مجنونه ولكن احببتها

36

ليل بدموع:انا هوريك حاجه بس بالله عليك ما تزعل مني ولا تصعبها عليا
اوس كان حاسس ان قلبه شويه وهيطلع من مكانه في اي يا ليل
ليل بتفك الفوطه
اوس شافها وقف مصدوم
ليل:عشان خاطري متزعلش مني بس انا كدا ارتحت مش هستحمل هو كل شويه يقع
اوس مكنش عارف يتكلم ولا يقول اي بس هو عارف انها مجروحه ميت الف مره عنه
فتح دراعه وجريت علي حضنه وعيطت عيطتت كتير
الطريق ده صعب اوي يا اوي صعب وانا تعبانه اوي
اوس:شيششش اهدي اهدي كل ده اختبار وخير واحنا راضين لا انتي مش ضعيفه انتي قويه جدا وانا فخور بيكي انك بتكملي وشعرك هيطول وهيرجع احسن من الاول وانتي هتبقي احسن وهنرجع زي الاول وانتي لسه زي ما انتي حلوه وهتفضلي طول عمرك احلي واحده في عيني
ليل'هتعرف تستحمل شكلي كدا
اوس:وانا لما اكبر هتستحمليني
ليل:طول عمري هشيلك في عيوني
اوس:وانتي مش عايزني اشيل الشويه الي انتي تعبانه فيهم طبطب عليها انا هفضل طول عمري هنا ولو احتاجتي قلبي مش هيغلي عليكي لاني هعرف اعيش عشان انتي موجوده
ليل خبت نفسها في حضنه لحد ما حاول يهديها وتنام
قعد في البلكونه يفكر الحاله الي وصلتلها وهتكمل ازاي طب هتعرف تكمل وهتبقي كويسه ولا الحال هيسوء اكتر تعب من كتر التفكير وقال يارب وساب كل حاجه علي ربنا ودخل نام
***
تاني يوم
ليل:اوس اصحي
اوس بنوم:في اي يا ليل
ليل:الفون بيرن من بدري
اوس بنعاس:الساعه كام
ليل:تسعه
اوس قام اتنفض من مكانه:ينهار ابيض تسعه
ليل:شكلك نمت متاخر امبارح
اوس جري علي الحمام ولبس ونزل بسرعه
شافهم كلهم متجمعين علي الفطار
حياه:مش هتفطر يحبيبي
اوس:هفطر في الشركه عشان متاخر اه يا جدي كنت عايزه هبقي اكلمك في الفون
صالح:ماشي سوق براحه
اوس:ان شاء الله ومشي
*
احمد:وسام لسه اوس بيه مجاش
وسام:لا لسه اول مره يتاخر كدا
قطع كلامهم دخول اوس سلم عليهم ودخل علي المكتب دخل وراه احمد بالورق
احمد:حمدلله علي السلامه يا استاذ اوس
اوس: الله يسلمك يا احمد جهزت الورق
احمد:كل حاجه تمام كل المعلومات هنا وفعلا هو خد الشركه
اوس: الموضوع ده مش مظبوط عمي مستحيل يبيع الشركه وميعرفش يبعها لان انا اصلا شريك فيها اتصلي بالمحامي  خليه يجي
احمد: حاضر يا فندم
خرج وكلم المحامي عشان يجي
خلص الشغل الي في ايديه ورتب ورق الصفقه الجديده الي مع عادل
وسام : بهجت المحامي جه يا استاذ اوس
اوس:دخليه
بهجت:ازي حضرتك يا اوس بيه
اوس الحمدلله يا بهجت اقعد
بهجت:خير
اوس:انت تعرف عادل النصار
بهجت:ايوه يا باشا معروف في السوق وسمعته سابقه
اوس:حلو اوي المهم دلوقتي هو بقي مالك شركه الرفاعي
بهجت ؛انت بعتها
اوس:ده الي جاي اكلمك فيه دلوقتي الشركه دي شرك انا وعمي والصفقه الجديده هو دخلها باسم شركتنا وهو مالك ليها
بهجت:ازاي
اوس:نفترض ان عمي بعها وده من سابع المستحيلات انا شريك فيها
