مجنونه ولكن احببتها

43

مالك:انت بتقول اي انا مش فاهم منك حاجه ألو ألو
ادهم فقد الوعي
الطريق واقف والناس كلمت الاسعاف والاسعاف جت بتحاول تطلعه من العربيه ويجروا بيه علي المستشفي
وعد بصوييت:يا ادهم .....انا عايزه اشوفه حرام عليكو انتو مين وعايزين مني انا اي انا عايزه اخويا اطمن عليه بس وخدوني تاني اخويا هيمووت لو فضل كدا ابوس ايديكو
مجهول:لو مقفلتيش بؤك هتحصليه اسكتي خالص
وعد صوتها بيعلي اكتر :اخويا يا ولاد***** بتحاول تفتح الشباك مبيتفتحش مسكت الشوز بتاعتها وفيها كعب بتحاول تكسر الازاز بالكعب صابر مسكها وعد بتحاول تفلت منه وادته بالجزمه في دماغه فتحت دماغه وبتحاول تفتح الباب وخنقت الراجل الي بيسوق افتح الباب
_اوعي ايدك العربيه هتتقلب
وعد:تتقلب كدا كدا مش فارقه افتح الباب بقولك
صابر حط ايديه علي دماغه وطلع المسدس وضرب رصاصه عدت من جمبها بالظبط
المره الجايه الرصاصه هتيجي فيكي ارجعي لورا انا الي غلطان اني مربطكيش والمفروض تخافي علي نفسك
وعد بتحاول تستجمع نفسها:انا مبخافش غير من الي خلقني
صابر ضرب رصاصه تانيه وعد صوتت :هنشوف بيقرب منها وهي بترجع لورا انت هتعمل اي ألحقوني يا نااااس
قرب منها وادها حقنه فقدت الوعي جاب الحبل وربط ايديها وغطي وشها
صابر:شد شويه خلينا نوصل قبل ما الموضوع يكبر أما نشوف اخرتها
******
أوس رجع من برا
حياه ؛ازيك يا أوس اخيرا شوفتك كل مره بتيجي تطلع علي فوق ومش بشوفك بتهرب مني يبني
أوس:ههرب ليه
حياه:مالك يحبيبي تعالي اقعد شويه احكيلي مالك مش يمكن ترتاح
اوس باس ايديها:انا كويس يا ست الكل متشليش هم
حياه:كويس اي يبني شكلك مش كويس خالص كأنك شايل جبل علي كتفك دقنك طولت وشكلك تعبان
أوس:صدقيني انا كويس متقلقيش المهم فين وعد وادهم
حياه:ادهم خد وعد وخرجوا
اوس:خرجوا من غير ما يكلموني وهما الاتنين بس مخدش عهد ليه
حياه:ما انت عارف عهد الفتره دي مبقتش بتخرج كتير
اوس:فيسبها انتي مش شايفها غريبه شويه
حياه: مش عارفه
اوس،هرن اشوفهم فين
بيرن مره اتنين محدش بيرد استغرب
بص لحياه باستغراب محدش فيهم بيرد خالص
حياه:ان شاء الله خير يمكن ادهم بيسوق ومشفش الفون هو هيرن دلوقتي
رن تاني محدش رد قعد جمب حياه وحاسس ان قلبه مقبوض
قعد يستناهم ساعه ونص محدش جه ولا رنوا عليه تيلفونه رن بأسم ادهم
اوس:انت فين يبني مبتردش كل ده ليه
-حضرتك ده تيلفون المريض عامل حادثه وهو عندنا في المستشفى دلوقتي وعايزين حد من اهله يجي
اوس:مستشفي اي
-*****
اوس مستناش يسمع المكالمه خد المفاتيح وخرج بسرعه علي المستشفي
وصل هناك سأل الاستقبال
في واحد هنا عامل حادثه وحد كلمني دلوقتي من هنا
_ثواني اشوفلك
ادهم الرفاعي
_ايوه
هو دلوقتي في العمليات في الدور التالت
اوس:عمليات هو اي الي حصل
-العربيه مقلوبه علي الطريق
-اوس بصدمه:مقلوبه ووعد
-معرفش يا فندم احنا لقينا المريض بس والشرطه فوق ممكن تسألهم
-طلع ولقي ناس واقفه وظباط واقفه
-الظابط:حضرتك اوس الرفاعي
-اوس مش قادر ينطق :ا ا يوه انا
-الظابط حكي ل اوس الي حصل هل انت شاكك في حد
-اوس:فين اختي وعد كانت معاه
