مجنونه ولكن احببتها

35

ليل فتحت ريكورد :أيه اوس وافق هننزل امتي
أيه:ليل انتي اتكلمتي
سلوي بصت ل ليل
ليل انتي بقيتي بتتكلمي
ليل عيونها بقت كلها دموع وبتردد كلمه واحده أوس
سلوي خدتها في حضنها ايوه اتكلمي يحببتي علي صوتك الحمدلله يارب
سلوي:يا محمد ليل بقت تتكلم محمد خرج بسرعه بسم الله ماشاء الله الحمدلله يارب اخير
ليل:اخيرا يا بابا الحمدلله
محمد:انا هرن علي اوس اقوله
ليل:لا انا هعملها ليه مفاجاه انت مش متخيل يا بابا تعب معايا اد اي واستحملني اد اي لازم اعمله مفاجاه
محمد:ماشي يحبيت ابوكي
ليل: الحمدلله يارب انا لازم اقوم اصلي
سلوي روحي يحببتي
ليل دخلت تصلي وعياطها بيزيد وبتحمد ربنا انها رجعت تتكلم بعد فتره مكنتش عارفه هتفضل لحد امتي
خلصت وسمعت صوت الباب كانت أيه
جريت علي حضنها وأيه عياطها بيزيد وباست راسها الحمد لله يحببتي الف شكر والف حمد ليك يارب قولتلك فتره وهتعدي
ليل بتنهيده: الحمدلله
أيه ؛طب قوليلي ان انتي مستنيه تشوفيني وتتكلمي
ليل :اه شوفتي بقي
أيه:لا واول اسم تنطقيه اوس يجامد
ليل:انا مبسوطه اوي بجد انا عايزه اليوم يعدي بسرعه عشان اقوله
أيه:عقبال ما ننزل ونيجي هيكون جاي
ليل :ايوه صح عشان انا لازم اجبله البدله بتاعته علي ذوقي
أيه:طب يلا يا عم يا ابو ذوق عالي
ليل :حاضر
ليل :ماما احنا هننزل
سلوي :ماشي حببتي خلي بالك علي نفسك
ليل:حاضر
******
اوس:اي يا وعد ادهم هيجبكوا امتي
وعد:بيقول بكرا عشان النهارده الطياره فوتنها
اوس:خلاص الصبح هستناكو
وعد:ان شاء الله
اوس:وانتي اي الاخبار عندك
وعد: الحمدلله بخير ليل عامله اي
اوس :بخيير كويسه
اوس بتسليه:بقولك يا وعد صحيح
وعد:ايوه يا اوس
اوس:انتي لو في عريس متقدملك هتوافقي
وعد بتسرع:لا يا اوس انا عندي اخر سنه ولازم اركز فيها وعريس مين ده
اوس:لا مش مهم بقي خلاص انا هرفض من برا برا
وعد:يعني هو شافني فين ولا يعرفني اصلا
اوس ماسك نفسه من الضحك:اه هو دكتور
وعد بخيبه امل :لا ارفض يا اوس ارفض مش ناقصه دكاتره دماغي ورمت
اوس:طب براحه طيب لما تيجي نتكلم
وعد:ماشي بس مش هتجوز دكاتره انا
اوس:اوماال هتتجوزي اي 🌝انا مش هجوزك اصلا
وعد:ايوه عندك حق انا معنديش اغلي منك انت والواد ادهم بس انا مش هتجوز سلام يا اوس
اوس ميت علي نفسه من الضحك:سلام
*******
وعد؛دكتور وزفت ماشي يا مالك عادي يعني يا وعد ممكن يكون ندم خلاص انا مش هقوله حاجه هسيبه كدا بجد
*****
عز:ياعم سيبه هنشيله نوديه فين ولو روحنا المستشفي هندخل في سين وجيم
مازن:ده اد ابونا هنسيبه في الشارع كدا وشكله تعبان اوي هيموت حرام علينا ده روح برضو شيل معايا انا عارف مستشفي فيها دكتور صاحب ابويا  يلا عقبال ما نبلغ علي عربيه الناس الي رمتهم دي
