اوس:انتي طالق
ليل مبقتش عارفه تتكلم ولا تنطق من كتر الصدمه :انت بجد قولتلها بالسهوله دي للدرجه دي سهله عليك طب ازاي قولي ازاي وبدأت تكسر في كل حاجه حواليها انت في ثانيه بتبني كل حاجه وعايز تهد كل ده
اوس بجمود:الكلام خلص انا خارج ارجع ألقيكي لميتي حاجتك عشان اوديكي لنفس البيت الي جبتك منه
ليل مبقتش قادره تستوعب اكتر من كدا ولا تتحمل اكتر من كدا
اوس سابها وخرج وهي صوتت جامد مش كل حاجه بمزاجك يطلقني ده بجد قالها بكل برود قالها ومشي وانتي لسه بتترجي فيه قعدت علي الارض وتضحك بصوت عالي وسط دموعها يعني انت اصلا مكنتش بتحبني اومال بتعمل كل ده ليه وانا الي مبسوطه ان هنعمل اسره وانت اصلا مكنتش عايز تخلف انا ازاي كنت بالغباء ده وقاعده لسه هصالح فيه وهو بيخوني اصلا للدرجه دي انا ساذجه ازاي ومسكت دماغها لا لا كل ده حلم مفيش حاجه من الكلام ده اوس هيرجع دلوقتي وهيصالحني انا متاكده ايوه مش هيسبني كدا لا مش هينفع انا لازم اقوم اغسل وشي عشان ميشوفنيش وانا بعيط ايوه هو مش بيحب يشوفني كدا علي طول بيقولي ان بيضايق لما بيشوفني بيعط هو بيحبني انا وبس انا ليل حبيبت اوس ومفيش حد غيري
عدي الوقت مش كتير واوس رجع لقي ليل قاعده علي الكرسي واول ما شافته جريت عليه
ليل:انا كويسه اهو مبعيطش انا مفيش حاجه يلا ناكل سوى انا عملت الاكل ده لينا يلا ولا اقولك اطلع خد دوش وانا مستنياك يلا يلا مفيش حاجه حصلت اصلا صح مش انت لسه جاي دلوقتي وانت اصلا بتحبني صح انا عارفه يلا يلا ناكل استني هدخل بسرعه اسخن الاكل ونطلع نقعد علي التراس سوي يلا نتكلم في اي حاجه
مسكت دراعه يلا بس تعالي
اوس:اوعي كدا انتي ملمتيش هدومك لحد دلوقتي ليه
ليل:ألمها ليه
اوس: انتي مجنونه ولا اي ولا بتستعبطي مس قولتلك هرجع ألقيكي لميتي كل حاجه وجاهزه ولا انتي بتحبي العطله والكلام الكتير مسكها من دراعها وزقها اخلصي اطلعي يلا
ليل:اطلع فين وصوتها بدأ يعلي وانفعالتها تزيد انا مش همشي من هنا انا هفضل معاك
اوس:انا طلقتك انتي مش مستوعبه ولا اي
ليل وكأن حد صب عليها مايه متلجه يفوقها
اوس بصوت عالي :هتخلصي ولا اخدك كدا
ليل بصوت ضعيف :عشان خاطري بلاش عشان خاطري قولي انك بتهزر يا اوس عشان خاطري بقي متهزرش كدا قولي وانا هصدقك والله
اوس مسكها من دراعها وطلعها فوق وطلع شنطه وحط كل هدومها
وهو بيحطها وليل بطلعها : انا مش عاوزه امشي انا هفضل هنا مش انت ديما بتقولي كدا
اوس:انا مش عايزك افهمي ولم بقيت هدومها ولبسها اسدال من بتوعها ولف الطرحه اي حاجه وخدها من ايديها وركبها العربيه وهي طول الطريق بتعيط وماسكه في ايديه طب رجعني وانا مش عايزه منك حاجه والله ما هعاتبك ولا هكلمك في اي حاجه طب صدقني مش هتكلم بس متبعدنيش انا بحبك
اوس داس فرامل جامد وكانت ليل هتتخبط في دماغها:مش عايز اسمع ولا كلمه لحد ما نوصل احسن ليكي يا ليل بجد
ليل حطت ايديها علي بؤقها تكتم صوت عياطها وبتبص للشباك وعياطها بيزيد
وصل عند البيت نزل فتحلها الباب ونزلها ونزل شنطتها وطلعها
اوس بيخبط علي الباب جامد
سلوي :خير بسم الله مين بيخبط كدا فتحت الباب اتصدمت من شكل ليل
سلوي:بنتي في اي حصل اي في اي يا اوس
اوس:بنتك طلقتها وورقتها هتوصلك بكرا وسابها ونزل بسرعه من غير ولا كلمه زياده
ركب العربيه وساق ب اقصي سرعه كأنه بيهرب من كل حاجه حصلت بيهرب مش. عايز يفكر في كل ده ازاي عمل كدا ويفتكر شكلها وهي منهاره وبتتحايل عليه ومصدومه ومش مصدقه
