مجنونه ولكن احببتها

38

اوس:الو يا دكتور
الدكتور؛اوس بيه طه بيه فاق
اوس:بتتكلم بجد انا جاي حالا
صالح:في اي يا اوس
اوس :عمي فاق
عهد وأسر:بابا
صالح:روح انت واسر وانا هلبس واجي وراكوا
خرج وركب العربيه وعهد ركبت معاهم وراحوا المستشفي
وصلوا المستشفي وقابلوا الدكتور وقالهم انه اتنقل اوضه تانيه
طه راقد علي السرير ومفتح عينه والممرضه بتساعده يقوم
دخلوا الاوضه وعهد الي جربت عليه حضنته وأسر الي باس ايده واوس واقف مش عارفه يعمل اي قرب عليه
حمدلله علي السلامه ي ...عمي
طه بص ليه بعيون مدمعه وفتح دراعه واوس دخل في حضنه الحمدلله انك بخير الحمدلله قلقتنا عليك كنت خايف عليك اوي
انا من ساعه ما صحيت وهما بيتكلموا عليك ورنوا عليك انا اسف اوي يا اوس يبني انا جيت عليك اوي انا مكنتش عايز حاجه من كل ده انا اسف ليك انت اكتر واحد انا ظلمته سامحني يبني
اوس باس راسه :مسامحك اهم حاجه انت تقوم بالسلامه
طه انا بقالي كتير في غيبوبه
عهد بدموع :٩٥يوم و٦ساعات و ٣ دقايق وحشتني اوي يا بابا
طه دموعه زادت:وانتي اوي يحبيت قلبي انا جيت عليكوا كلكوا وظلمتكوا سامحوني عشان خاطر ربنا يسامحني
اوس: كل حاجه هتبقي تمام اهم حاجه انك تقوم بالسلامه
طه:ان شاء الله
قطع كلامهم وصول صالح وادهم وليل وحياه
الاوضه بقت مليانه
صالح قرب علي طه وطه مسك ايده وفضل يبوس فيها سامحني يا ابا عشان خاطري سامحني انا اسف انا ظلمتكوا كلكوا انا معملتش حاجه حلوه تخليكوا كلكوا وجمبي كدا انا لما كنت هموت قولت محدش هيحس بيا وده هيبقي عقابي علي الي عملته كله سامحيني يا حياه جيت عليكي كتير واناي يا ليل رغم انك كنتي بتحاولي كتير تقربي مني انا واوس وتتكلمي معايا وانت يا ادهم
انا مكسوف من نفسي وانتو كلكوا جمبي كدا وخايفين عليا انا ربنا بيحبني اوي ان اداني فرصه
ليل:الفرصه دي جتلك يا عمي عشان انت تستحقها وقلبك طيب وربنا بيعلمك وبيسامح
طه :عندك حق الحمدلله
ادهم:كفايه يجماعه الدراما دي كلها انا هعيط منكوا خلاص وانا دمعتي قريبه اهم حاجه يا عمي انك في وسطنا وربنا يجمعنا ديما هات ايديك كدا نمشيك شويه تلاقيك تعبت من الرقده دي كلها
طه:عندك حق يا واد يا ادهم انا عايز ارجع البيت بسرعه عشان اجوزك انت وعهد وأسر علي طول كفايه كدا
ادهم ؛لا انت كنت لازم تفوق من الغيبوبه من زمان بقي
الكل ضحك وادهم راح يمسك ايد طه يقومه
طه بألم: استني يا ادهم انا مش حاسس بالجزء الي تحت ده خالص
ادهم ازاي رفع عنه الغطا وبيرفع رجله يحركها مش راضيه تتحرك معاه انت متاكد انك مش حاسس ب حاجه
طه : لا انا مش حاسس برجلي خالص
الكل قلق وأسر نادي علي الدكتور والدكتور جه عليهم وبيشوفه وطلب دكتور عظام والكل خرج برا
الدكتور كشف عليه وخرج
أسر:ها يا دكتور طمنا
الدكتور:للاسف جاله شلل من السكر الي كان عنده الي سبب ليه غيبوبه وده ادي الي شلل في رجله
الكل اتصدم ومش عارفين يتكلموا
اوس:وده اي الحل
الدكتور:عايز عمليه كبيره برا مصر مش هنا ومع العلاج الطبيعي ان شاء الله ممكن يقدر يرجع تاني بس مينفعش دلوقتي خالص لما يتعافي تماما ونعالج السكر عنده ويتظبط طول ما السكر بتاعه مش بيتظبط مينفعش يدخل عمليات خالص
اوس:تمام وهو هيفضل في المستشفي لحد امتي
لو هتوفره ليه الراحه والعلاج يبقي تلات ايام ويطلع
اوس:ان شاء الله شكرا ليك يا دكتور
ادهم بيحاول يهدي عهد الي مش قادره تتمالك نفسها من ساعه ما سمعت الخبر ودخلوا ل طه تاني
اوس قعد جمبه:ازمه وهتعدي
طه: الحمدلله يا اوس الحمدلله فين عهد
اوس؛مع ادهم برا
طه: ناديلي عليها يا اوس
ليل'خليك يا اوس وانا هنادليها
ليل خرجت وكلمت ادهم ودخلوا
طه:اقعدي يا عهد مسح ليها دموعها كفايه عياط انا كويس وراضي المهم ان انا بعرف اتكلم واشوفكم ويا ست لو علي المشي ابقوا حركوني بالكرسي حببتي ده عقاب ربنا ليا وانا راضي وانا لازم فعلا ارضي عشان ربنا يخفف عني انا كويس وراضي الحمدلله كفياكي عياط
عهد بعياط :لا انت مش كويس انت بتقول كدا وخلاص
طه:والله انا كويس ومتعرفيش فرحتي وانتو جمبي نستني ازعل علي رجلي لو رجلي تروح مقابل ان احنا نتجمع كدا واطمن عليكوا وان ربنا يرجعني لوعي ويديني فرصه اتوب قبل ما قابله هحتاج اي من الدنيا تاني الحمدلله على كدا
رغم ان كلهم زعلانين عليه علي اد ما كانوا مبسوط ان هو راضي
قضوا اليوم كله معاه وعهد قالت انها هتبات معاه وادهم قعد معها
****
ليل:مبسوط
اوس بتنهيده: مش عارف افرح ولا ازعل بس كل الي ربنا عايزه راضين بيه هو الموضوع صعب بس ربنا موجود الحمدلله بجد ربنا بجد بيدي الإنسان فرص كتير للإنسان عشان يتغير الحمدلله يقوم بالسلامه بس واحنا نسافره ان شاء الله