عز؛لا بص بقي انا هساعدك ونوديه المستشفي ونقف جمبه لكن منفتحش علي نفسنا باب احنا في غنا عنه
مازن:ننقله بس وبعدين نتكلم
شالو علي العربية وركبوا وطلعوا علي المستشفي
مازن:خير يا دكتور
الدكتور:جاله غيبوبه يا مازن غيبوبه سكر
مازن:لا حول ولا قوه الا بالله والغيبوبه دي بتقعد اد اي
الدكتور:الله اعلم علي حسب قوته انت متعرفش حد من اهله
مازن:لا والله يا دكتور ده حتي مش معاه اي حاجه في جيبه ولا اي حاجه
الدكتور:طيب هنسيبه ازاي في المستشفى كدا
مازن:علي مسئوليتي انا يا دكتور لحد ما نشوفله أهل ان شاء الله خير
الدكتور:ماشي يا مازن سلملي علي ابوك
مازن:شكرا يا دكتور
عز:هنعمل اي
مازن:ولا اي هنبلغ ونشوف اهله فين
عز:واي الي هيجيلنا من كل ده
مازن بعصبية:يعني هنسيبه يا عز لو ابوك ده كنت هتسيبه ان شاء الله نلاقي حل
عز: ماشي يا مازن
*********
اوس:رن عليها يلا يا معتز
معتز:يا عم أصبر دول بنات يعني هيعقدوا كتير يختاروا ويتفرجوا
اوس:بقالهم كتير اوي انجز رن علي أيه ونعرف روحوا ولا لا عشان ليل مش بترد علي  الواتس اخلص
معتز: حاضر
رن علي أيه
معتز:الو يحببتي 
اوس:والنبي انجز
معتز:ملكش دعوه اي يا روحي خلصتوا
اوس: صبرني يارب عليه عشان هخنقه
أيه بتضحك: ايوه خلصنا وهنركب ونمشي
معتز: ماشي حببتي خلي بالك علي نفسك
اوس:اساليها علي ليل
معتز:وليل عامله اي
أيه بصت ل ليل الي شاورتلها تكمل :كويسه الحمدلله ومروحين اهو
معتز:طيب خلي بالكوا علي نفسكوا
ايه:حاضر مع السلامه
معتز: سلام ...خلصوا ومروحين
اوس:ماشي انا رايح اخلص كام حاجه في الشغل وماشي
معتز:با عم ارحمني وخليني اروح بقي ده انا حتي فرحي بكرا
اوس:خلص الشغل الي وراك يحنين
رجع اوس علي مكتبه عشان يخلص شغله ب انجاز
****
عند مالك بيحاول يرن علي وعد الي بتشوف الفون ومش راضيه ترد
وعد:والله ما هرد عليك خليك كدا بقي اما اشوف اخرتها معاك
ادهم:خلصتي يا وعد
وعد:ايوه انا تمام اهو شوف جدو وماما بقي
ادهم ؛كله جاهز انا نازل اشوف عهد وهستناكي تحت الفون بتاعك بيرن
وعد مسكت الفون وكنسلت رقم غريب ومش هرد
ادهم:اوك
ادهم نزل ل عهد الي كانت سرحانه
ادهم:ها حببتي خلصتي
عهد:ايوه
ادهم:مالك مش مبسوطه ليه
عهد:غياب بابا هيجنني
ادهم:لسه بتحبيه رغم كل ده
عهد:عمري ما كرهته رغم كل الي حصل مكرهتوش برضوا عايزه اشوفه وحشني اوي انا قلقانه عليه اوي انا حاسه انه مش كويس
ادهم خدها في حضنه وطبطب عليها متقلقيش ان شاء الله يرجع بالسلامه ويكون كويس
عهد بدموع:يارب وحشني اوي
ادهم:خير ان شاء الله خير وانا هقول ل اوس لما نرجع
عهد:ياريت
ادهم:طيب يلا قومي البسي عشان نلحق الطياره بدل ما تفوتنا
عهد: حاضر
قامت عشان تجهز
ادهم:عديها علي خير يارب
*****
خلص شغله وراح ل ليل عشان يشوفها ويتغدي معها
ليل قامت تجري علي بابها
ليل:قالك فين
محمد:وصل تحت اهو وطالع
