مجنونه ولكن احببتها

40

أوس:حامل
أوس اتغيرت ملامحه للغضب والخوف
ليل بتقرب بحذر :في اي يا اوس انت مش فرحان
الكل مستغرب اوس
اوس :لا عادي فرحان
ليل حابسه الدموع في عنيها زعلت جدا انه مفرحش وحاولت تخبي ده وتعدي اليوم
حياه:في اي يا أوس
أوس:مالي يجدعان انا كويس اهو بس تعبان شويه محتاج ارتاح يلا يا ليل
ليل :يلا
ركبت العربيه والصمت سيد الموقف
وصلوا البيت
و اوس بيتهرب من اسئله ليل وعارف ان دماغها شغاله تفكير
ليل:ممكن اتكلم معاك
اوس:الصبح عشان تعبان وعايز انام
ليل بعصبيه:بس انا محتاجه اتكلم دلوقتي
اوس بصوت عالي:وانا قولت بكرا
دخل الاوضه وقفل الباب الي ساب وراه ميت سؤال
دخل الحمام غسل وشه وهنا انهارت حصونه مش هيحصل لا مش هيحصل حتي لو رسيت أنها تنزله
ليل فتحت الباب :وانا لو اخر يوم في عمري مش هنزله في اي لكل ده الي يشوفك وانت ديما بتقول نفسي يا ليل تجيبي عيال مني كتير ونربيهم سوي ميشوفكش دلوقتي عايزه افهم اي الي اتغير
اوس:كان كلام كان هزار لكن انا مش عايزك تخلفي
ليل واقفه مصدومه كلامه قاسي اوي كل شويه يكسر فيها
ليه انت مبتحبنيش كل ده كان تمثيل ليه يا اوس كل ده انا عملتلك اي قولي في اي حصل اي لكل ده اي الي اتغير انا عايزه افهم
اوس وعصبيته زادت مسكها من كتفها جامد:خايف عليكي انا صدقت ان تكوني كويسه وتخفي اجي اشيلك حمل تاني وتعب تاني عشان ابقي مبسوط ده اسمه انانيه انا مش عايز حاجه غير انك تكوني جمبي مش عايز اطفال خلاص المهم تكوني انتي معايا وكويسه
ليل انت بتوجعني اوي سبني
اوس لاحظ ان ضاغط علي كتفها جامد سبها اترمت في حضنه بس انا مش هتعب بالعكس هستحمل اي حاجه زي ما انت استحملت عشاني انا هبقي مبسوطه وانت مبسوط
اوس :وانا مش هبقي مبسوط وانا بشوفك بتتعبي اكتر
ليل:لا يا اوس هنجيب اطفال ونربيهم سوي ويدخلوا مدارس ويملوا علينا البيت الاطفال نعمه واتفائل كدا كل حاجه هتعدي تمام وانا قدامك اهو زي الفل متكسرش فرحتي اكتر من كدا وعيطتت في حضنه جامد
خد نفس طويل وضمها ليه وباس راسها :انا اسف يحببتي صدقيني كل ده من خوفي عليكي مش عايزك غير تكوني كويسه
ليل: انا كويسه بس والله زعلانه انك مفرحتش من اول مره كدا وانا عملاها مفاجاه حتي في احلي يوم المفروض الزوجين بيستنوا نكدت عليا الله يسامحك يا شيخ ده انت راجل مصري
اوس:خلاص طيب متعيطيش والله هعوضك ونعمل احتفال كبير
ليل مسحت دموعها :شيششش مش عايزه حاجه وسع كدا انا رايحه انام احضن مخدتي واطبطب علي ابني واقوله معلش ابوك نكدي يحبيبي
اوس:خلاص انا اسف بقي عديها يا ليلو والله علي قد ما فرحت علي اد ما خوفت انا عمري ما خوفت في حياتي غير لما قابلت الخوف اتزرع فيا
ليل:وانا مش زعلانه خلاص انا بهزر معاك بس بعد كدا عشان خاطري اي حاجه مضايقك فهمني مش لازم نفرج الكومبوند اوضه اوضه علينا
اوس:بكرا هاخدك واروح اطمن عليكي عن الدكتور عشان نشوف هنعمل اي هتاكلي اي محتاجه علاج اي كدا يعني
ليل:ان شاء الله انا رايحه انام بقي تصبح علي خير باسته من خده
يبنتي انا اخوكي بتبوسيني من خدي والله انا ما عارف انتي حامل ازاي جبناهم من علي البلوتوث دول ولا اي
ليل ضحكت بصوت عالي
اوس:بس كدا احنا اتصالحنا 😂
