مجنونه ولكن احببتها

البارت الاول

في منطقه عشوائيه وخصوصا في بيت عمي محمد
سلوي ام ليل :سيده جميله في أوائل الأربعينات رغم سنها ولكنها تملك بشره بيضاء وعيون خضراء وبتحب بنتها جدا رغم جننها
سلوي:ليل اصحي يا بنتي كل ده نوم المنبه رن كتير ومش راضيه تصحي ليييل يا بنتي ايه مش مبطله رن تعبتيها معاكي مش عارفه مستحملاكي ازاي
ليل:خلاص يا ماما هصحي هو كل يوم كدااستغفر الله العظيم ربنا ياخد الجامعات والي فتحها والي عايز يتعلم خلاص هقوم اهو
سلوي:انتي كل يوم تقولي كدا هتقومي ولا لا
ليل:خلاص يا سوسو هقوم اخرجي واقفلي الباب بقي
سلوي : حاضر
خرجت وقفلت الباب
ليل:اخيرا الواحد ينام بقي
دخلت سلوي ودلقت كوبايه المايه علي ليل
سلوي:عشان تصحي بقي هتقومي ولا اكمل
ليل:قامت مفزوعه
حد بيصحي حد كدا والله ل اروح اقول ل جوزك يتجوز عليكي عشان يجبلي مرات اب تصحيني براحه أو متصحنيش
سلوي:مرات اب يالي متربتيش وقلعت الشبشب وبتجري ورا ليل
ليل:يابابا الحقني
مرات هتفطسني
محمد :خلاص يا سلوي سيبي البنت براحتها عيب كدا مش كل يوم
سلوي : طبعا ما انت لازم تقول كدا مش بنتك علي العموم شكرا يا سيدي انا رايحه المطبخ
محمد :خلاص يا سوسو بقي متزعليش ديه بنتك برده
سلوي : اشبع بيها يا اخويا انا رايحه اشوف ورايا ايه
ليل: الحق يا بابا ماما قموصه 😂😂
سلوي : انا قموصه ماشي يا ليل روحي ردي علي التيلفون الي بيرن من الصبح
ليل : يخرابي هتلاقيها ايه وهتنفخني
سلوي : يكش تموتك مش عارفه مستحملاكي علي ايه
ليل : صحبتي واحنا حرين
راحت ليل علي اوضتها وترد علي الفون
الو يا ايه
ايه:لسه فاكره يا هانم تردي كنتي فين كل ده ها برن عليكي من الصبح
ليل:خلاص يا يوكا قلبك ابيض هي اول مره علي العموم اديني نص ساعه وهخلص
ايه : نص ساعه ايه يبنتي المحاضره هتبدء
ليل:خلاص مش مهم المحاضره الأولي سجليها واخدها منك عقبال هخلص وجايه علي طول
ايه :ماشي يا ستي علي الله تيجي بسرعه بس ميفتش تلات محاضرات
ليل : ماشي سلام بقي عشان بتخليني اتاخر اهو
ايه:طيب ياستي سلام
قفلت ليل مع صحبتها ودخلت خدت دوش وصلت ورايحه الجامعه
استووووب
ليل بنت عندها ٢١سنه في كليه السن وفي اخر سنه في الكليه
ليل بنت جميله جدا ذات العيون العسلي والبشره البيضاء والشعر الجميل الطويل ولكن يزينها حجابها وليست قصيره طولها مناسب
اما عند ايه ف هي صحبه ليل المقربه زميلتها في الكليه ولكنهم أصبحوا أكثر من اخوه لأن ليل معندهاش اخوات ولا ايه ايه بنت قصيره بس مش قصيره اوي ذات العيون الخضرا يزينها خمارها وبشرتها بيضه وجميله جدا
نرجع تاني ل ليل
جهزت ليل ولبست
ليل: انا نازله يا ماما عايزه حاجه وتقبل رأسها هي ووالدها ادعيلي بقي