ليل:عااااا متحمسه اوي
محمد ضحك عليها هدخل اشوف سلوي جهزت الاكل ولا عملت اي
الباب خبط
ليل جريت علي الباب وفتحت
اوس بابتسامه عريضه :وحشتيني
ليل شاورتله انها كمان وحشها
اوس:مفيش حد هنا ولا اي
شاورت ليه ان بابها جوا
اوس:يا خساره كنت هتحرش بيكي متجيبي بوسه تصبيره كدا بعد الشغل ده كله
ليل ضحكت جامد وباسته من خده
خرج محمد :تعالي يا اوس
اوس بعد شويه:حاضر يا عمي انا جاي اهو
دخل ورحب بيه هو وسلوي ومحمد وسلوي عرفوا ان لسه معرفش وسكتوا كلوا واوس بيتكلم مع محمد
وقاموا يجيبوا عصير
اوس:اي مش هتوريني جبتي اي
ليل شاورت ليه انها هتوريه
قامت دخلت الاوضه وبعتتله علي الواتس انها لما تخلص هتبعتله يجي يشوف
اوس ؛ضحك وبعتلها ان متحمس عشان يشوفها
قامت لبست الفستان ومتحمسه توريه وتعرفه انها بتتكلم
خلصت لبس وبعتتله يجي استأذن من محمد يشوف ليل اتاخرت ليه
بيفتح الباب ودخل
ليل:اي ريك
اوس :تحفهههههه وبعدين استوعب
اوس:انتي قولتي اي انتي اتكلمتي دلوقتي صح
ليل وعيونها دمعت وهزت راسها  :ايوه
خدها في حضنه وباس راسها اخيرا اخيرا الحمدلله يارب انا بجد مش مصدق والله ده كرم ربنا عليا كبير بجد
ليل: الحمدلله تعرف ان اول اسم نطقته كان اسمك
اوس: تعالي اقعدي احكيلي اي الي حصل
ليل:محصلش الصبح بفتح ريكورد عادي ونسيت اصلا اني فتحت ريكورد وانا مش بتكلم وفجاه لقيت ماما بتقولي ليل انتي نطقتي وأيه وبابا قعدت اقولهم اوس بابا قالي يقولك قولتله لا انا لازم اول واحده اعرفه مردتش اقولك علي الباب عشان عارفاك هتفضحنا
اوس ضحك بصوته كله بس دي احلي مفاجاه والله دي العيله كلها هتتبسط اوي
ليل قامت وقفت مره واحده ؛شوف خلتني انسي اوريك البدله الي جبتهالك
اوس :سيبك مني دلوقتي اي الفستان الروعه ده حلو اوي عليكي لفي كدا
ليل ضربته علي كتفه اتلم بجد حلو
اوس:اوي
ليل راحت توريله البدله وعجبته جدا ولبسها وكانت مظبوطه عليه
اوس،ازاي بتجبيها مظبوطه كدا
ليل "عيب عليك
اوس باس راسها وحشني صوتك اوي
ليل بضحك كل ما تقول وحشني صوتك افتكر فيلم الداده دودي وهو بيقوله وحشني صوتك يا ابن الكلب
ضحكوا سوي وكل شويه اوس يقولها اتكلمي متسكتيش انا صدقت نطقتي
ليل،غريبه مع انك كنت مبسوط وانا مش بتكلم وبتستغل الموقف
اوس ضحك بصوته كله: شقيه اوي انتي يا لي لي مبتنسيش
قطع كلامهم رن الفون
اوس:الو يا ادهم
ادهم:ازيك يا اوس انا بكلمك عشان اقولك ان احنا وصلنا المطار وجاين اهو فينك
اوس،عند بيت ليل هنا وجاين
ادهم:خلاص ماشي
ليل:وصلوا
اوس:ايوه يلا بينا
ليل:يلا خدت الشنطه وسلموا علي سلوي ومحمد ووعدوهم بزياره قريبه
روحوا علي البيت وهما مبسوطين
اوس، مبسوط اوي انك مروحه معايا
ليل'علي اساس سببتني ابات اوي
اوس ضحك، مبعرفش انام من غيرك ولا اقعد من غيرك اعمل اي.