اوس خدها في حضنه وكان مبسوط جدا وفرحان بيها وناموا
***********
مالك في اجتماع ومركز جدا علي القضيه الجديده وقاعد يدرس فيها كويس جدا ويفكر في رسم خطته الجديده ويعرضها علي الفريق بتاعه وكل شويه يفتكر كلام القائد بتاعه *المره دي المهمه دي مركزه علي أوس الرفاعي وعليك انت كمان بعد ما عرف ان انت خطبت اخته بالذات الولد ده حريص اكتر من ابوه واذكي منه بمراحل ولازم أوس الرفاعي يبقي معانا في المهمه دي لان هيساعدنا كتير ولازم ننبهه عشان ياخد احتياطه زيد النصار بدأ يسن سكاكينه واحنا لازم نبدأ المهمه* جمع الفريق بتاعه وعرض عليهم الخطه وفهمهم اهم النقاط وهيبدأ ازاي ابن عادل النصار مش سهل ابداً ولحد دلوقتي مش عليه خدش بس ان شاء الله احنا ربنا معانا يا رجاله توكلنا علي الله
خلص اجتماعه وخرج صلي الفجر ومروح علي البيت بيفكر هيفاتح اوس في الموضوع ازاي هو عرف ان هيسافر بعد فرح ادهم فهيفتح معاه الموضوع بعد الفرح
دخل البيت ودماغه هتتفرتك من التفكير وصله رساله من وعد
اول ما شاف اسمها حس بالخوف اول مره يحس بالخوف علي حد كدا من ساعه ما بدأ شغله وهو مركز جدا لازم يبعدها الفتره دي لازم تاخد بالها من نفسها هو عمره ما حس بالخوف ولا شغله اتاثر عشان خاطر حد بس ميقدرش حاجه تمس وعد ابدا الا هي
كلمها واطمن عليها
مالك:منمتيش ليه لحد دلوقتي
وعد:معرفتش انام الا اما اطمن عليك
مالك:انا كويس نامي انتي وخلي بالك علي نفسك عقبال الفتره دي ما تعدي واي حاجه اقولهالك تسمعيها علي طول يا وعد من غير مناقشه
وعد:في حاجه يا مالك
مالك:مفيش حاجه بس انا بقولك
وعد:ماشي خلي بالك علي نفسك
مالك: حاضر تصبحي علي خير
وعد:وانت من اهله
مالك خد نفس عميق :عدي الفتره دي علي خير يارب
****
اوس خد ليل عند الدكتوره عشان يطمن عليها
الدكتوره:الحمل مستقر بس محتاجه ترتاحي اكتر ومتعمليش مجهود خالص ولازم تاكلي كويس عشان انتي جسمك ضعيف جدا وتمشي علي العلاج ده وان شاء الله بعد اسبوعين تجيلي ان شاء الله تقومي بالسلامه الف مبروك
خرجوا من عند الدكتوره:شايفه الدكتوره قالت اي يارب نسمع الراحه الراحه الراحه
ليل:مينفعش يا اوس في حاجات كتير في الشغل وفرح عهد وادهم
اوس:معنديش اغلي منك الشغل حد يمسكهولك وفرح ادهم ماله
ليل:علي فكره انا بعرف اخد بالي من نفسي كويس هنزل بس الشعل اليومين دول وهاخد اسبوع اجازه عشان الفرح هرتاح فيهم متخفش عليا
اوس:اسمعي الكلام يا ليل
ليل:سيبها علي الله
اوس :اما اشوف اخرتها بجد لو مهتمتيش بنفسك في كلام تاني
ليل:ان شاء الله خير اطلع يلا
****
عدي اسبوع الفرح بهدوء والكل مركز في شغله وبتحضيرات الفرح
يوم الفرح
الكل مبسوط وبيجهز نفسه عشان يلحقوا يلبسوا ويحضروا الزفه وطه وصالح وحياه في القاعه
وعد مع عهد وملك في الكوافير
اوس:يلا يا ليل هنتاخر
ليل:انا خلصت اهو هلبس الشوز
اوس قفلها الشوز ولبسها السلسه وكان شكلها رائع
ليل:شكلي حلو
اوس:طول عمرك جميله يلا بينا
مسك ايديها وركبوا العربيه
وادهم واسر ركبوا العربيه ورايحين يجيبوا البنات
ومالك خد عربيته عشان ياخد وعد
كلهم راحوا علي هناك وكل واحد خد حبيبته وكان شكلهم جميل جدا بالفستان