سلوي: روحي يا بنتي ربنا يسعدك وينور طريقك ومتتخنقيش مع حد النهارده عشان عارفاكي
ليل:ربنا يخليكي يا ست الكل سلام بقي عشان اتاخرت وايه بتاكل نفسها هناك
ليل:نزلت ووقفت تاكسي يوصلها عايزه اروح لحد جامعه عين شمس
السائق : خمسين جنيه
ليل:ليه إن شالله هو ايه خمسين جنيه كل ده لحد الجامعه حرام
السائق: خلاص متركبيش روحي اركبي اي حاجه
ليل:منا هركب هستناك يعني ماله اوتوبيس الشعب وحش
السائق: شكلك مش هتدفعي ويلا من وشي عندك ما ركبتي
ليل:اغور من وش مين يا راجل يا معفن وغور مش راكبه معاك ده انت راجل غره صحيح غور في داهيه ماله الاوتوبيس
السائق : طب يلا يا بت من هنا لسانك طويل عشان منزلكيش
ليل:لسان مين يا اخويا انزلي وشوف هعمل فيك ايه
السائق :اتكلي علي الله علي الصبح
اتجمع الناس والعربات كلها وقفت والطريق قفل
نزل شاب من عربيته ذات العيون البنيه
الشاب :لو سمحت يا انسه خلاص عايزين نمشي وقفتي الطريق
ليل:وانت مالك يجدع انت انا كلمتك
الشاب:خلاص مش هتركبي وقفتي الطريق يلا شوفي انتي رايحه فين يلا يا بت بقي
ليل:وانت مين قالك تدخل ايه الناس الي علي الصبح ديه جتك داهيه وبعدين بت أما تبتك هو انا شغاله عندك انا ليا اسم  ومشيت تستني الاوتوبيس
الشاب:ايه البت ديه لسانها اطول منها يخربيت كدا
ركبت ليل الاوتوبيس ونزلت عند الجامعه دخلت رنت علي ايه
ليل:انتي فين
ايه:لسه فاكره تيجي
ليل:خلاص يا ايه مش دلوقت
ايه:خلاص تعالي انا عند الكافتيريا
ليل:ماشي انا جايه
ايه:ماشي مستنياكي
راحت ليل الكافتيريا وقعدت
ايه: مالك يبنتي في ايه علي الصبح
ليل:خلاص يا ايه مفيش اطلبي اي حاجه نشربها خليني اهدي
ايه:ماشي
لو سمحت اتنين عصير برتقال
ايه"في ايه بقي الي حصل واتاخرتي ليه
ليل:مفيش يا ستي نزلت اركب وحكتلها الي حصل
ايه:يخرابي يا ليل كل ده كنتي ركبتي اوتوبيس وخلاص ومين الشاب ده
ليل:قولت اي حاجه سريعه توصلني وخلاص بسرعه،معرفش يا ست طلع منين ده جاته داهيه إنسان رخم ليل بتقلد صوته
اركبي وخلصي وقفتي الطريق
ايه :هموووت مش قادره خلاص يا ليل يحببتي علي أساس انك سكتي انا عارفاكي
ليل:انا مالي هو الي اتخانق معايا لو شوفته تاني هنفخه جاته نيله
المهم سجلتي المحاضره والتانيه هتبدء امتي
ايه:ايوه والتانيه بعد نص ساعه
ليل :تمام ماشي
يكش الدكتور ميتعصبش النهارده عشان هي مش ناقصه
شربوا العصير ودخلوا المحاضره وخلصت وخرجوا
ليل :المحاضره طولت اوي بقولك ايه تعالي نتغدي في ماك
ايه:لا مش هينفع لازم اروح هتاخر
ليل:خلاص يا ستي يلا نمشي
ليل راكبه العربيه
ليل:ايوه يسطا هنا يسطا اقف يسطااااا يا عم اطفي التسجيل واسمعني اقف هنا
السائق :ماشي خلاص براحه
ليل:براحه ايه بقالك ساعه بقول خلاص ومشغل التسجيل وانا بنادي خلاص اقف هو يوم مش باين من أوله ونزلت دخلت البيت