بهجت:ممكن يكون باع الجزء بتاعه بس حتي لو باع الجزء بتاعه ان احق من عادل النصار انت شريكه وقريبه والجار اولي بالشفعه
اوس:حلو اوي الموضوع سهل اهو
بهجت:بس انت عارف عادل النصار مش سهل
اوس::لا ده متشلش همه انا داخل معاه الصفقه الجديده ووعد مني مش هياخدها وساعتها اعرف نيته كويس المهم عايزك تجهز كل الورق بتاع القضيه وتوقف اي شغل الشركه تمشيه عشان هو شغله كل شمال وانا مش عايز سمعه الشركه تتضر
بهجت:حاضر استاذن انا همشي
اوس:مع السلامه
اوس بتفكير :اما اشوف عمي بقي راح فين ويا ويله لو هو الي ورا اختفائه ده
خلص شغله كله وروح عشان يجهز للصفقه بتاعت بكرا
اوس:انا ماشي الصفقه بتاعت بكرا لينا مش هضيع فاهم
احمد: حاضر يا فندم
****
وصل البيت وافتكر ان مكلمش جده
دخل خبط عليه
صالح:تعالي يا اوس استنيتك ترن مرنتش قولت مرنش عشان شكلك مشغول
اوس:مفروم في الشغل والله يجدي يرجع بس معتز وانا هوريه تلاقيه خربها ابن المحظوظه
صالح بضحك:ياعم صلي على النبي خلص شغلك ولما يرجع دبسه واطلع انت اخربها
اوس:قول يارب المهم مالك جاي يتقدم النهارده ل وعد
صالح:مشاء الله هو راجل ويعتمد عليه وكويس يجي ينور بس تاخد راي وعد
اوس:لا وعد متشلش همها
صالح:چوكر زي جدك يبني والله
اوس،عيب عليك انا هطلع اريح شويه عقبال ما يجوا بليل
صالح:اطلع يبني ربنا يصلح حالك
اوس:اه عشان خاطري يجدي ادعي كتير الفتره دي
صالح:ماشي
اوس عدي علي وعد خبطت الباب
وعد :ادخل
اوس:يبنتي هتخلصي تعليم امتي
وعد بضحك :هانت اهو
اوس:طب اي فاضيه علي بليل
وعد: ليه في اي
اوس بمكر:انتي نسيتي يا وعد اني قولتلك ان الدكتور الي كلمتك عنه ده جاي يتقدملك
وعد قلبها وقف وسكتت.....
اوس: سكتي ليه
وعد:ها
اوس بمكر:ها اي ومالك خايفه ليه
وعد بتستجمع قوتها:مش خايفه بس اتخضيت من السرعه يعني بس تمام ماشي يجي يتفضل هي جوازه يعني
اوس:اه جاي يشوفك عادي يعني ولو وافقتي يبقي في خطوبه وكدا
وعد بعند:ماشي يا اوس وهو لو مناسب انا موافقه
اوس:موافقه علي الدكتور
وعد بعند اكبر:وماله لو طلع كويس تمام
اوس:خلاص تمام ماشي
خرج وسابها وهي كأنها بتسمع نفسها عشان تعاند اكتر انا مش هستناه طول العمر قدام محاولش عشاني يبقي ميستاهلنيش خليه كدا قعدت تفكر كتير لحد ما العند اتملك منها
*
اوس:يا لي لي
ليل,ده اي الدلع ده كله
أوس:ده عشان انا محظوظ اني بشوف القمر ده كل يوم
ليل:قمر اي ما راحت عليا خلاص
اوس:راحت مين بس اسكتي انتي مش عارفه حاجه وبطلي تفضلي حاطه طرحه علي راسك كدا خليكي براحتك ده انا بفكر احلق زيك كدا عجبني النيولوك بجد ما تيجي معايا وانا بحلق
ليل:لا يا اوس انت بتحب شعرك
اوس:بس بحبك اكتر تعالي عشان نبقي شبه بعض خدها وحلق شعره كله وهو مبسوط ومش زعلان خالص بس عشان ميحسسهاش بحاجه ولا تفضل مضايقه
اوس:يلا يا ستي اي ريك
ليل:انت مجنون بجد
اوس:هو وحش اوي كدا
ليل:لا والله لسه حلو زي ما انت