ادهم عيونه دمعت:شكلك حلو اوي يا عهد
عهد:بجد يا ادهم
ادهم:خايف احسدك خدها في حضنه
أسر: اخيرا شوفتك بالفستان
ملك:اخيرا يا حبيبي
خدها في حضنه
وعد:خلاص يا جماعه راعوا شعور السناجل بقي
كل واحد خد حبيبته في ايده وخرجوا وعد بدور بعنيها علي مالك
مالك شافها وكان مبهور بيها وبشكلها ديما مميزه وحلوه
راح عليها
وعد بأبتسامه:اي ريك
مالك:تحفه شكلك حلو اوي بس كام مره قولت بلاش الروچ الزفت الاحمر ده بيخليكي حلوه زياده
وعد ضحكت:علي فكره حرام كدا المفروض يقبضوا عليك وانت سارق قلبي كدا بشياكتك دي وانت حاطط المنديل نفس لون فستاني
مالك بضحك:عقبال فرحنا بقي
وعد:يارب ننجز تعالي نصور صوره بسرعه
اتصوروا سوي وهنا بيضحكوا ومالك بيضحك علي فرق الطول وهي لابسه كعب كدا ومش طايله خد منها الفون ومسكه هو
مالك: هاتي انا اصور عشان كدا عقبال ما نخلص تصوير يكون ضهري وجعني من كتر ما انا مميل كدا
خلصوا تصوير وركبوا سوي ومشيوا وري الزفه وصلوا الفرح وكان اجواءه ممتعه والكل اتبسط واكتر ناس العرسان مبسوطين خلاص اتجوزا
الفرح عدي علي خير والكل كان مبسوط وخلص الفرح وأيه تعبت معتز خدها علي المستشفي وولدت
اوس وليل راحو وراها والكل روح ومالك خد طه وصالح وحياه روحهم
صالح:عقبال فرحكم يا حبيبي
مالك:ربنا يسمع منك يا جدي
حياه:ان شاء الله يحبيبي ربنا يسعدك
حياه وصالح سندوا طه ودخلوا جوا ومالك ووعد وقفوا شويه يتكلموا مع بعض
****
ليل:حمدلله علي سلامتك يحيبتي الحمدلله ان احنا اطمنا عليكي
أيه: الحمدلله تعبتي نفسك ليه روحي تلاقي تعبانه من الفرح روحي ارتاحي انتي واوس معتز معايا اهو
أوس: مفيش تعب ولا حاجه اهم حاجه سلامتك
معتز:تسلم يصحبي والله عقبال ليل ما تقوم بالسلامه
أوس:يا عالم
معتز: متقلقش الوقت بيعدي هوا
اوس:هتسموها اي
أيه:ليل
ليل عيونها دمعت:حببتي ربنا يخليكي ليا يارب وتتربي في عزكم
معتز:يلا ياعم اي خدمه تجيبوا معتز الصغير بقي
أوس:انا اتجننت عشان يبقي عندي اتنين معتز
الكل ضحك واطمنوا عليهم وروحوا
***
ليل :انا مبسوطه اوي فرحت اوي ان سموها علي اسمي سكر مشاء الله علي طول أيه كانت بتقولي انها لما تخلف هتسمي ليل بس بقول بكرا هتتجوز وهتنسي انا بجد بحب أيه اوي
أوس:وهي طيبه جدا وبتحبك اكتر واحده بتخاف عليكي ربنا يفرحهم بيها يارب ويجعلها ذريه صالحه وعقبالك يا حبيتي تقومي بالسلامه
ليل:شعور الاطفال حلو اوي يا اوس انا شيلت البنوته حسيت ب احساس كدا مش عارفه اوصفه بجد
اوس:دول نعمه يحببتي
ليل : الحمدلله
وصلوا البيت
دخلت غيرت ولبست بيچامه مريحه وخدت علاجها ونامت
اوس افتكر ان عايز يقول ل ليل علي السفر لقها نامت خد دوش ونام كان يوم طويل جدا علي الكل
*****
تاني يوم كل واحد في شغله وليل خلصت شغلها وراحت تشوف أيه واطمنت عليها وراحت تشوف طه تطمن عليه كان باين عليه الارهاق جدا
ليل:ازيك يا عمو عامل اي
طه : الحمدلله احسن
ليل:مالك كدا مش عاجبني ولا عشان العرسان مشيوا زعلان
طه:ربنا يسعدهم ويرجعوا بالسلامه مكنتش هصدق لو حد قالي عيالك الاتنين هيتجوزوا يوم واحد علي اد ما انا فرحان علي اد ما انا حاسس بالوحده وهما مش معايا