-الظابط:لا هو ادهم بس الي كان في العربيه
-اوس:اختي خرجت معاه
-الظابط:طب ثواني نتاكد
كلم ظابط تاني من الي عند العربيه وبيرفعوا البصمات
الو كان في حد تاني مع الي عامل الحادثه
ايوه يا فندم شكل كان معاه بنت لان شنطتها بس الي هنا
اوس:قالك اي
الظابط:كان معاه فعلا
اوس:يعني اي اختي اتخطفت
مسك التيلفون ورن علي مالك :انت فين اختي اتخطفت يا مالك سامعني اختي اتخطفت
مالك:والله هجبها لو هي فين هجبها
اوس:انت لسه هتحلفلي انت فين انا جاي معاك قابلني بقولك
مالك:انا لسه بشوف تحركاتهم
اوس:اقفل وانا جايلك
اوس بيشوف الدكتور الي خارج من عند ادهم
المريض محتاج نقل دم بسرعه فقد دم كتير
اوس:فصيله دمه اي
الدكتور O
اوس قاعد يفتكر حد من البيت عندهم كشف قبل كدا وكانت فصلته O
مش قادر يفتكر كلم أسر
اسر:ايوه يا اوس
أوس:هي عهد فصيله دمها اي
أسر:O
اوس:هاتها وتعالي المستشفى بسرعه
أسر بخضه: مستشفى اي في اي
اوس:اخلص يا أسر ادهم في العمليات
أسر:حاضر بسرعه اهو
أسر كلم عهد وكانت بتصلي
أسر بيلبس ملك صحيت رايح فين يا أسر
اسر:رايح المستشفي بسرعه خدي افضلي رني علي عهد لحد ما ترد عقبال ما ألبس
ملك: حاضر طيب فهمني مين في المستشفي
أسر:ادهم في العمليات ومحتاج دم ضروري
عهد خلصت صلاه وبصت الفون
الو يا اسر
اسر خد الفون من ملك :الو يا عهد البسي بسرعه وانا جايلك
عهد:دلوقتي في اي
اسر:البسي بس وانا هفهمك بس بسرعه انا مسافه السكه
عهد:حاضر
قامت لبست بسرعه
اسر نزل وخد العربيه وسايق بسرعه ورن علي عهد عشان تنزله
حياه:رايحه فين يبنتي
أسر واقف برا قالي البسي بسرعه وانزلي انتي قاعده كدا ليه
حياه:اوس جاله تيلفون وخرج بسرعه ومفهمنيش في اي خديني معاكي يمكن اسر عارف انا قلبي مش مطمني
عهد:طب يلا بسرعه
حياه وعهد خرجوا
حياه:اوس فين يبني وفي اي
أسر:مفيش حاجه يا مرات عمي ادخلي جوا واوس هيجيلك دلوقتي اركبي يا عهد يلا
حياه:انتو رايحين فين انا قلبي مش مطمن وادهم ووعد مبيردوش خدني معاك رجلي علي رجلك
ركبت العربيه
عهد:في اي يا اسر خضتني بجد وادهم بجد
أسر:حط ايده علي وشه :يجماعه اهدوا الملخص ادهم في المستشفى وانا معرفش في اي
حياه خبطت ايديها علي صدرها:ابني وعد فين وعد كانت معاه
أسر:معرفش
عهد حطت ايديها علي بوقها تكتم صوتها:اطلع بسرعه يا أسر بسرعه
وصلوا المستشفي وطلعوا فوق الدكتور خد عهد
وحياه:جريت علي اوس :اي الي حصل يبني انا عايزه اخواتك يا اوس وعد فين رجعلي اخواتك يا اوس ادهم فين دلوقتي
اوس:ابوس ايديك اهدي ادهم كويس هينقلوا بس دم اصبري بس الدكتور يطلع
اوس خد اسر علي جمب:جبتها ليه يا اسر انت عارف امي مبتستحملش
اسر: والله ما خدتها لقتها طلعت لوحدها
اوس:خليك هنا وطمني اول بأول علي ادهم لحد ما اشوف وعد
اسر:هي فين
اوس:اتخطفت خليك هنا جمبهم وانا معاك علي التيلفون
اوس خرج جري من المستشفي وراح ل مالك علي القسم
اوس:ها وصلت ل فين
مالك:لسه
اوس:مالك مسكه من هدومه وفضل ي*ض*ر*ب فيه انا مش هرحمك قولي هنرجعها ازاي قولي اجبها منين دول الي بنحميهم
الظباط بتسلك بنهم
اهدي يا اوس بيه
اهدي اي اختي م*خ*ط*و*ف*ه ومعرفش عنها حاجه جاي تقولي اهدي دي الخطه الي ماشي عليها
