مجنونه ولكن احببتها

44

المصور :واحد اتنين تلاته
وعد بتلف
ينهارك مش هيعدي !!
مالك:في اي
وعد بزعيق:اي الي انت لبسه ده
مالك:وطى صوتك اي لابس بدله رقص
وعد:لا لابس بدله الشغل
مالك:انتي بزعقي عشان كدا
وعد:جاي تتجوزني ببدله الشغل فين البدله الي اخترنها سوي
مالك:اي ريك اتفاجئتي صح
وعد بزعيق:ملبستهاش ليه
مالك:قولتلك صوتك ميعلهاش ويلا بينا
وعد:يلا فين انا مش همشي من هنا ولا هتحرك غير لما تغير
مالك:انتي مجنونه ولا اي مش هغير حاجه
وعد:ده فرحي انا ومش هيبوظ يا مالك
مالك:وانا معزوم يعني ولا اي انا العريس اصلا
وعد:شوفت بقي اديك قولت عريس في عريس بيلبس بدله الظابط في فرحه
مالك:كل الظباط صحابي بيعملوا كدا
وعد:بس انا مش عاوزاك كدا
مالك:مش بمزاجك وبعدين قولتلك يلا عشان الناس مستنيه تحت
وعد:مش نازله يلا بقي هي كدا كدا باظت
مالك:اخلصي يا وعد الناس بتتفرج علينا
وعد:انت بتجز علي سنانك كدا هخاف يعني ولا اي مش نازله قولت غير يلا
مالك : مش نازله يعني ومش هتعدي اليوم
وعد:وانت معدتهوش ليه وغيرت لازم تبوظ فرحتي يعني
مالك: ابوظ اي يعني كل ده عشان لبست الي انا بحبه وعايزه
وعد: ما انت بتلبسه علي طول
مالك:التاني لبس شغل دي بدله فرح عادي
وعد:ولو برضو
مالك:مش هتعديها يعني
وعد ربعت ايديها وودت وشها الناحيه التانيه :لا
مالك: انتي الي جبتيها لنفسك
مالك شالها وهي مسكت فيه جامد من الخضه نزلني كدا هتمشي كلامك يعني ولا اي
مالك اسكتي بقي
نزلنيييييييي بقولك 
حطها في الاسانسير وداس علي الزرار ونزلوا :هنشوف كلام مين فينا الي هيمشي
وعد :مش مسمحاك
مالك:يلا وصلنا
وعد:مش خارجه وعايزه اوس دلوقتي
مالك:ده انتي حبتيها بقي عايزه تتشالي كل شويه بقي
وعد؛مش مسمحاك بجد يا مالك لازم تبوظ فرحتي كدا بجد
****
ليل:اوس تعالي اقولك حاجه
اوس خدها علي جمب في اي
ليل:تعالي نروح ناحيه وعد وبراحه عشان شكلهم بيتخانقوا
اوس بص ناحيتهم وراح هو وليل
اوس:في اي صوتكم عالي ليه الناس مستنياكو برا
وعد:تعالي يا اوس انا عايزه امشي
اوس :تمشي فين انتي مجنونه انتي صغيره ولا اي ومش عارفه كميه الناس الي برا دي وزاره الداخليه كلها برا
وعد بصت ل مالك
مالك ودي وشه الناحيه التانيه
وعد بعصبيه:انت عازم وزاره الداخليه كلها برا
مالك:ما تشوف اختك يا عم اوس
اوس:هتتكلمي براحه ولا في اي برضو عشان ابقي فاهم
وعد خدت نفس عميق:ماشي شايف مالك لابس اي
اوس:اي يعني اه قصدك علي البدله واي يعني مش العريس يلبس براحته وكدا كدا كان هيغيرها في نص الفرح
مالك بصله جامد:اوبس اسف يصحبي بحسبك قولتلها
وعد:يعني انت حا*ر*ق دمي كل ده وانت اصلا هتغيرها ولبستها ليه من الاول يعني نتصور ازاي دلوقتي
ليل:خلاص بقي يا وعد ويلا عشان الناس برا بتبص عليكوا مستنينكوا من بدري والمأذون اتحنط برا
مالك:مسك ايديها وغمزلها يلا بقي نهارك ابيض
وعد ضحكت علي شكله وليل نغزتها عدي اليوم قلبك ابيض بيحبك وبيحب يهزر معاكي ويلا عشان اوس مضيقش
وعد مسكت ايديه يلا يا اخره صبري بس برضو هغيرها
مالك:هقلعها خالص متشليش همها