ليل:ده لسه اول يوم خلاص متزعلش انا هجيلك كل يوم بس صحصح كدا شويه فين الممرضه انت ماخدتش علاج النهارده ولا اي
طه:مجتش النهارده وانا اصلا مبقتش مطمن عليها من ساعه ما اتغيرت
ليل يأستغراب:اتغيرت ازاي
طه؛من يومين كدا مشيت وجت واحده مكانها الي كانت بتابعني حصلها ظروف ف قالت ان دي هتكمل
ليل:ازاي واحنا محدش فينا يعرف وازاي تغيب كدا من دماغها طب وعلاجكك واكلك
ليل حست ان حالته بتسوء اكتر جابتله اكل وادته العلاج وكلمت اوس تشوفه قدامه اد اي يروحوا بيه المستشفي
ليل:الو يا اوس
اوس:ايوه يا ليل في حاجه ولا اي
ليل:لا مفيش اطمن بشوفك خلصت شغلك
اوس:ايوه وجاي اهو
ليل:طب تعالي علي البيت الكبير لان عمو طه تعبان شويه وبيقولي الممرضه اتغيرت وفي حاجه غلط
اوس:خلاص ماشي انا جاي
وصل علي البيت وكانت حالته بتسوء اكتر خدوا ودوا المستشفي الدكتور كشف عليه وخرج
الدكتور:للاسف لازم بتر لرجله
وقع الخير عليهم كالصاعقة مش عارفين يعملوا اي واولاده الاتنين مش موجودين والدكتور بيحذرهم ليزيد عليه التعب
صالح خد القرار : اعمل الاصلح ليه يا دكتور مش هنستني لما يجري حاجه اكتر من كدا
عملوا العمليه وقطعوا رجله
وكلهم مصدومين من الي حصل في يوم وليله واوس مصدوم مش مصدق واي الي وصله لكدا افتكر موضوع الممرضه واتكلم مع الدكتور وقال هيشوف الممرضه دي
دخلوا كلهم وقعدوا جمبه وليل ووعد مش قادرين يوقفوا دموع عليه وأوس خلاهم يقعدوا برا عشان الصوت
ليل:ربنا يشفيه يارب اتعذب اوي
أوس: الحمدلله الحمدلله علي كل حاجه كفايه يا ليل دموع احنا جاين نقف جمبه مش نعيط قدامه انا مش عارف عهد وأسر هيعملوا اي لما يعرفوا وهنقولهم اي
وعد مسحت دموعها:احنا مش هينفع نقول حاجه لما يرجعوا براحتهم بقي
اوس:ده اسلم حل لحد دلوقتي احنا اهم حاجه دلوقتي نقف جمبه ربنا يعدي الايام دي علي خير
خرجوا كلهم من الاوضه عشان يرتاح والدكتور قالهم مش هيفوق غير الصبح
أوس:انا شايف انكو تروحوا وانا هقعد معاه لحد ما يفوق الصبح كفايه يجدي كدا عشان انت تعبت النهارده
السواق برا هيوصلكوا لحد البيت
ليل:انا هقعد معاك
اوس:ملهاش لازمه القاعده :روحي ارتاحي وانا هفضل جمبه هنا والصبح تعالي يلا عشان جدو وماما خلي بالك علي نفسك وخدي العلاج وباتي مع وعد النهارده هطمن عليكي هناك اكتر
ليل:حاضر يلا يا وعد
السواق خدهم عشان يوصلهم واوس دخل الاوضه قعد جمب عمه ومش قادر يستوعب ازاي كل ده حصل في لحظه وامتي الممرضه اتغيرت وللدرجه دي كان تعبان ومقلش دماغه هتنفجر من كتر التفكير
دخل الدكتور يشوف طه ويكشف عليه
أوس: حضرتك شوفت الممرضه الي قولتلك عليها
الدكتور:ايوه هي واحده بس وفعلا خدت اجازه ومفيش ممرضين تاني
اوس بدأ يتعصب ومش قادر يستوعب كل ده خد الدكتور برا
اوس،ازاي يعني بقولك الممرضه اتغيرت واحده تانيه الي جت وقالت ان انتو الي بعتوها هاتلي رقم الممرضه الي خدت اجازه دي وازاي تاخد اجازه من غير موافقتي ازاي الاهمال ده قولي مين هيحاسب علي الي حصل ده انا مش هسكت وهطربق المستشفي كلها فوق دماغك سامعني الممرضه تجيلي دلوقتي عشان اقسم بربي ما هقعدكوا ساعه هنا تاني والحاله الي وصل ليها عمي هتتحاسبوا عليها كلكوا انا قولت كلمتي اقل من ساعه تكون قدامي الممرضه وانا هاخد اجراء قانوني