قولي اجبها ازاي دلوقتي عايز وعد دلوقتي
وتيلفونه بيرن رماه علي جمب وبيزعق علي اخره
_رد علي التيلفون
سيه الزفت دلوقتي
_ ده رقم غريب يمكن هما
اوس رد
-اكيد طبعا كنت مستني مكلمتك واكيد دلوقتي انت عند حضرت الظابط
اوس:اختي لو شعره اتهزت منها هخلي رجالك تقرأ عليك الفاتحه
-لا اهدي علي نفسك كدا
-اوس:اخلص قول عايز اي
-الشحنه بتاعتي ترجع وتسهيلات عشان اخرج من البلد و50مليون دولار يجوا دلوقتي هكلمك تاني عشان اقولك علي المكان ولو رفضت هخلي اختك الرجاله تتعشي بيها وهخرج بردوا فكر كويس انت الي محتاجلي مش انا الي محتاجلك
مالك بيشاور ل اوس يطول معاه في الكلام عشا يراقب الفون قفل معاه زيد بسرعه عشان عارف انهم هيرقبوا
اوس قفل وحط ايده علي دماغه وافتكر السلسه الي ادها ل وعد وقف وراح ناحيه مالك
اوس:في سلسله في رقبه وعد انا حاطط فيها gps عايز مهندس كمبيوتر بسرعه
تابعوا السلسه وقدروا يوصلوا للمكان بالظبط مالك ظبطله موضوع الفلوس حط وسطها فلوس مزوره
وجهزوا الخطه وبدؤا يتحركوا
اوس رن علي أسر يطمن علي ادهم
أسر: الحمدلله خرج من اوضه العمليات لسه الدكتور هيطمنا اول ما يقولنا حاجه هكلمك
اوس:لا متكلمنيش انا هرن عليك
أسر؛تمام
اوس:سلام
**زيد كلم اوس تاني وقاله المكان الي هيتقابلوا فيه
اوس اتحرك ومالك والقوات الي معاه اتحركوا من طريق تاني عشان يوصلوا قبل اوس ويحاصروا المكان
اوس وصل واستني زيد يرن وكان حاطط سماعات في اكسسوار هو لابسها في ايديه
رجاله زيد وصلوا وخدوا اوس والشنطه عشان يروح المكان غمي عنيه ودقايق وكانوا وصلوا
مسكوا ونزلوا شال القماشه من علي عينه
زيد: اهلا اوس بيه الرفاعي اهلا
اوس:الشويتين بتوعك دول احتفظ بيهم لنفسك هات اختي يلا
زيد:لا مينفعش كدا السرعه دي اخرج برا البلد الاول وتاخد اختك معاك
اوس:انت طلبت الفلوس وخدتها هات اختي
زيد:هاتوله اخته من جوا ،مش لما نتاكد. من الفلوس الاول ولسه في كلام بنا كتير وحساب لسه مخدتوش
جابو وعد وكان شكلها مبهدل جدا ودماغها بتنزل دم والعياط مالي عينها
اوس شاف شكلها اتخض وقلبه وجعه جدا رايح ياخدها
زيد ارجع لورا
الي بيعد الفلوس راح ناحيه زيد وميل علي ودنه
وزيد ابتسم
مالك ادي الاشاره يتحركوا
زيد قولتلك متلعبش معايا وضربه طلقه في صدره
وعد بصويت:أووووووووس
مالك حاوط المكان وبدوأ ضرب النار وبيأدوا وعد وعد بتحاول تفلت منهم مالك راح ناحييتها وضرب الي ماسكه برصاصه انتي كويسه
وعد:اوس اوس اضرب بالنار
اخرجي برا وانا هجيبه
لا اطمن عليه الاول
مالك شاور لحد ياخدها يخرجها برا وشاورلهم ياخدوا اوس ينقلوا للعربيه بسرعه وجري ورا زيد الي بيهرب بالعربيه حاطط فيها الفلوس والبضاعه ومالك حاط فيها قنابل من تحت هتنفجر مع الي هيدورها العربيه انفجرت بيهههه
رجع تاني ل اوس ووعد والاسعاف جت وخدتهم تنقلتهم المستشفي
لموا كل المجرمين وخدوا چيچي وراح علي القسم سلم كل حاجه وجري علي المستشفي
مالك :ايوه يا معتز روح علي المستشفي دلوقتي عقبال ما اجي
معتز قام بخضه:في اي
مالك:بأهتصار :اوس مضروب بالنار في المستشفى
معتز اوس !!!!