لقي نفسه وصل ل بيت مالك خبط ومالك فتحله تعالي ادخل
اوس رد عليه ب البوكس في وشه ده انا هخرب بيتك وضربه تاني يخربيت اليوم الي شوفتك فيه
مالك:اي يا عم الغباء ده هتدخل ولا اقفل في وشك
اوس دخل ومالك دخله اوضته
مالك :اترزع لحد ما اجيب تلج احطه علي وشي
اوس دمه بيغلي من الي هو عامله ومش عارف ازاي سابها كدا وكان باين عليها الارهاق ازاي مخدهاش في حضنه وقالها هحميكي من الدنيا كلها انا جمبك بس انا حتي معرفتش احمي عمي لازم تبعدي يا ليل دلوقتي وربنا يسترها هنرجع ازاي
مالك:عملت اي
أوس:طلقتها
مالك: بكرا تعلن كدا عشان انت شخص معروف ف لازم كل حاجه تمشي رسمي وانت عارف هتعمل اي مع چيچي
اوس:انا زهقت منها انسانه ملزقه ومش عارف ازاي بصبر عليها تفضل تتلزق فيا كدا مبقاش طايقه وبتتمادي وبجد شويه كمان وهجيبها من شعرها
مالك:انت قلبت علي ليل كدا ليه
اوس:تعرف متجبش سيرتها دلوقتي انا بجد مش عارف هنرجع ازاي بعد الي انا هببته ده
مالك:انت عكتها
اوس:عكتها دي قليل قول طينتها خربتها كل ده هيجي علي دماغي انا عارف
مالك:هانت كل حاجه ماشيه مظبوطه لحد دلوقتي هو خلاص راجع من السفر بكرا عشان كدا عايزك تنشر خبر طلاقك بكرا
أوس: ماشي انا هنام عندك النهارده
مالك:ماشي نام تصبح علي خير
*****
سلوي: اهدي يبنتي قوليلي حصل اي طيب قلبك هيوجعك من كتر العياط
ليل:م م معرفش والله ما عملت حاجه اوس طلقني يا ماما طلقني ليه كل ده هو انت عملت اي طيب
سلوي:طب اهدي طيب قومي اغسلي وشك واهدي شويه وانا هخلي ابوكي يكلمه يشوف في اي قومي بس
بتقومها ليل حست بدوران شديد اغمي عليها
سلوي :ليل قومي يا ليل متخضنيش عليكي يبنتي راحت تجيب مايه تفوقها مبتفوقش راحت كلمت محمد بسرعه
سلوي:الو يا محمد انت فين تعالي حالا ليل وقعت من طولها
محمد:ليل بنتي ازاي انا جاي حالا
جاب الدكتور وراح علي البيت
الدكتور:شكلها اتعرضت لضغط نفسي قوي وده خلها تفقد الوعي انا ادتها حقنه مهدئه لحد بكرا بس خليها تمشي علي العلاج عشان الضغط ده كله غلط علي الجنين وهي كمان ضعيفه ومش بتاكل لو استمرت علي كدا لقدر الله يخلي الجنين ينزل
سلوي بدموع:يحببتي يبنتي حاضر يا دكتور الي تقوله هنعمله
الدكتور: محتاجه بس تاكل وتاخد العلاج وتخرج من الحاله الي هي فيها دي
محمد: حاضر ان شاء الله شكرا جدا ليك يا دكتور
الدكتور:علي اي يا عم محمد ده شغلي ربنا يحفظها يارب
محمد وصل الدكتور وجاب العلاج وطلع
محمد في اي
سلوي حكتله إلي حصل ومحمد مش مصدق الي حصل ده
محمد:كل ده حصل وانا مش موجود وعملت اي عشان يجي يرميها كدا هو جايبها من الشارع وكمان يطلقها لا ده في كلام تاني بقي انا هروحله الصبح
سلوي:لا متروحش يا محمد المهم بنتنا دلوقتي تبقي كويسه ونبقي نشوف في اي
محمد بعصبيه:يعني هي ملهاش اهل ولا اي عشان يجيبها كدا
سلوي:ممكن منتكلمش قدام ليل واحنا حتي منعرفش في اي استني بس الدنيا تهدي شويه ونعرف في اي
محمد:ربك يسهلها يا سلوي
سلوي:انا هقعد جمبها لتصحي في نص الليل ولا حاجه ادخل ريح جسمك انت شويه
محمد:وانا هيجيلي نوم وبنتي تعبانه كدا
سلوي: بإذن الله هتكون كويسه ليل قويه انا عارفه خش بس ريح جسمك
سلوي قعدت جمبها وليل بتهلوس وقاعده تنادي علي اوس
ليل اوس يا اوس متسبنيش يا اوس انا بحبك انا ليل يا اوس
سلوي عيطت جامد علي حاله بنتها:يحببتي يبنتي ربنا يراضي قلبك يا رب ويهدي امورك يارب
***********
ليل صحيت لقت سلوي نامت جمبها وبتفتكر هي جت هنا ازاي وافتكرت الي حصل وصوت عياطها بدأ يعلي سلوي فاقت مخضوضه خدتها في حضنها اهدي يا ليل اهدي متفكريش في حاجه دلوقتي