سلوي:مالك يا ليل قالبه وشك ليه مفيش اتخنقت مع السواقين النهارده كلهم
انا داخله انام عشان ورايا حاجات كتير لما اصحي
سلوي:تنامي ايه ورانا حاجات كتير يلا قومي وبطلي كسل وبعدين روحي شوفي عمتك عشان كانت تعبانه
ليل:قامت من علي السرير عمتي مالها كويسه دلوقتي
سلوي :تعلم حب ليل ل عائلتها
حببتي اهدي مفهاش حاجه السكر كان عالي شويه
ليل اردتدت ملابسها ورايحه ل عمتها وهي نازله من علي السلم قابلت رفعت جارهم
رفعت:ليل ازيك عامله ايه
ليل ب ابتسامتها التي لا تفارقها رفعت ازيك انا الحمدلله كويسه عايز حاجه بقي عشان لازم امشي
رفعت :يارب ديما طب بقولك ايه م هتفكري في الموضوع الي قولت ل والدك عليه
ليل:رفعت بقولك ايه احنا صحاب واخوات بلاش الموضوع ده انا مليش في الجواز والشغل ده بعد اذنك بقي لازم امشي
ليل مشيت وراحت لعمتها
بتخبط الباب طبعا مش زينا لا بتخبط بطريقه ليل موسيقي ايه المهم
سالي بنت عمتها : حاضر
حاضر يالي بتخبط خلاص يا ليل عرفت انك انتي
ليل: سوسو يا سوسو اخبارك ايه يا نتنه مش بتسألي ليه
سالي : نتنه الله يسامحك مضغوطه انا دلوقتي الامتحانات قربت وكمان عمتك تعبت
ليل:اه هي فين صحيح
سالي : اهي في الاوضه ادخلي جوه
ليل:اشطا
عمتو يا عمتو
إم سالي :ليل تعالي يا حببتي وحشتيني
ليل:ايه يا ست الكل لازم تخضينا عليكي كدا بتدلعي علينا عشان ابو سالي ميروحش الشغل ويقعد معاكي اه يا يطلع منك كل ده ماشي يا ستي
ام سالي : ضربتها بخفه علي زراعها ايه يا بت مالك في ايه يقطعك ضحكتيني
ليل: يا ست اضحكي محدش واخد حاجه وقبلتها علي وجنتيها
طب بقولك ايه قدام اطمنت عليكي امشي بقي عشان مش قادره وسوسو كمان سيبالي الشقه غير هروح الصيدليه بليل
ربنا يتوب علينا اخلص اخر سنه بقي واشتغل
ام سالي : ربنا معاكي يحببتي ويوفقك بس استني اتغدي معانا
ليل: لا يدوب هروح عشان اتغدي معاهم انتي عارفه مش هيعرفوا ياكلوا من غيري طبعا
ام سالي:ماشي يحببتي ابقي تعالي تاني
ليل:حاضر من عنيا
وفي المساء
ليل الي الصيدليه
ليل:السلام عليكم
الدكتور: وعليكم السلام ازيك يا ليل ناس كتير اوي جت سألت عليكي عشان تديهم الحقنه والي مش راضي يغير علي الجرح ومستنيكي
ليل:ضحكت الثقه في الله نجاح يلا استعنا علي الشقي بالله خلصت الشيفت وفي طريقها الي المنزل
ليان:ابله ليل ابله. ليل
ليل:ازيك يا لولو اخبارك ايه في المذاكره يجمله
ليان : الحمدلله تمام بس في حته صغيره مش فاهمه في الانجلش ممكن تشريحهالي
ليل:حاضر يحببتي تعالي وقت ما انتي عايزه
ليان :شكرا انا بحبك جدا
ليل: وانا كمان يلا سلام
وكدا البارت خلص تتوقعوا ليل هتعمل ايه بكره في الجامعه ويترا من الشاب الي شتمته وهتعمل ايه مع جارها انتظروا في بارت جديد
-ندي حسين