اوس :ده الجميل عينه مني بقي
ليل:بصراحه بقي اه
اوس شدها لصدره:متيجي ناخد دوش سوي
ليل بكسوف:ابعد يا اوس كدا عيب
اوس:عيب اي بس ده العيب انك تضيعي الفرصه
ليل :انا لسه واخده دوش ابرد كدا
اوس:ضيعي كدا كل العروض الحلوه دي مش هتلاقيها برا
ليل:بقيت منحرف اوي علي فكره
اوس: انتي لسه شوفتي حاجه هاخد دوش بسرعه واطلع احكيلك علي حاجه
ليل:لا قول دلوقتي متسبنيش مع الفضول بتاعي
اوس؛منا بقولك ناخد دوش سوي مش راضيه
ليل جريت لا انا هسكت فضولي😂
اوس يخساره
دخل خد دوش بسرعه وخرج
ليل:ها مش هتقولي
اوس:طب خمني
ليل:هتتجوز عليا صح
اوس:😂😂😂😂😂😂😂😂😂😂اي صريخ الضحك ده
ليل:قدام ضحكت يبقي صح اقسم بالله يا اوس لو اتجوزت لقتلها وقفت علي السرير انا مجنونه تتجوز اي لا والله انط من علي السرير انتحر بجد لا انا مش هنتحر واسيبك ليها انطق قولي حلوه لا اكيد مش احسن مني اوس وحيات امك
اوس مش قادر يتكلم من كتر الضحك :طب انزلي بس وانا افهمك
ليل:لا قولي الاول
اوس:انزلي بس
ليل جت تنزل اتنشكلت في الملايه اوس لحقها ووقعت فوقه علي السرير
ليل اتكسفت جدا وشوها كله بقي احمر انها قريبه كدا اوي
اوس:ده النهارده يوم جميل اوي ده انا هشكر افكارك الي خليتك تبقي قريبه مني كدا عيونك وحشتني وهي مفيهاش دموع
ليل:بجد الفتره الاخيره بقيت بعيط كتير فين ايامك يا ليل مكنتيش بتنزلي دمعه
اوس بضحك:اه فاكر فاكره ساعه العربيه 😂😂😂😂
ليل:مضحكش كدا ضحكت حلوه اوي
اوس:😉😉 طب اي
ليل:اي
اوس:اي حاجه كدا
ليل ضربته بخفه علي صدره بس يا اوس
اوس قرب منها وباسها بحبك
ليل وشها احمر اكتر وجسمها سخن من كتر ما هي مكسوفه
اوس ؛كفايه بقيتي طماطم
ليل:ما انت بتكسفني اوي
اوس: انتي الي طيبه وعبيطه يا لي لي
ليل:طب قولي يلا الموضوع
اوس:كل الموضوع يحببتي ان مالك جاي يتقدم لوعد
ليل:بجد بتهزر ده اي الاخبار الحلوه دي
اوس:انتي فرحتي اكتر منها
ليل:هي مفرحتش
اوس: لا مش كدا اصل انا مفهمها انه الدكتور الي بتدرب معها في المستشفي هو الي جاي عشان فعلا كلمني وكان عايز يجي بس اتا قولتله ان وعد لسه مش هتتحوز دلوقتي
ليل بضحك:وانت بتعمل كدا ليه بقي
اوس:عشان اشوفها هتعمل اي
ليل: مش سهل انت يا حبيبي
اوس:خالص😂 المهم اوعي تقوللها
ليل:حاضر مع انها هتصعب عليا
اوس:بالعكس دي بتعاند ومبينه ان ولا فارق معها بتقولي لو شخص مناسب موافقش ليه انا بفكر اقول لمالك متجيش 😂😂😂😂😂
ليل: حرام عليك اسكت انت
اوس: سكت اهو
يلا ننزل نتغدي سوي قبل ما مالك يجي
ليل يلا
اتجمعوا كلهم للاكل
ادهم ينهار ابيض
وعد في اي يبني خضتني
اسر اي يجدعان
عهد بصت ناحيه اوس واتصدموا
صالح:اي يبني منك ليه اب عمركوا ما شوفتوا حد حالق
ادهم:احنا شوفنا كتير بس مشوفناش اوس
اوس:سيبك منهم يا جدي ده ادهم يعني محدش بيعلق علي كلامه
ادهم:اصل اول مره اشوفك كدا عمرك ما عملتها
اسر:عنده حق
اوس:ما قولت اغير بقي اي ريك يا وعد