ليل:ان شاء الله يارب
***
ادهم: نامي شويه وانا صاحي جمبه متخافيش هو نام والدكتور بيقول كويس
عهد؛خايفه انام ليحصل ليه حاجه تاني
ادهم:متوهميش نفسك هو كويس
عهد:هو بيبقولنا كويس عشان منزعلش لكن هو مش كويس هو زعلان اوي متخيل واحنا بنخرجه ونقعده علي كرسي ونحركه بيه صدقني هو مش كويس خالص
ادهم:فاهمك بس صدقيني عمي راجل قوي وهيستحمل وان شاء الله يخف شويه ونشوفله العمليه
عهد:يارب يخف علي طول
ادهم خدها في حضنه وطبطب عليها اهدي وفضي دماغك طول منا جمبك انا اشيل كل همومك والمهم انتي تبقي بخير
عهد :ربنا يخليك ليا يارب بس قولي مرضتش تروح معاهم ليه
ادهم:واسيبك لوحدك
عهد:منا معايا بابا
ادهم:طب وانا ، انا بصراحه بستغل اي فرصه نفضل سوي ومع بعض وتفضلي في حضني كدا
عهد بضحك:طب وسع كدا عشان انت استحلتها
ادهم: لا خليكي كدا ده حتي الجو سقعه يبنتي انا كاتب كتاب انتي مفكره انا شقطتك
عهد ضربته بخفه علي صدره:اتلم
ادهم ضحك معها وفضلوا يتكلموا لحد ما ناموا
********
وعد:هروح اشوف عمي النهارده
مالك:استني نروح سوي
وعد، هتتاخر
مالك:لا ان شاء الله هخلص واكلمك
وعد:خلاص تمام ماشي هروح اخلص ورق في الجامعه واجي
مالك:خلي بالك علي نفسك وخدي حد معاكي
وعد:ما انت عارف يا مالك كلهم في المستشفي والشغل وربنا يعين كل واحد
مالك:لا يا وعد استني حد يروح معاكي
وعد:ما صحبتي جايه معايا
مالك:انهي واحده
وعد:....
مالك:سكتي يعني
وعد: من غير خناق أنا رايحه مع نور
مالك:اه ثانيه واحده كدا اخت الزفت ده
وعد:انا مالي بيه نور صحبتي من قبل حتي ما يحصل الموضوع ده
مالك:ما هو هيستغل اختك ويقابلك
وعد:لا بيتهيقلي هو شخص محترم واكيد مش هيعمل كدا
مالك :وانتي عرفتي منين ان شخص محترم
وعد:انا اقصد مش عارفه يا مالك المهم ان مليش دعوه بيه اكيد مش هقطع مع صحبتي
مالك:مقولتش اقطعي معها بعدين نتكلم في الموضوع ده عشان انا في الشغل دلوقتي المهم متروحيش معها
وعد:بس انا مش هقطع معها يا مالك هي مستنياني واكيد انا مش هكسفها عشان انت شايف الموضوع كدا انا هنزل وهنروح سوي
مالك:مش انتي شايفه كدا انزلي يا وعد سلام
وعد : مالك
قفل الفون
وعد اتعصبت ان حتي مستناش تكمل كلامها
وعد:طب تمام والله ل انزل معها وهنشوف يا مالك
نزلت عشان تروح الجامعه
وعد: انتي فين يبنتي
نور:خلاص انا في وشك اهو
وعد :انهي ناحيه
نور:لفي وشك
وعد لفت وشها وشافت نور ومعها عمار
فجاه تخيلت لو مالك عرف حاولت تعدي الموضوع وتتعامل طبيعي
نور:ازيك يا وعد
وعد: الحمد لله
عمار مد ايده يسلم عليها :ازيك يا وعد مش هتسلمي
وعد بصت ل ايده
وفجاه سمعت صوت هي عارفه كويس
مالك:للاسف وعد مبتسلمش لكن انا بسلم عادي وسلم جامد عليه لدرجه ان عمار بيسحب ايده من كتر الالم
مالك بص لوعد :اسف يحببتي لو اتاخرت عليكي وخلتك واقفه لوحدك كدا بس انتو عارفين وعد بتسقع بسرعه كنت لازم اجبلها حاجه سخنه خدي حببتي
عمار:اهلا بيك يا مالك بيه
مالك باقتضاب:اهلا
عمار:اصل وعد مقالتش ان محدش جاي معها ف استغربت
مالك:وهي وعد كلمتك اصلا يلا بينا خلينا نخلص الورق الي جاينله
وعد لسه مش مستوعبه فاقت علي ايد بتشدها
مشيت معاه ودخل معها وطبعا كل الي يعرف مركزه كان الورق بيخلص بسرعه خلصوا ونور وعمار لسه بيخلصوا الورق
مالك:يلا يا وعد محتاج حاجه يا عمار
عمار بيجز علي سنانه:شكرا
مالك:طب سلام ربنا يخليلك اختك يلا وعد ومشي وافتكر حاجه ورجعله ان شاء الله هتكون اول واحد معزوم علي الفرح عشان انت غالي عندي اوي سلام يا دكتور
خد وعد ومشيوا
ركبت العربيه في هدوء عشان هي عارفه العاصفه الي داخله عليها دلوقتي
وعد :ممكن اتكلم معاك شويه احنا اتفقنا ان نسمع بعض
مالك بيحاول يهدأ:اتكلمي
وعد:انا بجد مكنتش اعرف ان هيجي معها
مالك:بس انا قولتلك بس انتي حبيتي تعاندي رغم ان احنا برضوا متفقين بلاش عناد
وعد:انا مش بعاند انا لقيتك قفلت في وشي يا مالك متدنيش فرصه حتي اعرف اعمل اي
مالك:كنت في الشغل وانا في الشغل مش بعرف ابويا اكلمك ازاي قوليلي بحاول اقولك الحل علي طول
وعد:ماشي انا غلطت بس انا والله ما اعرف ان هو هيجي وحتي لو جه اديك شوفت انا متكلمتش معاه ولا اتعاملت معاه
مالك بعصبيه:عشان كدا كنتي هتسلمي عليه
وعد: واحد مد ايده مسلمش
مالك:لا متسلميش ما ليل اهي انا مش بمد ايدي اسلم عشان هي مبتسلمش بقت وحشه
وعد: خلاص ماشي يا مالك والحل
مالك:معرفش الحل عندك من الاول كان اختصار لكل المشاكل دي
وعد:مالك انت لازم تثق فيا شويه انا حتي لو كنت بمد ايدي اسلم ف ده عشان محرجوش لكن هو لو حاول يتخطئ حدوده كنت هوقفه