خد مفاتيح عربيته وكمل لبسه في العربيه ونزل جري علي المستشفي
*****
ليل:ازاي يعني يرجعني باعتلي ورقه علي البيت يقولي انه ردني
سلوي: اهدي بس يبنتي
ليل:,اهدي اي هو يطلقني وقت ما هو يعوز ويرجعني بمزاجه مش فاهمه بجد فين الفون
سلوي:طول ما انتي عدتك مخلصتش انتي مراته
ليل،لا يا ماما مش بمزاجه الفون اهو
بترن عليه مبيردش رنت عليه كذا مره مبيردش رنت علي وعد وادهم محدش رد قلقت
ليل:محدش بيرد خالص انا قلقت
سلوي:ما اكيد محدش هيرد يبنتي الدنيا ليل خلاص
ليل:لا استني يا ماما بيسهروا طب انا هرن علي ماما حياه
سلوي:يبنتي انتي عارفه الساعه كام
ليل:اصبري هجرب
رنت مره اتنين محدش بيرد بردوا رنت تاني
ليل:الو ايوه يا ماما مال صوتك
حياه:ألحقيني يا ليل عيالي كلهم بيضيعوا مني عيالي كلهم في المستشفي اوس بين الحياه والموت اههههههههههه يولادي
الفون وقع منها ا و س لا لا ا و س كويس
سلوي جريت علي ليل اهدي في اي
اوس اوس يا ماما انا لازم اروح
سلوي :تروحي فين احنا حتي منعرفش هما في انهي مستشفي اصبري حتي نعرف
رنت علي أسر
أسر رد
ليل بعياط هيستيري: ابوس ايدك قولي اسم المستشفي بسرعه
أسر:طب اهدي ان شاء الله كله هيبقي خير مستشفي***"
سلوي مسكتها اصبري هصحي ابوكي هتنزلي فين دلوقتي الساعه اربعه الفجر يبنتي
ليل:لا يا ماما اوس يا ماما في المستشفي سيبيني اروحله
سلوي: اصبري بس هصحي محمد يوديكي ثواني روحي ألبسي
سلوي دخلت تصحي محمد وقام لبس بسرعه وليل خرجت من الاوضه وركبوا العربيه وطلعوا علي المستشفي
*****
اوس في العمليات بيخرجوا الرصاصه من جسمه وهو لا حول وله ولا قوه
الممريضه:المريض مستسلم اوي يا دكتورر
الدكتور:جدا وده مش هيبقي في صالحنا خالص هيحتاج نعمله صدمه كهربائيه
جهزوا الجهاز وشغالين بأنجاز لحد ما الجسم استوعب
****
الكل برا متوتر وادهم خرج من اوضه العمليات نقلوا اوضه عاديه
معتز:اوس فين يا أسر
أسر :لسه في العمليات
معتز:وقف دكتور اوس المريض الي جاي ده عامل اي
الدكتور :منعرفش حاجه لسه في العمليات ادعيله
معتز بعصبيه :متعرفش اي مش انت الدكتور انت دكتور ولا لا مسئول عن حالته اعمل كل الي عليك المهم يخرج سليم سامع ولا لا ماقولش معرفش
أسر بيحاول يبعد معتز عن الدكتور
الدكتور دخل اوضه العمليات
ليل وصلت المستشفي وعرفوا الدور وبيطلعوا لقت حياه قاعده علي الكرسي وماسكه قلبها وبتعيط علي اخرها وحاضنه ووعد واسر وعهد بتعيط علي اخرها وعد دماغه بتنزف وشكلها متبهدل جدا
ليل:اوس فين طمنوني عليه الدكتور فين وقالكوا اي
حياه:انتي لسه فاكره تسألي فينك كل ده هااا كنتي فين وهو لوحده في المصايب دي كلها جايه تسألي بعد اي
سلوي :اهدي بس يا ام اوس شكل في سوء تفاهم
حياه:انا مش عايزه افهم حاجه ابني لوحده وبنتي مخطوفه واخوه التاني لسه خارج وهي كانت فين كل ده
ليل مسكت ايديها :صدقيني غصب عني انتي مش فاهمه حاجه
حياه نزلت ايديها جامد:مش عايزه افهم
أسر اهدوا يجماعه احتا في مستشفي
الدكتور خرج
جريوا عليه ها يا دكتور طمنا
الدكتور: الحمدلله خرجنا الرصاصه وهيتتقل ل اوضه الرعايه لحد الصبح لان حالته لسه مش مستقره لان الرصاصه كانت قريبه من القلب بس ربنا ستر الحمدلله
ليل بعياط هيستيري: انا مينفعش اشوفه اشوفه بس
الدكتور:حضرتك مين
ليل: انا ليل مراته اشوفه بس
الدكتور:انتي بقي ليل مبيقولش غير اسمك اصلا انتي بالذات لازم تشوفيه لان ده هيحسن من صحته بس لما يتنقل ويعدي عليه ١٢ ساعه علي الاقل يكون فاق شويه دلوقتي مينفعش خالص بعد اذنكم
الدكتور سابهم واوس نقلوا اوضه تانيه ومالك اصر ان ياخد وعد الدكتور يشوف دماغها ويكشف عليها
وعد باين عليها الصدمه والخوف وكل شويه تفتكر اخوها وهو بيضرب بالنار قدامها وادهم الي العربيه اتقلبت بيه