ليل ضحكت عليه ماشي
اوس:طب اي مفيش اي حاجه
ليل سكت شويه: علي فكره انا اكتشفت ان وانا بجد اليوم بيبقي ممل من غيرك
اوس:شوفتي عشان تعرفي ...هتقولي للعيله ازاي انك رجعتي تتكلمي
ليل بتفكير:هنفاجئهم
اوس: معاكي
وصلوا قبلهم وغيروا
وصلوا للبيت
الباب خبط
وعد  وعهد وحياه بخبطوا
وعد :اههههه اخيرا وصلت الحمدلله تعبت
ليل حمدلله علي سلامتك يا وعد
وعد صوتت من الصدمه انتي بتكلمي
ليل ضحكت علي شكلها وحياه خدتها بالحضن الحمدلله حببتي الحمدلله ووعد خدتها بالحضن وعهد الي فرحوا جدا
دخل صالح وأسر سلمت عليهم حمدلله علي سلامتكوا
:اي ده اخيرا مبروك حببتي ياااه اخيرا سمعت صوتك وضحكتك رجعتلك
ادهم دخل اخر واحد وبيسلم علي اوس وبيقوله انه عاوزه يتكلم معاه :حمدلله علي سلامتك يا ادهم
ادهم'بسم الله الرحمن الرحيم ده اي المفاجاه الجامده دي وضحكوا علي ادهم وقضوا وقت لطيف مع بعض والكل استأذن عشان يناموا
ادهم:اوس عاوزك
اوس: حاضر اطلعي انتي يا ليل وانا هطلع وراكي
ليل:حاضر
اوس رجع ل ادهم خير يا ادهم
ادهم:هو خير ان شاء الله بس كنت عايزه اسألك عن عمك بقاله كام يوم مرجعش والفون مغلق ومنعرفش عنه حاجه ده ازاي ده انا اهوملاحظ عدم وجوده بس بقول في الشغل او بيرجع متاخر
ادهم:لا ده مجاش خالص كدا بقاله اكتر من اسبوع
اوس:طيب انا هشوف الدنيا ولو كدا هبلغ ربنا يسترها
ادهم: يارب ان شاء الله روح نام بقي
اوس؛عايز حاجه
ادهم:لا انا هدخل انام برضو تصبح علي خير
اوس:,وانت من اهله
اوس طلع ينام وبيفكر يترا هو راح فين فعلا هو مش بيتاخر كتير كدا
ليل خرجت من الحمام
ليل:في حاجه حبيبي
اوس:لا مفيش كله تمام خدتي العلاج
ليل:ايوه اخدته
اوس:طب يلا ننام عشان في يوم طويل الصبح
ليل:ماشي يلا بس انت كويس صح
اوس ؛متسغليش بالك
ليل حست أن ده وقت مينفعش تتكلم فيه ف سكتت
ليل:اوك يلا ننام
*********
يوم الفرح
اوس:ليل انا رايح الشركه اخلص كام حاجه كدا وارجعلك اوديكي ل أيه وانا هشوف معتز
ليل:هتروح الشغل النهارده
اوس:هخلص شويه حاجات بسرعه مش هتاخر
ليل:خلاص ماشي كنت عايزه اقولك حاجه لو مش هتتاخر
اوس:تعالي قولي
ليل :انت في حاجه مضايق منها كنت عايزه اكلمك امبارح بس اما لقيتك متعصب معرفتش اكلمك
اوس:انا تمام
ليل قامت وقفت في وشه:لا في حاجه مش هتحكيلي لما بيكون في حاجه انت اول واحد بجري عليه وبقوله للدرجادي مش أنا الشخص الي ترتاح انك تتكلم معاه
اوس: بعدين يا ليل
ليل:اوس طمني عليك
اوس:انا كويس متشغليش دماغك انا ماشي
ليل:انت بتهرب مني عشان متقولش خلاص تمام صدقني لو في اي مش هرجع اقولك امشي يا اوس
اوس مشي وهو متعصب ازاي مش فاهمه انه مش بيحب يتكلم او مش عايز يتكلم دلوقتي ليه زعلت ومفيش حاجه كدا علي الاقل كانت تحاول وانا فعلا محتاج اتكلم بعد الضغط ده كله مشي راح علي الشركه وشغل نفسه عشان يخلص