مالك: وانتي عايزاني اسيبه يتخطئ حدوده
وعد:مقولتش كدا بقول سيبلي فرصه مش لسه هتكلم لقيتك فوق دماغي
مالك وقف العربيه جامد: انتي مكنتيش عايزاني اجي
وعد:انت جيت عشان مش واثق فيا صح
مالك وصل لقمه غضبه مسك ايديها جامد:انتي بتقولي اي قدام انتي ساذجه كدا مبتفهميش الناس يبقي تسكتي خالص الي انتي بتتكلمي عليه انتي مش بتشوفي نظرته عامله ازاي ولا بتشوفي عامل ازاي لما عرف ان احنا اتخطبنا واحب اقولك لو مكنتش جيت كان مش هيسلم بس هو جاي وعارف نيته كويس قدام انتي مش فاهمه حاجه متبرريش
وعد:وانا مش ملزمه كل شويه اسمع كلامك سيب ايدي
مالك:لما يكون صح متعانديش
وعد:سيب ايدي بتوجعني
ساب ايديها لقي ايديها علمت
وعد لفت وشها الناحيه التانيه مش عايزه تعيط سكتت شويه
وعد:احنا الحياه كدا بينا مش هتمشي ملعون كل حاجه لو الدنيا هتمشي بينا كدا
انت لو كنت بتحبني شويه بس كنت كلمتتي براحه ومشيت الدنيا بينا انت كل مره بتثبتلي ان انت مش هتمسك فيا مع اول خناقه هتمشي وانا متعودتش امسك في حد للاخر
وجايه تقلع الدبله
مسك ايديها دي لو قلعتها هتبقي فيها كلام تاني خالص خناقتنا وخلافتنا ملهاش علاقه ب دي
وعد:لما يبقي في ما بينا لغه للتفاهم او لغه للحوار اصلا نبقي نكمل احنا مش لبعض
قلعت الدبله ونزلت من العربيه
******
وعد بصوت مكتوم من العياط:الو يا اوس ممكن تيجي تاخدني
اوس قلق عليها:مال صوتك انتي فين
وعد:انا كويسه انا في ***
اوس:جاي حالا
راح خدها ولقها سكته مرضاش يفتح معها كلام دلوقتي
اوس:انا رايح لعمك هتروحي
وعد:ماشي يلا
اوس:هنعدي علي ليل ونروح
وعد: ماشي
عدي علي ليل واخدها وراحوا المستشفي
الدكتور :شاف حاله طه وكتبله علي خروج بعد إصرار طه ان عاوز يروح البيت وحظرهم يرتاح وميتعرضش ل اي ضغط
وصلوا كلهم البيت وقضوا وقت لطيف مع بعض
ودخلوا طه يرتاح وأسر وعهد هيقعدوا جمبه وكله طلع علي اوضته
وعد بتحاول تنام مش عارفه هي فعلا الي عملته صح ولا غلط هو ليه عصبي معها كدا ليه مش بيديها فرصه ليه هي متسرعه وافتكرت كلامه وبيقولها بلاش تقلعي الدبله وهي بكل غباء قلعتها قامت فتحت البلكونه تتنفس شويه يمكن الهواء يريح قلبها شويه
كل شويه كلامه يتردد في ودنها خايف عليها فكرت للحظه ممكن يكون معاه حق وان عمار مش كويس الشغل بتاعه علمه كدا بس كبريها بيمنعها بصت للسماء وسكتت
*****
معتز:مالك يا آيه بقالك كام يوم تعبانه كدا
آيه:مش عارفه يا معتز
معتز:وانا راجع من الشغل هعدي عليكي واوديكي للدكتور
آيه:ماشي روح شغلك ومتقلقش عليا هبقي كويسه ان شاء الله
معتز ؛ماشي حببتي انا نازل باس راسها ونزل
*****
اوس:ازيك يا عمي عامل اي النهارده
طه:في نعمه يبني الحمدلله
اوس:الممرضه جايه النهارده علي الضهر ان شاء الله وهتبقي معاك عشان الدكتور بتاع العلاج الطبيعي يشتغل معاك شويه لحد ما تخف شويه ان شاء الله
طه:ان شاء الله انا مش عارف اقولك اي يا اوس
اوس:هتقول اي يعمي بس ربنا يقومك بالسلامه ان شاء الله
*****
نزل الشركه واتقابل مع معتز
وكملوا شغلهم مع بعض
معتز:انا همشي دلوقتي
اوس:لسه بدري الساعه ٢
معتز:منا عارف عشان أيه تعبانه شويه وهنروح عند الدكتور
اوس:مالها خير أن شاء الله
معتز:مش عارف والله بس هي بقلها كام يوم مرهقه كدا ومش عجباني
اوس:اجي معاك طيب
معتز:لا خليك انا هخلص واكلمك
اوس:ماشي ابقي طمني عليها
معتز: حاضر سلام
****
معتز:يلا با أيه خلصتي انا في العربيه تحت
آيه: اطلع كُل الاول
معتز:لما نرجع طيب
آيه: حاضر نازله اهو
خدها و راحو للدكتور كشف عليها
معتز:ها يا دكتور طمني
الدكتور:مبروك المدام حامل
آيه وعيونها كلها دموع:,اي حامل
معتز: بجد قول والله
الدكتور بيضحك علي شكل معتز:والله
معتز ىاح ناحيه أيه وهي مسكت وشه :هتبقي احلي اب في الدنيا
خدها في حضنه:مبروك يا نور عيني ده انا الفرحه مش سعياني طب انتي كويسه
آيه:ايوه
الدكتور:هتاخد العلاج ده ولازم تمشي عليه كويس عشان هي ضعيفه جدا
معتز :حاضر خد العلاج من الدكتور وخدها وخرج اشيلك
آيه :لا انا كويسه
معتز:تحبي تأكلي اي
خلص شغله وراح مشوار وروح علي البيت
*****
اوس:سلام عليكم ازيك يا امي
حياه: الحمدلله حبيبي
اوس: يارب ديما ويخليكي ليا
اومال فين ليل مش سامع ليها صوت
حياه:هي وعد قاعدين فوق من بدري
اوس باستغراب:ليل وعهد
حياه:ايوه
اوس: وعد مش معاهم
حياه:لا منزلتش من الصبح كل اما نشوفها نايمه
اوس:نايمه اي الساعه بقت ١٢ ونص انا هطلع اشوفها هدخل اشوف عمي واطلع اشوفها
دخل عليهم ادهم