وعد
اوس:اي يا وعد متنحه كدا ليه
وعد:اصل اول مره اشوفك
اوس:اي يجدعان ما خلاص هو انا عملت اي يعني بكرا يطول عادي يعني
يلا ناكل انا جعان
ليل بصوت واطي :قولتلك بلاش
اوس:هو انا عملت حاجه حرام ولا اي
ليل:يعني اقصد علي شعرك
اوس:انتو مكبرين الموضوع وقولتلك قبل كدا معنديش اغلي منك يكش كل حاجه تولع كلي يا ليل وريحي دماغك
وبيأكلوا ووعد سرحانه وكله ملاحظ ده
اوس: كلي يا وعد
وعد:ها منا باكل اهو
اوس:شايفك سرحانه
وعد:لا انا تمام وبدأت تاكل
مالك كلم اوس وقاله انه علي وصول الكل دخل يلبس ويجهز
****
مالك:يلا يا امي
حنان: حاضر يحبيبي لو تعرف انا فرحانه اد اي بيك الحمدلله يارب ان لحقت اشوفك عريس
مالك باس راسها :ربنا يديكي الصحه وطوله العمر يا ست الكل بس يلا بينا الناس مستنينا
حنان:يلا انا من ساعه ما شوفت وعد وانا بقول والله البنت دي بنت حلال وربنا يكتبها من نصيبك واهو الحمدلله
مالك بتنهيده: الحمدلله
ركبوا العربيه ووصلوا
***
ليل:يلا يا وعد الناس تحت
وعد:اه منا نازله اهو
ليل:انتي متاكده من الي بتعمليه ده
وعد'بالله عليكي يا ليل متضغطيش عليا انا مش هستناه طول العمر مش عايزه اتكلم عشان لو اتكلمت مش هنزل خالص
ليل :طب يلا 
نزلوا تحت ووعد باصه في الارض مش مركزه سرحانه بس هل فعلا الي هي بتعمله صح ولا لا فاقت علي صوت مكنتش هتتوقعه
حنان:بسم الله ماشاء الله يحببتي قمر ربنا يحفظك
وعد فضلت متنحه ومش مصدقه وليل كاتمه ضحكتها واوس الي هيموت علي نفسه من الضحك
حياه حضنت وعد:اي الجمال ده كله
وعد بتلقائيه :الله
ليل مقدرتش تمسك نفسها من الضحك
وعد بصتلها :ماشي يا ليل
ليل. بهمس انا مليش دعوه
وعد بصت ناحيه اوس واوس رفع كتفه 🤷
صالح تعالي يا وعد اقعدي واقفه كدا ليه
وعد حاضر يجدي
مالك قاعد مش فاهم حاجه بس تجاهل ده
حاله من الصمت قطعها مالك
مالك:انا جي اطلب ايد حفدتك يا صالح بيه
صالح:بيه اي بس يا مالك انت زي اوس يحبيبي وعلي العموم احنا مش هنلاقي راجل يحافظ عليها زيك بس ناخد ريها الاول
حنان: والله يجماعه احنا مش هنشوف في اخلاقها ربنا يعلم اول ما شوفتها حبتها ازاي ودخلت قلبي
وعد؛ابتسمت وانا كمان بحبك
صالح:وانتي اي ريك يا وعد
وعد بكسوف وتوتر:الي تشوفه يا جدي
صالح بهزار:لا شكلك مش موافقه
وعد بلهفه: لا .....يعني اقصد هفكر يعني وارد عليك
الكل ضحك
صالح:خلاص فكري براحتك
قدموا العصير وقعدوا يشربوا سوي وبين نظرات مالك ووعد الي باين عليها التوتر وليل قاعده جمبها 
ليل بهمس:اهدي شويه باين عليكي التوتر اوي
وعد:انا حاسه اني مش مصدقه بجد
اوس:تعالي يا مالك عايزك اخدو وخرجوا الجنينه
اوس:عملت اي في موضوع عادل
مالك:زي ما قولتلك تاجر كبير في السلاح واثار وتهريب ممنوعات يعني شغله كله شمال وموخرا واخد شركة عمك كڤر عشان يغطي بيها شغله ويبقي في السليم والعمليه الجايه هتبقي ب اسم عمك
اوس:عمييي!!!