ليل وبخت نفسها هي المفروض تسمعه هو اه صعب ان يتكلم بس هو يستاهل ان تحاول عشانه استنته يرجع
*******
مالك:والله يا وعد ل اكسر دماغك علي الي انتي بتعمليه ده
***""
معتز:انت فين يا اوس
اوس:كنت بخلص حاجات في الشركه وجاي
معتز: يوم فرحي
اوس: كان لازم اخلصها عشان افضي
معتز:طب انجز الكل جه فاضل انت وليل يلا عشان المصور يعمل فيديو الفرح
اوس: جاي مسافه السكه
****
اوس دخل اوضته ومنتهي الهدوء دخل خد دوش ولقي ليل دخلت الاوضه
اوس باختصار: اجهزي عشان نمشي
ليل حضنته من ضهره'انا اسفه انا مكنش ينفع اتخانق معاك بس انا كنت متعصبه ان انت بلاقيك جمبي  في كل حاجه وانت مضايق مش عارفه اكون جمبك حتي
اوس لف ليها مبيعرفش يزعل منها انا صعب عليا ان احكي بس هقولك شويه مشاكل كدا في الشغل وان شاء الله هتتحل
ليل: طب لو هعرف اساعدك انا موجوده
باس راسها انا عارف من غير متقولي روحي البسي بقي بسرعه صحبتك هتنفخك
ليل:انت بتقول فيها جت تمشي لفت تاني متزعلش مني اني نرفوزه كدا ماشي
اوس' لا خلاص مش زعلان
لبسوا وجهزوا وراحوا علي الفندق وعملوا فيديو الفرح والفيرست لوك والكل كان فرحان ومالك الي بيدور علي وعد عشان يطمن عليها واكتشف انها لسه مجتش
راحوا علي القاعه بليل وقضوا الفرح في اجواء لطيفه والكل كان مبسوط جدا ومعتز الي كان مهيبر من كتر السعاده
ادهم'يبني اهدي شويه
معتز:سيبني انا مصدقت اتجوز بجد انا رايح ارقص مع أيه عقبالك بقي
ادهم:علي الله التساهيل
معتز راح ناحيه أيه ورقصوا سلو
معتز:هتصدقيني لو قولتلك اني اسعد انسان في الدنيا انا بجد مش مصدق ان النهارده فرحنا مش عارف عملت اي في دنيتي حلوه عشان اقابل واحده زيك قلبها نضيف كدا واتجوزها
أيه:طول عمرك تستاهل كل الخير يحبيبي
معتز:اوعي تبطلي تقوليها وانا هفضل ديما احاول اسعدك وربنا يقدرني
أيه:طول ما انت جمبي انا مبسوطه
ليل سانده علي كتف اوس
ليل:متيجي نرقص جمبهم
اوس:لما نروح ارقصي براحتك
ليل:غيور موت
اوس:منا لازم اغير علي الجمال ده كله
ليل:فاكر فرحنا
اوس:وده حاجه يتنسي بجد يمكن كنا لسه متعرفناش علي بعض بس كنت مبسوط اوي
ليل:هتصدق لو قولتلك وانا ربنا يديم بينا كل اللحظات الحلوه
اوس:يارب
ومالك عينه كانت بدور علي وعد لحد ما لقها داخله مع عهد واسر وصالح وحياه
راح سلم عليهم وبصلها جامد وهي خافت من نظرته بس تجاهلته
راحت سلمت علي أيه وهو متابعها ب عينه وجالها فون وخرجت برا ترد
خرج وراها
استنها تخلص وبتلف ترجع الفرح
مالك:طيب ما انتي بتردي علي الكل وانا اي يعني عامله صامت
وعد:عايز اي يا مالك
مالك:مبترديش علي الزفت ليه من امبارح وانا برن عليكي
وعد:مردتش مكنتش عايزه ارد
مالك ربع ايديه :وده ليه
وعد:كدا عشان انا عارفه ان احنا مش هنكمل عارفه ان ممكن تكون ندمت ومش عايزه اتعلق بيك اكتر من كدا ومش هستني اكتر من كدا انا مش لعبه في ايدك وقت ما تكون عايزيني تلاقيني وبعدين تسبني مش عايزه ده ومش عايزه اتكلم دلوقتي