اوس:اهلا بالدكتور الي بنشوفه صدفه لو متجوز يبني قولنا واحنا نقف معاك
ادهم:مش لما اتجوز اولاني ابقي اتجوز تاني وضحك معاه وسلموا علي بعض
اوس: فينك كدا ومتاخر
ادهم:ده علي اساس انك جاي بدري كنت في المستشفى بنشوف الاجهزه الي جت النهارده وكنا بنخلص اخر حاجات
اوس،هتتفتح امتي ان شاء الله
ادهم :اول الاسبوع الجاي
اوس:ان شاء الله كلنا معاك
ادهم ،ده اكيد
انا داخل اشوف عمك
ادهم:خدني معاك بالمره
دخلوا اطمنوا عليه وخرجوا عشان كان هينام
ادهم:انا هنام مش قادر فاصل
اوس:تعالي اقعد شويه معايا
ادهم:لا يا عم مش قادر
اوس:براحتك انت خسران عهد جوا
ادهم:طب يلا ناكل سوي
اوس:لا مش هتدخل يلا اطلع برا اطلع نام يا كلب
ادهم',يا عم احترمني انا بقيت خلاص دكتور بجد
اوس: برضوا هتفضل اخويا الصغير
ادهم:طب وحد يزعل اخوه الصغير
اوس: انا يلا من هنا بقي وفتح الباب وداخل ادهم زقه وسع كدا دخلني معاك ده انت خنيق
اوس:وانت بارد
ادهم:عهوده حبيبه قلبي اول ما عرفت انك هنا مقدرتش اجي غير لما اشوفك
عهد بتضحك :حمدلله علي السلامه كنت بظبط شويه حاجات مع ليل وماشيه يلا بينا
ادهم:يلا يا جببتي
اوس متغاظ منه:يلا يا حنين
ادهم:قل اعوذ برب الفلق يلا يا حياتي
عهد بتضحك عليه ومشيوا
*******
اوس:مش هتقوليلي حمدالله على السلامه
ليل:مشكلتي لما بزعل من حد مش بعرف اتعامل معاه
اوس ربع ايديه:وانا زعلتك في اي
ليل:مشيت الصبح من غير ما تصحيني اسلم عليك وحتي مكلمتنيش طول النهار رنيت عليك مردتش مبقناش نقعد مع بعض ولا نتكلم ولا حتي بشوفك وانا قاعده لوحدي وبجد الحياه من غيرك سخيفه واليوم ممل انا عارفه انك مضغوط بس علي الاقل نتكلم
اوس خدها في حضنه وهي بدأت تهدي باس راسها انا اسف انا فعلا اهملت فيكي الفتره الاخيره بس اديكي شايفه بس والله هانت وهعوضك عن كل ده
ليل:انا مش عايزه حاجه غير ان انت تفضل جمبي وميعديش يوم غير وانا جمبك كدا انا عارفه انك مضغوط ف اسفه ليك مبقدرش اعدي يوم وانت بعيد عني
اوس: وانا كلي ليكي
باسته من خده تعالي بقي عشان نحط الاكل وناكل سوي
اوس:مكلتيش ليه لحد دلوقتي
ليل:مستنياك
اوس:طب يلا هروح اشوف وعد لحد ما تجهزيه
ليل:ياريت محدش شافها من الصبح
اوس:ماشي هشوفها بسرعه واجيلك
ليل:ماشي حبيبي
اوس: قولتي اي
ليل بابتسامه :هاديه حبيبي
اوس:الواحد ياكل ازاي بعد الجمله دي بس متيجي آكلك اسهل
ليل ضحكت جامد
اوس:اهي ضحكتك دي هتفضحنا
ليل روح شوف وعد وتعالي
اوس: جايلك بسرعه يا لي لي
اوس خبط عليها مفيش رد راح ناحيتها لقها عامله نفسها نايمه شد الغطا من عليها وجاب كرسي وقعد قدامها
اوس:لما يكون عندك اي مشكله وجهيها مش تنامي كدا
وعد قامت بنرفزه وشعرها متنعكش :منا مش عارفه أحل حاجه ومش هحلها ولا هفكر وشدت الغطا تاني
اوس: اتعدلي وانا بكلمك
وعد :انا عايزه انام
اوس؛ما انتي نايمه من الصبح في اي مالك اظبطي كدا
وعد:منا لو فضلت صاحيه هفكر
اوس'فكري بس فكري صح والاحسن وانتي متعصبه متفكريش
وعد:مسكت دماغها دماغي وجعتي اوي يا اوس
اوس خد باله ان الخاتم مش ف ايديها مسك ايديها
اوس:اي ده
وعد:في اي
اوس: الخاتم فين
وعد ودت وشها الناحيه التانيه:ادتهوله يا اوس
اوس:قولي انك بتهزري
وعد:لا مبهزرش
اوس:علي الاقل لما تتكلمي حطي عينك في عيني
وعد بصتله ومقدرتش
اوس:عشان عارفه انك غلطانه
وعد:لا يا اوس انا مغلطتش وحكتله الي حصل
اوس:وانتي مسمعتيش الكلام ليه وكل خناقه صغيره هتقلعي الدبله بصي يا وعد لو كل مره عملتي كدا هيبقي الموضوع بالنسبه ليكي عادي هتبقي اي حاجه تقلعيها وفي يوم هتزهقي وهتبعدوا وانا متاكد ان هو اضايق
وعد:اضايق بس
اوس مسك دماغه:ليه بتعاندي يا وعد في الغلط
وعد:انا محتجاه يفهمني علي الاقل وجهه نظره مش لازم يحسسني ان بيديني أوامر
اوس:انتي الي عايزه تشوفيها اوامر هو لو مش خايف عليكي مش هيعمل كل ده عشانك علي فكره وبردوا غلطتي لما قالك متقلعيش الدبله وقلعتيها
وعد:انا محتجاه في كل موقف صغير مش يتعصب عليا عايزاه يحتويني زيك كدا
اوس:كل شخص بيتعامل زي ما اتعود هو لسه متعودتش عليكي بس انتي ضايقتيه بموضوع الدبله دي الدبله دي بالنسبه لينا مش موضوع خاتم وخلاص بتبقي اكبر انا لحد دلوقتي كل اما اشوفها في ايد ليل ببقي فرحان لانها بتاعتي الخاتم جواز بتاعنا متجوزاني انا بتاعتي انا مش لحد تاني فكره انك تتخلي بكل ده في مشكله صغيره بعد ما صبر عليكي وسمعك للاخر تبقي غلطانه
وعد :انا عارفه اني غلطت فيها خلاص هحاول اصلح الي انا هببته اوي هو انا طينتها اوي
اوس'لا ده انتي ربنا معاكي ومع مالك بصراحه ويعينه علي دماغك المهلبيه دي
وعد: مهلبيه ؟!