وعد ضحكت جامد وحطت ايديها في ايده وخرجوا وليل زغرطتت تلقائي واوس ضحك عليها يلا تعالي
المأذون كان قاعد مستنيهم مالك خد وعد تقعد جمبه اوس مسكها :لا هتقعد جمبي انا لحد ما نكتب كتب الكتاب
_ياعم انا هبقي جوزها
اديك قولت هبقي اول ما تبقي هديهالك علي طول
يارب صبرني علي العيله دي بجد
الكل بيضحك عليهم
اوس حط ايده في ايد مالك وبدأ كتب الكتاب
  وعد كانت بتعيط افتكرت بابها وحياه حضنتها وبتعيط اوس عينه دمعت الشيخ بدأ يدعيلهم بالحياه السعيده والذريه الصالحه
كلكوا قولوا ورايا بارك الله لكما وبارك عليهما وجمع بينهما في خير سحب المنديل ألف مبروك
اوس قام حضن اخته جامد وعيطتت كتير واوس كان بيهديها ادعيله بالرحمه انا موجود اهو مش عجبك ألف مبروك يحياتي باس راسها وادهم حضنها وعيطوا سوى الف مبروك الف مليون مبروك خدت حياه في حضنها ربنا يكرمك في حياتك الجديده ياروح قلبي وتتهني ديما ياروحي
راحت لجدها باس راسها وهي باست ايديه ربنا يخليك لينا ويبارك في عمرك يا جدو
مالك:يجماعه وسعوا بقي انا كمان عايز احضن اوس نغزه في صدره  بقت مراتي خلاص وسع كدا
الكل ضحك عليه وراح ناحيتها وغمزلها مبروك يوعدي حضنها وشالها اخيراااا مش مصدق بجد
الله يبارك فيك يحبيبي
باس ايديها وخدها
بدؤا يتصورا وكل شويه مالك ينكش وعد وهي تضحك وكانت صورهم تحفه كلها فرحه وحب بينهم
دخلوا القاعه ووعد مصدومه من كميه الظباط الي في القاعه
ميلت علي مالك :انتو هتخدوني علي القسم بعد الفرح صح قولي
مالك:اه هفسحك في القناطر
ضربته في كتفه ودخلوا القاعه والكل رحب بيهم الفرح مليان فرحه وبهجه وكلوا فرحان عشانهم ومبسوطين جدا
خلصوا الفرح وبيسلموا عليهم عشان هيركبوا الطياره ويسافروا وليل بتعيط واوس خدها في حضنه
اوس :كفايه يا ليل مش عارف اسكت ولا اسكت ماما
ليل:هتوحشني اوي ربنا يفرحها يارب
اوس:ما هتزعل لو شافتك كدا
ليل مسحت دموعها وسلموا عليهم ودخلوا يركبوا الطياره  والكل رجع علي البيت
حياه:سيبي سيف يبات معايا النهارده يا ليل اهو يسليني بدل ما البيت فاضي عليا كدا
ليل:من عنيا بس خايفه يتعب حضرتك
اوس :متخافيش هو بيحب يقعد معاها ويسكت
ليل:حاضر كل حاجته اهي لو تعبك كلميني ونيجي ناخده
حياه: ما حاجته موجوده هنا كمان متقلقيش خدته وصالح كان مبسوط بيه جدا وشالوا ودخلوا البيت واوس خد ليل ومشيوا
ليل:احنا مش هنروح ده مش طريق البيت
اوس:اومال انا سايب سيف معاهم ليه
ليل بصدمه:انت الي مخطط كل ده يعني
اوس بضحك:ايوه عشان استفرد بيكي
ليل ضحكت جامد :عمرك ما هتغير
اوس:بالظبط طول منا بحبك
ليل سندت علي كتفه وهنروح فين
اوس: مفاجاه عشان تفصلي شويه
ليل:ربنا يخليك ليا يارب
*****
اوس حاجز يخت ومظبط كل حاجه فيه وصلوا المكان
وليل انبهرت بالمكان جدا واتبسطتت دخلوا اليخت واوس ماسك ايديها وبيوريها الاوضه دخلت الاوضه لقت فستان رقيق جدا
اوس:ده جبتهولك ألبسيه براحتك وانا هستناكي وقفل الباب
ليل عجبها الفستان ولبسته وخرجت
اوس شافها وقف ومبتسم :اي ده اي ده  حلو اوي هاين عليا اخبيكي في عنيا بس محدش يشوفك غيري