سابته ودخلت
وهو واقف مش فاهم حاجه اسيبها ازاي والعب اي هي فهمت اي
دخل وراها ولسه عيونه متابعها وهي اندمجت مع البنات وقرر ميفتحش الموضوع دلوقتي
وعدي الفرح الي كان كله مبسوط وسط عياط أيه وليل واجواء لطيفه في الفرح
الكل رجع علي البيت وأيه ومعتز طلعوا الفندق
ليل:انا فرهدت موت
اوس:مش انتي الي خربتيها
ليل:ده انا متنططش غير مرتين هو انا عرفت اعمل حاجه منك
اوس:قولي والله اومال مين الي لولا مسكتها كانت شويه وهتعقب
ليل:😂😂😂😂 لا مقدرش برستيچي والفستان بس وبعدين ده فرح أيه يعني ومكنتش راضي نرقص سلو مع بعض
اوس:هنرقص هنا انا مبحبش حد يشوفك غيري اصلا تعالي اعوضك بقي وشغل ليها اغنيه perfect ورقصوا سوي وكانت ليل فرحانه بالجو الرومانسي ده
******
عند معتز
معتز:انتي لو تعرفي انا فرحان اد اي مش هتصدقي
أيه:وانا بجد
معتز:انا كل يوم هحمد ربنا اني اتجوزت واحده زيك بجد
أيه:والله يا معتز انت طيب جدا وتستاهل كل خير يحبيبي
معتز:طب اي هنقضيها كلام كدا عندنا طياره الصبح
أيه:عندك حق يلا ننام بدري وجريت منه
معتز:احنا فينا من الجري هنفرج الفندق علينا
أيه:سيبني اغير طيب
معتز:روحي وانا هستناكي
غيرت ولبست اسدال وطلعت
معتز:ده الي هو اسمه اي
أيه:اسمه هنصلي يا خفيف
معتز:طب يلا
صلوا ومعتز بصلها بمكر
أيه مش هناكل
معتز:هي دي كل معلوماتك
أيه:استني بس الاكل ده جميل
معتز:لا احنا كدا هنضيع وقت وشالها همس بين ودنها عندنا طياره الصبح وعايزه اشبع منك
أيه بنفس الهمس:مقولتليش هنسافر فين
معتز؛خليها مفاجاه
نسبهم بقي شويه
*****
وعدي اسبوع علي فرح معتز الي بيقضي احلي وقت مع حببته في المالديف
واوس الي مشغول في شغله وبيمهد ل ليل ان يبدؤا العلاج لحد وافقت وبقت مستعده تروح
وعد :الي بتتجاهل مالك تماما ومبقتش تشوفه خالص وبقت مندمجه في تدربها
وادهم الي مشغول بالمستشفى بتاعته
اوس الي بيحاول يخلص كل شغله ومشغول ب اختفاء عمه
اوس بيقلب في الورق وبيشوف الصفقه الجديده
لحظ اسم شركه عمه ب اسم شخص تاني عادل النصار
رن الفون علي السكرتريه :ابعتيلي احمد بسرعه
احمد:نعم يا فندم
اوس:هي شركه عمي اتباعت امتي
احمد:لا يا فندم هي ملك ل طه بيه
اوس:بص اسم الصفقه الي احنا دخلنها ب اسم مين
احمد اتصدم:الشركه اتباعت ازاي ولمين عادل النصار ده شغله كله مش مظبوط وكان مشكوك فيه في تهريب اثار من قريب
اوس:كدا في حاجه مش مظبوطه وعمي مش هيبيع الشركه بالسهوله دي
احمد:نوقف الصفقه
اوس:لا انا هدخلها معاه واشوف نيته اي بس عايزك تجيب كل المعلومات الي تعرفها عنه كلها يا احمد وانا هكلم حد في الجهاز وهيجبلي قرار امه
احمد:حاضر يا فندم
احمد خرج واوس رد علي الفون اول ما شاف اسمها ابتسم تلقائيا
ليل:اي يا استاذ اوس انت نسيت ان عندنا ميعاد ولا اي
اوس:مقدرش انسي يا استاذه ليل
ليل:😂طب يلا عشان مستنياك