اوس:ايوه ليل علمتهالي انا هقوم انام دلوقتي واسيبك تعيدي نفسك وافكارك
وعد: شكرا يا اوس انك دينا جمبي كدا بجد
اوس:طول عمري ومش همل
خدته بالحضن ربنا يخليك ليا يا احسن اخ
اوس:ويخليكي ليا اسيبك بقي شويه وفكري في الكلام الي قولتهولك احنا مش داخلين علاقه عشان نقف لبعض علي الكلمه ونمشي كلامنا علي بعض بالعكس ده بيكون الشخص المختلف الي بنحب نتكلم معاه ونرتاح معاه الدنيا كلها فيها هموم بنجري عليه ونحل مشاكلنا ونعظي الدنيا هي مش حرب بالعكس احنا محتاجين شويه حب ونعدي لبعض
وعد:كلامك حلو اوي يا اوس
اوس:مش عارف انا بقيت حكيم ازاي كدا من كتر قعدتي مع ليل
وعد:ربنا يخليكوا لبعض
اوس: يارب تصبحي علي خير
وعد نادت عليه وهو خارج:تفتكر مالك بيحبني كدا
اوس:لا انتي غبيه وانا مش هرد عليكي وقفل الباب
ضحكت وفكرت كدا تعمل اي طب هو يترا سهران دلوقتي ولا في الشغل ولا نايم
رنت عليه ومفيش رد قفلت الفون وسكتت اكيد مش هيرد يعني
*******
اوس:: الكل تحفه تسلم
ليل:بالهنا والشفا اعملك حاجه تشربها
اوس:بيبسي او اي حاجه
ليل :حاضر
جاب بيبسي وقعدت جمبه
ليل:اوس هو بكرا اي
اوس: الاربع
ليل:لا اليوم
اوس:
٢٣/٣
ليل:يعني ده مش بيفكرك ب حاجه
اوس:لا عيد ميلادك مش بكرا
ليل:منا عارفه فكر كدا
اوس:عيد ميلاد جدي
ليل:جدك خلي جدك ينفعك ولفت وشها وراحت علي السرير تنام
اوس: في اي يا ليل هو احنا لازم ننام زعلانين من بعض وخلاص
ليل:, اه وحدفته بالمخده روح نام جمب جدك النهارده بقي
اوس:مش عجبك جدي ده راجل عسل
ليل:بالظبط روح بقي عشان عايزه انام
اوس:قموصه اوي انتي
مفيش رد بص للمخده ولف وشه ونام علي فكره بقي مش هتعرفي تنامي واراهنك مترجعيش تعيطي في الاخر بقي
ليل :مبعيطش
ليل بتحاول تنام واوس كل شويه يتقلب
كبريها مش راضيه تنام في حضنه حاولت تنام وفي الاخر مسكت في التيشرت بتاعه وهو مسك ايديها وحضنها وناموا
********
اوس:انا نازل عايزه حاجه
ليل مش بترد
اوس:ياربي علي البجاحه نايمه في حضني طول الليل ومش بترد
ليل ؛محصلش
اوس:متكابريش وقولي انك مبتعرفيش تنامي غير وانتي في حضني
ليل اتكسفت وبتحاول تغير الموضوع
اوس:خلاص كفايه وشك بقي طماطم المهم اجهزي هعدي عليكي علي الساعه ٣كدا وهنروح عند اهلك
ليل لقت وشها فجاه وجريت عليه
ليل:بجد هروح عند ماما وبابا قول واللع
اوس ضحك علي شكلها:والله هنروح نتغدي معاهم النهارده
ليل،,yessssss اخيرااا بقالي كتير مشوفتهمش عااااا بحبك اوي وباسته من خده
اوس:ده انا هوديكي عندهم كل يوم لو هصحي كل يوم علي بوسه حلوه كدا
ليل:تعالي تعالي عشان انت بجد عايز بوسه كبيره اوي علي الكلام الحلو ده واخيرا هشوف اهلي
حضنها وباس راسها للدرجه دي وحشينك
ليل:,٠جدا هروحلهم وانا متعافيه تماما الحمدلله يارب يلا بسرعه انزل ومتتاخرش عليا عشان هستناك متخليها واحده عشان خاطري عشان نلحق نقعد
اوس:حاضر من عنيا واحده بالظبط هعدي عليكي
*******
نزل وكان مبسوط اوي ان ليل فرحانه كدا بقالها كتير مفرحتش من قلبها كدا
نزل الشغل واستني معتز
اوس:اي يبني فينك من امبارح مش قولتلك طمني
معتز:اطمن
اوس،الدكتور قالك اي
معتز: قالي انك هتبقي عم
اوس: اه وبعدين بعدين استوعب انت بتقول اي
معتز:زي ما بقولك آيه حامل
اوس ابتسم: مشاء الله الف مبروك يا حبيبي يتربي في عزك وتتهني بيه يارب وحضنه وكان فرحان بيه
معتز: يارب اللهم امين عقبالك كدا اتجدعن شويه
اوس:انت بتقول فيها ان شاء الله قريب المهم انا همشي بدري النهارده وهغيب حاولي اسبوع كدا
معتز:ليه في اي
اوس:هشم نفسي يا عم ده انت غريب اوي هو انت الوحيد الي هتشم نفسك وتخلف استني بقي عشان هعيش حياتي الي معشتهاش
معتز: ربنا يسعدك
اوس:انا همشي علي واحده كدا
معتز: يعني هتفرم
اوس، ربنا معاك يا ابو ادم علي شغلك بقي
معتز:انت كمان سميته
اوس:مفيش وقت للتفسير
ضحكوا سوي وكل واحده علي مكتبه واوس بيحاول يخلص كل شغله عشان ميتاخرش علي ليل
******
الفون بيرن وعد نايمه وسامعه صوته واضايقت جدا بتشوف مين الي بيرن فتحت الفون من غير ما تشوف الاسم
وعد بنوم:الو
مالك:طب الواحد يتخانق معاكي كدا ازاي بصوتك ده
وعد اتعدلت اول ما سمعت صوته مالك
مالك: ايوه مالك رنيتي امبارح في حاجه
وعد:انت لسه زعلان مني
مالك:لا انا تمام
وعد:طب ممكن نتقابل ونقعد نتكلم بدل الطريقه دي
مالك:لما افضي
