيرن بقاله ساعه
ليل بنوم : هتلاقيها ايه قوللها انا مش رايحه الجامعه
سلوي ب استغراب: البت اتهطلت جامعه ايه انتي مش هتروحي الشغل من اول يوم
ليل ب استيعاب: شغل شغل ينهار ابيض وسعيلي هتاخر بسببك واتنفضت من علي السرير تغسل وشها وتتوضي
تيلفونها مستمر في الرن خلصت صلاه
الفون يرن تاني
ليل: الو يا آيه بصي من غير شتيمه انا بلبس وخلاص اخر حاجه اهو
آيه :من غير شتيمه ده انتي لو بنت محمد ميشوفكيش النهارده عشان هجيبك من شعرك
ليل: خلاص يا آيه والله اهو
آيه:كليه وشغل الله يسامحك انا عارفه هنترفد من اول يوم
ليل:اهو كلامك ده الي بياخرني انا هلبس وارن عليكي
آيه :انا هنزل واستناكي في المكان الي هنركب منه
ليل: تمام سلام عشان الحق اخلص
وليل ليست ولفت طرحتها ولبست الشوز الابيض ونازله
ليل: سلام يا ماما بقي عشان متاخرش
سلوي : مع السلامه خلي بالك من نفسك
ليل: أن شاء الله
وركبوا ووصلوا للشركه
ليل: حتي الاسانسير مشغول ورايا
آيه : علي فين
ليل : علي السلم
آيه: انتي هتطلعينا كل ده
ليل"يبنتي انجزي هنتاخر
وطلعوا فعلا علي السلم وهما بيجروا لحد ما وصلوا المكتب
سلمي : اخيرا وصلتوا وتأخير اول يوم ده مدير الشركه عامل اجتماع للناس الجداد والاجتماع بدء بقاله ساعه وانتو اتاخرتوا ده فاضل نص ساعه
ليل ب إجاز : مهم الاجتماع ده يعني
سلمي : هيفهمكم الشغل والطريقه والكلام ده يعني
ليل : تمام ممكن تشرحي انتي وخلاص
سلمي شرحت ملخص الاجتماع
ليل: اهو اديكي خلصتي قبلهم قبل ما يطلعوا فين بقي المكان الي هنشتغل فيه
وفي نفس اللحظه بدوء يخرجوا من الاجتماع
مدير الشركه : سلمي في مواعيد تاني
آيه : ليل الحقي مدير الشركه اهو يلا نقعد في أي حته بدل ما يشوفنا ونترفد
ليل: بجد هو فين ده
وتلف وشها وتشوفه
ليل : فين ده ايه ده استني الشاب الي كسرلي الفون بتاعي اهو
آيه: فين ده يبنتي
ليل: استني جيالك
آيه وتمسك فيها : انتي رايحه فين
ليل: استني جايه
ليل: انت ايه الي جابك هنا يا انسان يا سمج يا قليل الادب يا عديم الزوق
الكل بصدمه
آيه : آحيه
الشاب: انا
ليل: انت ازاي تيجي مكان محترم زي ده وعامل نفسك بيه
الشاب : هو انتي الي دخلك من الباب اصلا ده انتي ليلتك سودا ده انا مصدقت شوفت اتصلي بالبوليس يا بني ولا اقولك هاتها عشان اتصرف معاها ومسك أيدها تعالي انتي جيتي برجلك
ليل غضت ايده : وحيات امك ل اعرفك تمسك ايدي ازاي
الشاب : يبنت ال *** الي انتي بتشتميه يبقي صاحب الشركه الي انتي واقفه فيها وحيات امي ل اوريكي وهدفعك الي انتي عملتيه ده غالي اوي
ليل بصدمه :........
انتظروا البارت السادس تفاعلكم + رايكم
ايه الي هيحصل مع ليل ويترا ليل هتنزل عن كبرئها ودماغها العنيده وهتسكت .......
#ندي حسين
أنت تقرأ
مجنونه ولكن احببتها
Fantasyمجنونه مشاغبه ولكنها في الحقيقه أكثر من ذالك بكثير وحين تضيق الدنيا لم تعرف ما بداخلها ف أنها كتومه جدا ولكنه صعيدي ولكن من سيتحمل الثاني ويبقي الاقوي