اوس:مسافه السكه
خلص شغله وكان مبسوط انها هي الي اتصلت وافتكرت الميعاد عشان تروح بيدعي في نفسه ان الموضوع يكمل علي خير
وصل البيت عشان ياخدها وراحو عند الدكتور
***
الدكتور:مبسوط بيكي بالتقدم والاصرار الي عندك
ليل بخوف:بيوجع
اوس حط ايده علي كتفها:ربك موجود وانا جمبك
ليل اخدت نفس عميق :يلا يا دكتور
اكتور بدأ يجهز العلاج وحط الكيماوي ووصله ب ايديها والالم بدأ يظهر علي وشها ببطئ و اوس ماسك ايديها
ليل في سرها يارب يارب بدأت تتوجع اكتر
اوس:انتي كويسه
ليل صغطت علي ايده جامد صعب اوي حاسه مايه نار ماشيه في جسمي
اوس شاف وشها وهي تعبانه واتخض :ثانيه راجع تاني
ليل:خليك انا مش قادره
اوس:هشوف الدكتور اصبري هرن عليه
الدكتور جه :خير يا اوس بيه
اوس:هي تعبانه كدا ليه
الدكتور:ده طبيعي جدا واول جلسه والكيماوي صعب ولما تخلص وتروح هتتوجع اكتر بس ان شاء الله يومين وهتبقي كويسه
اوس قعد جمبها:انتي كويسه دلوقتي
ليل:لا مش قادره تعبانه اوي
خدها في حضنه عشان تهدي شويه لان الالم باين عليها اوي
خلصت اول جلسه ركبوا العربيه
اوس:براحه براحه
ليل: رجعلي الكرسي عشان دماغي وجعاني اوي وجسمي كله
اوس:حاضر
ركبها وركب عشان يسوق
بدأت تنام وبتتأوى من التعب
كلم احمد وقاله ان يشيل الشغل مكانه بكرا عشان مش جاي
وصل البيت وشلها وسابها ترتاح ونزل جابلها الاكل
وقعد جمبها
ليل اصحي
ليل:اه مش قادره
اوس:قومي كل عشان تبقي كويسه وفي علاج لازم تاخديه
ليل:الالم هيموتني
اوس:خليكي مرتاحه واحده واحده
بدأت تصوت من الالم الي في جسمها كله
اوس: اهدي هتتعبي نفسك كدا
ليل:هموت من التعب مش قادره
قعد جمبها وخدت العلاج ونامت بيحركها لقي شعر كتير اوي واقع علي المخده شاله قبل ما تشوفه بسرعه وقعد سهران جمبها
حياه خبطتت ودخلت
عامله اي دلوقتي
اوس: تعبانه شويه تأثير العلاج
حياه ربنا يشفيها ويخفف عنها الوجع يارب روح انت نام شويه جمب ادهم وانا اقعد جمبها
اوس:روحي ريحي نفسك انتي امي انا قاعد جمبها عشان لو صحيت الدكتور بيقول علي الصبح هتبقي احسن
حياه:روح بس
اوس:مش هعرف انام روحي بس ريحي نفسك انتي
حياه:ماشي يا حبيبي الي يريحك
خرجت وهو فضل قاعد جبمها بيدعي انها تبقي بخير قام صلي الفجر وفضل يدعي ليها كتير ان ربنا يخفف عنها كل الوجع والجلسات تعدي علي خير
خلص صلاه ولقها قامت علي الحمام بسرعه
وقف جمبها لحد ما خلصت وحسها هتقع منه خدها ونيمها لحد ما طلع النهار  بدأت تفوق واحده واحده
اوس جري عليها بلهفه:اي اخبارك دلوقتي
ليل بتعب :تعبانه ومعدتي وجعاني
هتخدي بس العلاج وهتبقي كويسه
كلت وخدت العلاج وبدأت تتحسن شويه
اوس ب ارهاق :ها بقيتي احسن
ليل: الحمدلله الالم بقي يخف شويه اهو مالك
اوس:انا كويس
ليل: انت منمتش من امبارح صح
اوس:معرفتش انام
ليل:تعالي نام شويه وانا هنزل اقعد مع وعد
اوس:خليكي عشان الدوخه دي هتفضل معاكي شويه كدا