ليل:انت بجد عوض ربنا عن حاجات كتير انا بحبك يا اوس بحبك اوي عمرك ما استغني عنك ابدا بتوحشني في كل وقت والوقت الي بتغيب عني فيه بفتكر كل حاجه ما بينا  حلوه هي الي بتقويني لحد ما اشوفك تاني
اوس: احنا بعد الكلمتين دول هنلغي الفقرات الي مستنيانه دي وتعالي اقولك حاجه وشالها ونزلوا قولي واحده بحبك كدا تاني
ليل ضحكت جامد
اللهم صلي علي النبي
*******
وعد:انا متحمسه ألف البلد كلها بجد حته حته
مالك:هنشوفها كلها بس نوصل الفندق الاول
وعد:ياريت والله ده انا رجلي باظت من الشوز بجد تعبت
مالك:قعدت اقولك كفايه تنطيط وبسم الله مشاء الله ناقص تمشي علي الحيطه
وعد:بتتريق عليا احسن ما اكون لابسه بدله ظابط الحمدلله مجبتش الكلبشات معاك تلبسهالي غويشه بالمره
مالك:المره الجايه
وعد:نينيننيني
مالك: بجد رجلك وجعاكي
وعد بتعب :جدا
مالك طيب اقفي استني امسكي دول كدا ونزل شالها
وعد اتخضت :مالك انت بتعمل اي نزلني الناس هتتفرج علينا
مالك:يبنتي هو حد يعرفنا اصلا وبعدين محدش ليه دعوه واحد شايل مراته اهدي بقي
وعد:انت كدا هتتعب
مالك:لا امسكي كويس بس وبعدين انا مش تعبان انا اشتكيت قربنا نوصل خلاص وبعدين انا مبسوط جدا
وعد مسكت في رقبته :بجد انا مش مصدقه ان احنا اتجوزنا ومسافرين كمان سوي انا وانت بس وانت شايلني وماشين في بلد انا وانت بس انا بجد مبسوطه اوي يارب ديما سوي
مالك:ما تخلي الكلام ده لما نوصل عشان انا مش هستحمل اكتر من كدا 
وعد:ياربي علي قله الادب
مالك:انا بحبها
وصلنا يلا شغل الاسانسير وطلعوا اوضتهم مالك نزلها وهي راحت علي السرير رقدت اهههههه مش قادره  تصبح علي خير
مالك:ايوه منا كمان هنام تعالي اقولك بقي
*******"
صباح يوم جديد
ليل :اوس لازم نرجع النهارده
اوس :انتي مش مبسوطه ولا اي
ليل :بالعكس مبسوطه جدا بس سيف هتلاقيه تعب طنط دلوقتي ووحشني اوي
اوس:تعبها ده هتلاقيه مبسوط جدا ده معاه جدي تلاقيه مش فاكرنا اصلا خلي بالك بتحبي سيف اكتر مني
ليل :انت بتغير من ابنك !
اوس:لا مش بغير عادي انا بقولك ..لا انا بغير حتي واحنا قاعدين مستمتعين بتفكري فيه
ليل بضحك: حبيبي ما ده طبيعي ابننا
اوس: انا بحبه اكيد يعني بس بقولك يعني مبقتيش تهتمي بيا
ليل بتضحك جامد ؛انا اسفه اني قصرت بجد بس هخلي بالي والله
اوس: ببتريقي
ليل:اصل انت مش شايف نفسك وانت بتتكلم بجد شبه سيف اوي
اوس:اهو شوفتي
ليل مسكت بطنها من الضحك:مش قادره
اوس:كلي يا ليل عشان نمشي
ليل قامت قعدت علي رجله:حبيبي بجد اسفه لو قصرت معاك انا عارفه اني بعدت الفتره الي فاتت وانت ديما مش ناسيني وديما معايا اوعدك هخلي بالك وباسته من خده وقامت
اوس:جميل اوي الصلح ده تثبيت انا كل يوم اتقمص
ليل ضحكت وكملوا أكل
تعالي بقي اقولك علي حاجه ومسك ايديها
ليل: اي في اي
تعالي بس متخافيش مسك ايديها
هتعمل اي مبعرفش اعوم
هعلمك يلا
خدها ونطوا من المركب وليل صوتت واوس مسكها جامد ورفعها من المايه
وهي لسه بتصرخ هغرق هغرق وربنا هغرق يختاي
اوس كل ده مسكها وبيضحك عليها
ليل بتستوعب ان اوس مسكها ورفعها من المايه
-انت بتضحك عليا انا هغرق قولتلك مبعرفش اعوم
-حببتي انا مسكك بقالك ساعه وانتي لسه بتقولي هغرق