ليل:اوس طلقني يا ماما كسر قلبي اوي
سلوي:ربنا يسامحه يبنتي ويراضيه
ليل خرجت من حضنها:بس انا مش هسامحه مش هسامحه ابدا علي الي عملوا ده انا مسكت فيه للاخر وهو حتي مفكرش فيا
سلوي؛طب ممكن تهدي بس عشان الي بطنك
ليل دموعها نزلت:كان نفسي يجي يتربي وسطنا في عيله سويه وبتحبه كان نفسي في بيت هادي بس شكلي مليش غير هنا
سلوي:مش عايزه تبقي معانا يا ليل اخس عليكى
ليل مسحت دموعها:متقوليش كدا انتي اماني ومأمني
سلوي خدتها في حضنها ربنا يريح قلبك يبنتي
ليل:متخافيش عليا انتي عارفه بنتك قويه ازاي عايزه بس اقعد لوحدي وانا هبقي كويسه متقلقيش انتي عارفه مش هطول في الزعل
سلوي:خدي وقتك يا ليل خدي وقتك
ليل:بس العمر مفهوش يا ماما عشان اطول مسيري هرجع بس المره دي هبقي اصعب
سلوي خافت عليها :ليل
ليل:متخافيش عليا وبقولك اي انا جعانه
سلوي مسحت دموعها وضحكت:من عنيا خمس دقايق والاكل يكون عندك باستها من خدها جايه علي طول
سلوي خرجت وقفلت الباب ليل قامت بصت في المرايه علي حالتها وشها فعلا مرهق ركزت في عنيها جامد كانها بتواجهه نفسها ولحظات من الصمت مفيش غير دموع نازله بس وفي ألف معركه في دماغها
انتي عمرك ما كنتي ضعيفه كدا
انا مش ضغيفه انا حبيته بجد وده حقي جوزي
بس هو مفكرش كدا انتي مش فاكره شكلك كان عامل ازاي وانتي بتتحايلي عليه عشان تفضلي بس جمبه وهو اصلا الي غلطان
اوس ما صدق يا ليل اوس مش عايزك تاني لازم تفوقي يا ليل عارفه ان المعركه دي صعبه بس انتي عديتي بأقوي منها
بس دي مش معركه عاديه مش عاديه خالص
لا هنعدي منها هنبقي كويسين علي الاقل لازم الدنيا تمشي يا ليل
ليل حطت ايديها علي قلبها وصوت عياطها بدأ يعلي اههههههههههههههه اهههههههههه انا تعبت بجد انا تعبت كل ما اقول هتبقي احسن مبتمشيش ليه ليه مبتكملش للاخر طب انا عملت اي عملت اي بس اتحاسب عليه كل ده
سلوي سمعت صوتها من برا جريت علي الاوضه لقت ليل قفلت الباب :افتحي يا ليل يبنتي متعمليش كدا في نفسك متوجعيش قلبي عليكي يبنتي اكتر افتحي يا ليل
ليل:عشان خاطري سيبوني لوحدي سيبوني في حالي مش عايزه حاجه من حد مش عايزه حد جمبي سيبوني
قعدت في الارض وضمت رجليها وعياطها بيزيد اكتر عمري ما هسامحك يا اوس انك وصلتني ل هنا مش هسامحك عمري ما هنسي كل ده يا اوس عدي وقت كبير وسلوي بتتحايل عليها تفتح الباب
رفعت راسها وعينها احمرت من كتر العياط ودماغها بتوجعها جامد
محمد راجع من برا لقي سلوي بتعيط وبتخبط علي الباب افتحي يا ليل ارجوكي
محمد جري علي سلوي :قومي يا سلوي
سلوي: مش راضيه تفتح يا محمد انا هموت من القلق عليها صوت صريخها بيقطع قلبي
طبطب عليه :اهدي يا سلوي انتي اول مره تعرفي ليل سيبيها تاخد وقتها في الزعل وليل بتحب تقعد لوحدها هي هتبقي كويسه
سلوي:هنسبها لوحدها لحد امتي يا محمد انت لازم تروح ل اوس يا محمد وتعرف في اي انا مش هفضل قاعده وبنتي بتتعذب كدا
محمد: عايزاني اروح اترجااه هو مكلمنيش لحد دلوقتي يا سلوي انا بنتي غاليه عندي اوي انا مش هروح في حته وبنتي لو هتقعد هنا لحد ما اموت مش هروحله ولا هقلل منها خالص ف انتي اهدي خالص وانا هتكلم مع ليل اهدي يا سلوي سيبي الدنيا تمشي
أنت تقرأ
مجنونه ولكن احببتها
Fantasyمجنونه مشاغبه ولكنها في الحقيقه أكثر من ذالك بكثير وحين تضيق الدنيا لم تعرف ما بداخلها ف أنها كتومه جدا ولكنه صعيدي ولكن من سيتحمل الثاني ويبقي الاقوي