مالك: ايوه
اوس:بس هو اشتري نصيب عمي اصلا
مالك:لا يمكن نائب عنه في شغله مش اكتر
اوس:دي كدا اتعقدتت خالص
مالك؛لا متقلقش هي هانت اوي وهنقبض عليه
اوس:هو ورا اختفاء عمي صح
مالك:ايوه ده الي اتاكدتلك منه
اوس:الراجل ده عشان يقع يبقي لازم نوقع دراعه اليمين هو داخل معايا صفقه بكرا وانا عرفت مين اكتر ناس حواليه ويقدر يثق فيهم اوي و. انا اي معلومات جديده هقولك
مالك: خلاص تمام ابقي كلمني وقولي وصلت معاه ل اي بكرا
اوس:تمام
مالك: دلوقتي هنمشي عشان عندي شغل الصبح
اوس:خليك قاعد
مالك:لما اختك توافق هنيجي تاني
اوس بمداعبه:ولو موافقتش
مالك فهمه:هاجي بردوا😂
دخلوا سوي واخد حنان ومشيوا
ليل اتسحبت من جمب وعد ووقفت مع اوس
اوس:خايفه ليه
ليل:وعد لو مسكتني هتقتلني انا وانتي
اوس بهمس:تفتكري
ليل؛افتكر اي بص عليها كدا وانت تفهم يلا بينا نخلع من هنا عشان احنا تحت تهديد السلاح
اوس:نخلع !!!هي وصلت ل نخلع لا يلا بينا يا كابتن
اوس اخد ليل
اوس:تصبحوا علي خير بقي عشان عندي شغل الصبح
ادهم اه وانا كمان والله
وعد:ليل كنت عايزاكي
ليل:ها انا
اوس:اصل انا عايزها تطلعلي كام حاجه عينها معاها
ليل:اه بالظبط تعالي عشان اطلعهم بسرعه ومسكت ايديه وطلعت
اوس كاتم ضحكته لحد ما دخلوا الاوضه اي جو الدراما ده
ليل اسكت انا مش عارفه مشيت وراك ليه ما كنا قولنلها وخلاص ده يحرام طول ما هي قاعده مصدومه
اوس: شكلها وهي مصدومه مموتني من الضحك
ليل:حرام عليك بجد
قطع كلامهم خبط الباب
اوس راح يفتح وكانت وعد
وعد بعصبية:بتهربوا مني
اوس حط ايده في جيبه :نهرب ليه
وعد عصبيتها زادت:ليه قولتلي الدكتور جاي يتقدم ليه
اوس صوتك بدأ يعلي خلي بالك
ليل:اهدي يا وعد هو بس كان...
وعد:مبسش ليه تخلوني عامله كدا قدام الناس
اوس:عامله ازاي ومصدومه ليه عادي يعني وا حد تاني
وعد:ليه مقولتش ان مالك الي جاي
اوس: هتفرق ف اي 
وعد:علي الاقل ميبقاش شكلي اهبل كدا ومصدومه
اوس:ومصدومه ليه
وعد:مش عشان حاجه بس ابقي عارفه اديني حق ان اقول لا او اه
اوس:وانتي شايفاني قولت اه انتي موافقه احنا مستنين ردك يعني كل الي عملتيه ده ملوش لازمه الا
وعد بتوتر: الا اي
اوس:الا لو انتي بتحبيه ف كنتي متخيله هيجي واحد تاني ولقتيه هو
وعد توترها زاد:ح..حب اي اصلا لا علي فكره
اوس:طب اهدي براحه طيب
وعد:انا تمام علي فكره انا رايحه انام عشان صدعت
اوس:ابقي نامي كويس بقي ومتاخريش الرد عشان منعلقش الناس معانا
وعد:ان شاء الله وخرجت جري
ليل:اي يجدعان كل ده
اوس:عادي عادي هي وعد كدا مبتحبش المفاجات😂
ليل:يلا ننام عشان انا صدعت اوي
اوس:يلا عشان عندي شغل مهم اوي بكرا
*
تاني يوم
اوس خارج من البيت
عهد:اوس
اوس: نعم يا عهد
عهد:عرفت حاجه عن بابا
اوس:متقلقيش قربت اوصله خير ان شاء الله
عهد؛يارب
اوس:ان شاء الله هيكون كويس
عهد:اتمني اسيبك تروح الشغل عشان متتاخرش
اوس: ماشي سلام