وعد:مالك لو سمحت طب مش هتيجي حتي تشوف عمي
مالك:هشوف يا وعد وهكلمك
وعد:هستناك
مالك:انتي خلاص خلتيني جاي
وعد:ايوه سبعه حلو
مالك:هخلص وهكلمك
وعد :اشطا
وقفلت ومبسوطه ان ادها فرصه حتي تقابلوا
*****
اوس؛خلصتي لبس
ليل:من بدري فينك
اوس:خمس دقايق وهكون تحت البيت
انزلي هرن عليكي اطلعي برا
ليل:انا اصلا تحت ماشي مستنياك
نزلت قعدت مع عهد ووعد نزلت وكانت مبسوطه
وعد:ماما مالك جاي النهارده
حياه'يجي ينور جاي امتي
وعد:لسه معرفش بالظبط لما يقولي هعرفك
حياه:ماشي
ليل:شايفه وشك نور أزاي
وعد:بس بقي
ليل وعهد بيضحكوا عليها وهي مكسوفه قطع كلامهم رنت اوس
ليل:طب انا هخرح ل اوس دلوقتي عايزين حاجه
حياه'عايزين سلامتك سلميلي علي مامتك
ليل:من عيونه
خرجت وركبت العربيه
اوس:وحشتيني
ليل بكسوف:لحقت اوحشك
اوس:بتوحشيني كل ثانيه
ليل :بردوا مش هتفتكر النهارده اي
اوس بأبتسامه خبث:لا مش فاكر
ليل:اطلع عشان منكدش عليك
********
محمد :تعالي يا اوس يا ابني
ليل حريت علي سلوي وحشتيني اوي يا ماما
سلوي:حبيبت قلبيى حمدلله علي سلامتك الف حمدلله علي السلامه وفضلت تبوس فيها مش مصدقه ان بنتها كويسه وواقفه قدامها
محمد سلم علي اوس اي يا ليل وبابا موحشكيش
ليل:انت نور عيني خدها بالحضن :الف حمدلله علي سلامتك وحشتي عنيا البيت وحش من غيرك
ليل بضحك: قولتك متجوزش انتو الي مسمعتوش كل
سلامتك وحشتي عنيا البيت وحش من غيرك
ليل بضحك: قولتك متجوزش انتو الي مسمعتوش كلامي
سلوي:يا بكاشه يعني علي اساس تقعدي هنا وتسيبي اوس
اوس باص عليها
ليل:متبصليش كدا عشان انا بضعف
قعدوا ضحكوا سوي واتغدوا وقضوا البوم كله مع بعض مع هزار ليل الي مش بيخلص وقعدتهم الي كملت ب بنت عمتها جت تفعد معها وحازم الي جه بسرعه لما عرف ان ليل هنا واتصاحب علي اوس وقضوا سهره لطيفه
اوس:يلا بينا يا ليل
محمد:خليكوا شويه ده النهارده ولا كأنه العيد والله
اوس:قعدتا اهو يا عمي الساعه ١١ ونص اهو حلو كدا هنيجي تاني
محمد: تيجي تنوروا في اي وقت حبايبي
ليل سلمت عليهم وركبوا العربيه
اوس:اتبسطتي
ليل:اوي اوي الحمدلله
اوس: الحمدلله
ليل سرحانه في الطريق اد اي هي بتحب هدوؤ الليل والشوارع وهي فاضيه والجو لطيف جو للعشاق فقط
ليل: احنا هنروح. فين ده مش طريق البيت
اوس:منا عارف اصبري بقي عشان هخطفك الساعه كام
ليل: ١٢ الا ١٠
اوس:حلو اوي وصلنا يلا
ركن العربيه ونزلوا في مطعم شيك جدا في الزمالك كان في تربيزه مزينه والمكان شبه فاضي والجو تحفه وده كان احتفال اول سنه علي جوازهم
ليل مبهوره ب الي هي شايفهه ده كانت مفكره الي هو ناسي
ليل عيونها فيها دموع
اوس:برضوا هتعيطي
ليل:انا كنت مفكراك ناسي
اوس:مقدرش انا فاكر اليوم ده بكل حدث فيه كل حاجه وكفايه في صدمه يلا عشان فاضل دقيقه وتبقي ١٢ شد ليها الكرسي وقعدت هي واوس بقي يعدوا سوي ١٠,٩,٨,٧,٦,٥,٤,٣,٢,١,٠ كل سنه وانتي معايا واحنا طول العمر مع بعض اتعرض فيديو لكل صورهم وفيديوهاتهم سوي بطريقه روعه وصور الفرح وكتب الكتاب وكل لحظه فيه
جاب ليها تورته ومسكوا السكينه يقطعوا وليل لقت ورقه
ليل:اي ده
اوس:افتحيها
ليل بتفتح يأستغراب :لقت ال لوجو بتاع المصنع بتاعها أسمه ليل
ليل بصدمه:انت بتهزر
اوس: لا فلوس الدنيا ولا تسوي قدام فرحتك وشطارتك وتحققي حلمك اشتريت ليكي المصنع الي عجبك ولوقتي بقي جاهز وده ال لوجو بتاعك عرفت انك صممتيه مع عهد ف حبيت افرحك بيه كل سنه وانتي ناجحه ومتاكد انك هتكسري الدنيا وهيبقي اكبر مصنع في الشرق الاوسط بحبك
ليل:انا مش عارفه ارد ولا اتكلم اقول اي
اوس:مش عايز منك حاجه غير انك تفضلي جمبي وتفضلي مبسوطه
ليل:لو في اكتر من العشق ف ده الشعور الي انا بحسه وانا معاك كلمه بحبك دي متجيش حاجه من الي انا حسها دلوقتي انا بكون وانا معاك عايزه اوقف العالم كله بس نبقي مع بعض
اوس:مواقفه تكملي حياتك الباقيه معايا
ليل:انا اديك عمري وقولك خد كل حاجه وانا مغمضه عيني وانا واثقه فيك حضنته
خدها في حضنه وخرجوا يتمشوا بليل في شوارع الزمالك زي ما كانت كاتبه في النوتس بتاعتها وانها بتتمني كدا مشي اليوم زي ما هي كانت بتحلم
ليل:عرفت منين اني بحب الزمالك
اوس:قرات ليكي بوست قديم من ٢٠١٧ كان نفسك تقضي يوم زي ده وانا اخدت عهد علي نفسي لازم احققلك امنيتك ولسه الباقي عليا سيبي ايديك ليا ونلف العالم