انا هخليها تجيلك تقعد معاكي وانام انا عند ادهم شويه
ليل:خلاص ماشي
كلم وعد وعهد وحياه وطلعوا يقعدوا معاها ويسلوها شويه
نزل ينام عند ادهم الفون بتاعه رن
اوس: ازيك يا مالك جيت في وقتك
مالك:انا قولت ارن انا عشان انت نستني يصحبي
اوس:لا مقدرش انساك بس اتشغلت في الشغل لحد ما البيه الي قافل الفون بتاعه يتفتح
مالك:ماشي يا عم اجيلكم امتي
اوس:فاضي امتي
مالك:اجيلكم بكرا بليل
اوس:مستعجل انت
مالك:لحد ما معتز يرجع ونعمل خطوبه
اوس: ماشي هستناك بكرا بليل بس كنت عايزك تجبلي تقرير عن واحد كدا من يوم ما اتولد من بطن امه
مالك:اسمه اي
اوس ؛عادل النصار
مالك:انت اي الي وصلك للراجل ده
اوس:ده الموضوع كبير بقي
مالك:الراجل ده اصلا شاغلين عليه الفتره دي
اوس:هستناك بكرا وتجبلي تقرير عنه وانا هقولك اي الي وصلني ليه
مالك:خلاص تمام مع السلامه
اوس:سلام
دخل الاوضه
اوس :اطلع برا واقفل الباب ومشوفش حد يخبط هنا خالص
ادهم:يا عم براحه انت في اوضتي اصلا انا كدا كدا خارج
اوس:شاطر واقفل الباب حط ايديه علي عينه عملت اي في المستشفى
ادهم:الاجهزه هتنزل علي بكرا بالكتير
اوس:ربنا يوفقك ابقي عرفني عشان اجي معاك واعمل حسابك فضي نفسك علي بكرا بليل مالك جاي هو ومامته عشان هيتقدم ل اختك
ادهم: بجد خلاص اشطا
اوس:اقفل النور
ادهم خرج وسابه ينام
*******
حياه:يلا يا بنات نسبها شويه ترتاح كفايه صدعتوا دماغها
ليل:بالعكس خليكوا قاعدين معايا
وعد:اصلا ليل مبتزهقش مننا
ليل:دي حقيقه
حياه:ارتاحي شويه يحببتي عشان انتي لسه تعبانه
ليل:حاضر
خرجوا وسبوها
قامت تدخل الحمام لان حست ان معدتها بدأت توجعها بصت للمرايه وشافت وشها وهو بقي شاحب وتحت عنيها اسود جدا وشكلها بقي مرهق جدا
حطت ايديها علي شعرها عشان ترجعه لورا لقته وقع كله بين ايديها
هنا مقدرتش تستحمل اكتر قعدت في الحمام وعيطتت كتير شافت مكان شعرها  الي وقع لقته بقي اقرع تخيلت نفسها وكل شويه بتسرحه بيقع مكان مقدرتش تستحمل تاني مقدرتش تبقي ضعيفه
ليل:مش هسيبك تضعف فيا زي ما حفظت عليك هتخلص منك مفيش حاجه اقوي مني
قامت ومسكت مكنه الحلاقه بتاعت اوس وبقت تشيله افتكرت وهي طفله لما مامتها كانت بتقصه وهي بتعيط افتكرت لما كانت بتضايق منه لانه طويل اوي عيطتت كتير ذكريات مأثره علي دماغها حلقته كله
بصت نفسها للمرايه وهي بتستجمع قوتها ومش قادره عنيها لسه بتنزل دموع
سمعت صوت اوس بينادي عليها
ليل:ايوه حاضر
حطت عليه الفوطه وخرجت
اوس:مالك انتي بتعيطي ليه انتي كويسه استني اتصل علي الدكتور
مسكت ايديه
ليل بدموع:انا هوريك حاجه بس بالله عليك ما تزعل مني ولا تصعبها عليا
اوس كان حاسس ان قلبه شويه وهيطلع من مكانه في اي يا ليل
ليل بتفك الفوطه
اوس............

*****
كدا البارت خلص قولولي رايكم طويل اهو وفي احداث كتير

#مجنونه ولكن احببتها
#ندى حسين