الدكتور:اهدء يا استاذ اوس وكل ده هيتحل
اوس:انا خلصت كلامي انا جوا قاعد جمبه وانا هشوف الممرضه هتيجي دلوقتي ولا لا
دخل الاوضه وكان في قمه عصبيته من الي حصل ودماغه هتتفرتك من التفكير اكيد في حد ورا القصه دي رن علي مالك وحسن حظه كان صاحي
اوس: فاضي
مالك:كنت هجيلك الصبح
اوس:مش فاضي دلوقتي
مالك:لسه هروح من الشغل
اوس :طب تعالي علي المستشفى عايزك
مالك:ماشي جايلك مسافه السكه
عدي نص ساعه وكان مالك وصل سأل علي الاوضه الي فيها اوس ودخله
اوس خده وخرج برا الاوضه عشان يعرف يتكلم
مالك:اي الي حصل
اوس:مش عارف هو كان ماشي علي العلاج وكان كويس جدا جه قبل الفرح كنت مشغول في التجهيزات والافراح قعدت يومين مروحش هناك وجه الفرح وبعدين النهارده لقيت الي حصل ده ولما ليل اتكلمت مع عمي قالها الممرضه اتبدلت وبقت تغير في العلاج وبتقوله ان ده العلاج الصح يعني يا مالك في ممرضه تانيه دخلت بيتي وبدلتله العلاج في يومين احنا مشغولين فيهم انت واخد بالك في حاجه زي دي
مالك:واخد بالي طب دي دخلت ازاي ولا اتغيرت ازاي
أوس:مش عارف انا عايز اجيب الممرضه الاولي دي من تحت الأرض
مالك:هجبهالك مش المستشفى معها بيانتها
أوس:ايوه
مالك:انا هجبهالك بس المهم دلوقتي تخليك جمبه لحد الصبح محدش يدخل ولا يخرج غيرك لان الحوار كدا مبقاش امان لحد ما انزل ظباط يقفوا علي باب الاوضه ميتحركوش لحد ما نشوف الموضوع هيوصل لفين
أوس:انت عارف حاجه
مالك:ايوه وعايز افتح معاك الموضوع اقعد
مالك حكاله الملخص الي ينفع يتقال لان القضيه بردوا ليها اسرار وخطط تانيه مينفعش حد يعرفها غيرهم
أوس:وهو بقي راجع بقلب اوي مش مكفيه الي حصل في أبوه خلاص تمام ماشي هو الي بدأ نفس النهايه هياخدها زيه زي ابوه
مالك:مش بالسهوله دي يا اوس زيد غير ابوه تماما لحد دلوقتي مثبتوش عليه أي حاجه فلازم ناخد حذرنا كويس جدا واول حاجه انك تبعد ليل خالص
أوس:انت بتقول اي يا مالك هو اي الي ابعد ليل مراتي حامل ابعدها اوديها فين واسيبها لمين في وقت زي ده وانا بعد ما ابعدها تيجي بعدها تقولي ابعد اختك وسفر عمك وخبي جدك وامك ومتخليش ولاد عمك يظهروا صح نقعد احنا نستخبي منه صح كدا انا لو مش هعرف احمي بيتي ومراتي واختي مش هعيش لحظه
مالك:ممكن نتكلم براحه الي عمك وصله ده زيد ليه يد كبيره فيه ان الممرضه تتغير في ثانيه وفي ثواني يغير العلاج ويخلي حالته تسوء كل ده واحنا مش واخدين بالنا يبقي فعلا لازم نركز ونحكم عقلنا شويه
أوس بعصبيه:منا براحه اهو يا مالك انت الي بتقول كلام مش معقول
مالك:افهم الي عايز اقوله الفكره ان مراتك دلوقتي بتشتغل في مصنعها ومشاء الله كل يوم بتكبر وده هيسهل عليه يوصلها لازم تبعد ليل خالص هو مخطط لكل حاجه افهمني انت لازم تطلق ليل
أوس اتعصب جامد وعينه احمرت مسك في قميص مالك:انت كدا اتجننت رسمي وكلمه كمان اقسم بالله هنسي ان بينا اي حاجه خالص وليل متجبش سيرتها علي لسانك تاني امشي يا مالك من وشي دلوقتي امشي
مالك حاول يتملك في اعصابه ومشي
أوس مسك دماغه ومش قادر يستوعب كل ده وطلاق اي دي ليل روحه يطلقها ازاي ويبعدها ازاي وكل ده عشان اي بص علي عمه وسكت