قعدوا يتمشوا ويقعدوا علي النيل لحد ٣ الفجر وركبوا العربيه وروحوا
ليل:احنا مش هنروح
اوس:لا هنروح بس علي بيتنا
ليل:هو في طريق تاني
اوس:اه
وقف العربيه قدام ڤيلا روعه باين عليها انها لسه جديده
ليل : اي ده
اوس:مش قولتلك سيبي ايديك ليا
مسك ايديها وفتح الباب ودخلوا
اوس:اي ريك في بيتنا الجديد جبتها ليكي عشان يبقي بيتنا
ليل: طب والبيت التاني
اوس:لا انا سيبته ليهم يقعدوا فيه وجبت ده لينا احنا عشان نربي اولادنا كلهم هنا
ليل:عايزه اجيب منك عيال كتير اوي يا اوس واحكيلهم اد اي انا بحبك وانت اد اي اب حنين
اوس:موافقه تبقي ام ولادي
ليل حطت ايدها علي وشه:وانا مش هلاقي اب احسن منك ل اولادي مش هلاقي احسن منك قربت من ودانه وبهمس انا بعشقك
هنا اوس حصونه انهارت
اوس شالها احنا نلغي بقيت المفاجأت لبكرا بقي كفايه كلام كدا بقالنا سنه بنتكلم
ليل بتضحك عليه واتعلقت في رقبته
ونسيبهم هنا بقي
**********
معتز:ايوه يا أسر ازيك
أسر: الحمدلله ازيك يا معتز
معتز:انا بخير الحمدلله كنت عايزه معايا في الشغل اليومين دول لحد ما اوس يرجع بس
أسر:تمام ماشي هجيلك اوس هيتاخر يعني
معتز:بيقول اسبوع
أسر:خلاص تمام هجيلك علي بكرا علي المكتب
معتز:هستناك
*****
اوس:قومي يا ليل كفايه كسل
ليل:سيبني انام يا اوس
اوس:قومي يا ليل الطياره هتفوتتا فاضل ساعه يا دوب نوصل
ليل: فاكس مش قادره بجد
اوس:لا احنا كدا بندلع بجد
اوس راح وشال الغطا وشالها وغسلها وشها وغيرت وراحوا علي المطار وركبوا اول طياره طالعه علي دهب قضوا ايام حلوه اوي مع بعض مستمتعين بالجو مستمتعين بكل لحظه سوي
اوس:جهزي نفسك بليل هنطلع جبل سانت كاترين
ليل:بجد
اوس:ايوه ان شاء الله
راحوا حضروا الحاجات الي هيطلعوا بيها
ليل بحماس طالعين سوي وطلعوا ٤ كيلو وليل قعدت في الاستراحه مش قادره تاني
اوس:هانت فاضل تلاته كيلو ارتاحي شويه ونطلع انتي كان نفسك في كدا
ليل:اتا فرهدت
اوس: يلا عشان نلحق الشروق
مشيوا تاني مع بعض
ليل:بجد مش قادره
اوس:لا انتي كان نفسك تشوفيه من فوق يلا تعالي هشيلك ونطلع
ليل:اوس بتعمل اي الناس بتتفرج علينا
اوس: ملناش دعوه بحد شالها علي ضهره وفضل ماشي بيها
ليل:خلاص هنزل
اوس:لا خليكي
ليل:اوس هتتعب
اوس: لا انا مبسوط
وصلوا لحد ٧٥٠ سلمه
اوس:يلا ناخدها جري فاضل نص ساعه علي الشروق يلا
جريوا لحد ما وصلوا ليل حست بالنصر وقعدوا فوق اوس واخدها في حضنه بيتفرجوا علي الشروق ومنتهي الرومانسيه مش عايزين حاجه غير انهم يفضلوا مع بعض ويتبسطوا
قضوا اليوم ونزلوا علي الفندق رجعوا تعبانين وناموا لحد بليل
ليل صحيت ملقتش اوس جمبها فتحت البلكونه وقعدت تشوف اد اي الجو تحفه الباب خبط وكان هاوسكيبينج
ادها فستان وورقه
اوس كاتب فيها هستناكي تحت البسي الفستان وانا هاجي اخدك
لبست الفستان وكان تحفه وكان لونه ابيض ساده بيلمع وكان تحفه وحطت ميكب خفيف جدا والباب خبط وكان اوس
اوس:انا لو كنت اعرف ان هيبقي حلو اوي عليكي كدا مكنتش هخليكي تلبسيه
ليل:شكلي حلو
اوس:احلي من القمر
خد ايديها وركبها اليخت وكان في اغنيه انجلش هاديه رقصوا عليها
اوس:مبسوطه
ليل:انا من كتر ما بتهتم انا مبسوطه ولا لا مش عارفه ابسطك ديما مهتم بيا وخايف عليا
اوس:خليكي جمبي ديما وانا هفضل مبسوط طلع ليها خاتم وكان الماظ وشكله كان رقيق جدا وتحفه عليه وقضوا اليوم علي المركب لحد تاني يوم
*******
آيه:حبيبي لو تعبان بلاش تروح الشغل بكرا
معتز: مينفعش لازم ابقي موجود لحد ما اوس يرجع هانت راجع بعد بكرا اهو
آيه:ربنا يجبهم بالسلامه ويسعدهم يارب
معتز:الاهم امين اوس ده يستاهل كل الخير والله اسف يحببتي لو قصرت معاكي معلش يرجع اوس وهقضي معاكي يوم كامل
آيه:لا يحبيبي انا كويسه المهم متضغطتش نفسك هات الشغل وانا اعمله معاك هنا
معتز:لا متشغليش بالك المهم تهتمي بصحتك وتاخدي العلاج عشان متتعبيش
آيه:حاضر. ربنا يخليك ليا
******
جه اخر الاسبوع واوس وليل رجعوا من السفر وكان مبسوطين جدا قعدتا اسبوع واحسن اسبوع فصلوا عن العالم كله وقربوا من بعض اكتر
آسر:اخيرا رجعت عايز اكتب كتب كتابي يا جاحد ومستنينك
اوس:اعمل اي طيب بشم نفسي المهم هتروح امتي
آسر:لو كدا علي بعد بكرا
اوس:يعني الواد ادهم معاك
آسر:خد الكبيره مالك بينخرب انه يتجوز معانا
اوس:ده انتو كنتوا مستنيني بجد
روحوا البيت والكل سلم عليهم واتبسطوا جدا برجعوهم من السفر وقضوا معاهم اليوم وروحوا ارتاحوا واوس نزل الشغل يخلص مع معتز شويه من الشغل عشان يحاولوا يفضوا بكرا
كل واحد خلص شغله وروحوا وبيجهزوا لتاني يوم
اوس:ليل انا بيتهيقلي نسيت اقولك علي حاجه
ليل:اي
اوس:ان آيه صحبتك حامل
ليل:ما هي قالتلي انت عايزيني كل ده معرفش ده انت ذاكرتك اي زي الفل
اوس؛طب بذمتك اركز ازاي وانتي معايا متيجي نعيد اسبوع دهب
ليل: ده كان اسبوع فظيع
اوس:انا حاسس ان البيت ده وشه حلو عليا
ضحكوا سوي وقضوا وقت لطيف مع بعض كل يوم بيقربوا اكتر وحبهم لبعض بيزيد ليل بقت تفكر تسعده ب اي طريقه وتفضل جمبه وتدعمه
جهزوا نفسهم ولبسوا وراحوا علي البيت عشان يتحركوا سوي عشان يكتبوا كتب كتاب آسر اتحركوا بالعربيات ووصلوا كلهم وسط التهاني والافراح
الماذون:بارك الله لكما وبارك عليكما وجمع بينكما في خير
طه:الف مبروك يا ملك الف مبروك يا حببتي
ملك: ربنا يخليك يا اونكل
طه:اونكل اي قولي بابا
ملك: حاضر يا بابا
صالح حضن آسر :قولتلك هجوزهالك
أسر:ربنا يخليك يا جدي ويديك طوله العمر
ملك جت سلمت عليه
والكل كان فرحان واسر جدا اخيرا حقق حلمه واتجوزها بعد كل ده
خلص الاحتفال وروحوا
مالك: وانا كمان مش هكتب كتب الكتاب
اوس: في الفرح ان شاء الله
مالك:خلاص انا هتجوز مع ادهم واسر
اوس: علي حسب وعد
مالك:ما هي خلصت متوقفهاش انت بس
اوس:مش يبني اما تخلص وتشوف هتعمل اي
مالك:هتكلم انا وهي في الموضوع ده المهم انا هتجوز معاهم يعني كله هيتجوز وانا لا ولا اي ريك يا جدي
خلاص يبني اتكلموا مع بعض وهي تقولي رايها لو مش هيأثر عليها خلاص اتجوزا مع اسر وادهم خلينا نفرح يا اوس
اوس :الي تشوفه يا جدي
مالك:باس انا عرفت انا بعد كدا هاجي لمين في اي مشكله
صالح ضحك علي شكل اوي الي هياكل مالك بنظراته
*****
عدي شهر بسرعه كل واحد مشغول بتجهيزات الفرح وعهد وليل الي نزلوا الشركه وعهد فادتها كتير ب خبرتها في HR وديزاين وبقت مسئوله عن اعلانات الشركه والصفحه بتاعتها
وليل الي بتراجع معها ومضغوطه جدا في الشغل وتجهيزات الفرح
عهد قاعده في المكتب دخل عليها ادهم وماخدتش بالها من دخوله لانها كانت مركزه جدا
طلع الفون وصورها
خدت بالها
عهد:اي ده انت جيت اول مره تيجي هنا
ادهم:قولت اجي اشوف حببتي الي بقت مشغوله ومش بشوفها بس اي الشطاره
عهد:تعالي اوريك عملت اي ورته البوستر بتاع الاعلان وورته شكل البراند والحاجات والايديت وورته الملفات الي فاضل تخلصها
ادهم:ده انتي طلعتي شطوره جدا
عهد: بجد الفضل يرجع ل ليل هي الي رجعت الشغف فيا كدا ووثقت فيا وخلتني اشتغل كدا النهارده عملت ٤٠ انترفيو ومقولكش عصرتهم اسأله بس في ناس ممتازه بجد وده بياكد ان الاعلانات واخده حقها اوي بس لشه مشوار المدارس والجامعات ده هنروحه بكرا ان شاء الله انا وليل و اوس
ادهم:مشاء الله عليكي خايف احسدك بجد براڤوا عليكي بجد انتي تعبتي جدا وربنا كرمك يارب ديما اشوفك متألقه
عهد:ربنا يخليك ليا
ادهم:طب بمناسبه الشطاره دي يلا تعالي اعزمك علي الغدا
عهد:يلا انا خلصت هاخد كام ملف معايا البيت يلا بينا
******
مالك:يبنتي ارحمي نفسك شويه خسيتي
وعد:مش عايزه انسي حاجه للفرح لازم كل حاجه تبقي جاهزه
مالك:واحده واحده طيب مش لازم تفتكري كل حاجه عادي لو نقص حاجه نجيبها بعد الجواز وبعدين مش عايز حاجه كفايه عليا انك هتبقي موجوده انا بجد مش مصدق
وعد:انت لولا استغلالك للموقف مكناش اتجوزنا دلوقتي
مالك:هتعملي اي دلوقتي
وعد: هنزل اجيب لبس التخرج واجيب شويه حاجات كدا
مالك:اجي معاكي انا معنديش شغل النهارده
وعد'لا هاخد اي حد من البنات خليك المره دي
مالك بخبث:اشمعنا
وعد:كدا يا مالك واتلم سلام انا نازله عايز حاجه
مالك:اجي معاكي اي حاجه كدا انقي حاجه علي ذوقي
وعد:سلام يا مالك
مالك ضحك اوي عليها وهي بتقفل كلام
قفلت معاه ونزلت تشوف اي حد من البنات مكنش فيه حد
رنت علي عهد مكتتش فاضيه
ليل:انا لسه حالا هخرج من الشركه استني واقابلك وانقي معاكي كام حاجه كدا
وعد؛خلاص هسبقك علي المول وتعالي علي هناك هستناكي بدل ما لسه هتيجي علي البيت
ليل:خلاص تمام
نزلت وعد وراحت علي المول تنقي لبسها ولف انتبها قميص كان قصير وحلو اوي مسكته تشوفه
*هيبقي تحفه عليكي مفيش اقصر من كدا
**********
بتمني ليكم قراءه ممتعه +هستني رايكم في الكومنتس
#مجنونه ولكن احببتها
#ندى حسين