-منا مبعرفش اعوم
-منا هعلمك اهو يلا سيبي نفسك خالص انا مسكك
-بدأت ترخي جسمها ومسكت جامد في رقبه أوس
-كدا انا الي ه ت خ ن ق واحده واحده
-انا خايفه بجد ل سمكه قرش تاكلنا
-قرش وهنا لا متخافيش امان
-يلا بقي مسكها وواحده واحده بدأت تندمج وتتعلم واوس كل شويه يضحك علي تصرفتها ليل اندمجت وبدأت تعوم مره وتمسك في اوس مره اوس بيغطس ويطلع
-اوس :اي ده
-ليل برعب في اي
-اوس:في حاجه بتتحرك تحتنا
-ليل:في اي
-اوس؛دي حاجه جايه علينا ولا اي  حاسبي حاسبي اطلعي علي المركب
-ليل:عاااااا فين دي ومسكت في اوس جامد
-اوس:اجري يا ليل
ليل:لا لا يلا وبتصوت بصوت عالي واتعلقت وبتزعق عشان اوس يعوم ويطلع علي المركب
وطلعوا واوس مش قادره يبطل ضحك
ليل:انت بتهزر كل ده بجد بتهزر وانا مرعوبه  يعني كل ده هزار
اوس مش قادر يتكلم من الضحك
ليل:ده انت رخم بجد وليل زقته في المايه
طلع المركب وبيضحك علي شكلها وهي متعصبه انتي قفوشه اوي بجد
ليل:لا مش قفوشه بس كنت لسه بتعلم العوم ولسه باخد ثقه وألقي مره واحده ألحقي في حاجه حولينا
أوس:الفكره انك صدقتي
ليل: نينيننيني
أوس:خلاص بقي قلبك ابيض وشالها وباسها من خدها وخدها تغير عشان يمشوا
رجعوا خدوا سيف ورجعوا علي البيت واوس قعد يلعب مع سيف اد اي كان وحشه اوي وليل دخلت تظبط اللبس وتاخد دوش
********
عدى شهر
كل واحد بدأ يرجع لحياته الطبيعه ومالك ووعد بيقضوا احلي وقت في حياتهم سوي بيفصلوا عن العالم
وليل ركزت ان اغلبيه شغلها يبقي من البيت عشان تركز مع سيف اكتر وتنزل الشركه وتحافظ عليها وبدأت تحضر لصفقه كبيره هتفرق في شركتها
اوس :يلا يا ليل مش هتنامي
ليل:حاضر خلاص هخلص اهو
اوس:وريني كدا
ليل:انا عندي اجتماع بكرا بدري ومهم اوي ومش عارفه اعمل اي
اوس:روحي طبعا تبع الصفقه بتاعتك الجديدة
ليل: ايوه
اوس:لا لازم تروحي ده شغل يا ليل
ليل:بس سيف
اوس:روحي وانا كدا كدا معنديش شغل بكرا غير قليل هعمله من هنا روحي وانا هخلي بالي منه بس المهم ركزي في الاجتماع لازم تاخدي الصفقه دي منه دي مهمه جدا وهضيف كتير في شغلك بعد كدا
ليل:ان شاء الله متقلقش
اوس:طب يلا عشان نلحق ننام قبل ما سيف بيههه يصحي
ليل:عندك حق يلا انا من ساعه ما خلفت سيف وانا بقي صوتي واطي
اوس:دي احسن حاجه بجد سيف عملها
ليل علت صوتها:يعني انا صوتي كان عالي ومزعجه
اوس:لو جدعه عالي صوتك تاني
ليل اتكلمت بصوت عالي سيف صحي
اوس:يلا حببتي عايزه حاجه تصبحي علي خير
ليل:اوس اوس طب اسفه انا عيل صغير مش انت كنت support ليا من شويه كمل جميلك بقي
اوس:عشان تتعلمي كل ما تعلي صوتك ده هيحصل باي بيبي
ليل شالت سيف وبتسكته وخدته في حضنها وبتحاول تنيمه ونامت هي وهو
***
اوس بيصحيها الصبح بدري وشال سيف ونيمه في سريره
يلا يا ليل اصحي هتتاخري
ليل ؛حاضر
قامت اطمنت علي سيف
اوس:يلا روحي حضرتلك لبسك والفطار تحت هحطه عقبال ما تلبسي يلا عشان ناكل سوي
ليل:انا يدوب ألبس عشان امشي
اوس: خلصي بس مش هفطر لوحدي مستنيكي
ليل خدت دوش ولبست الطقم الي اختاره اوس وجهزت ورقها وخدت اللاب ونزلت
اوس:شكلك حلو اوس ومتألق
ليل:بجد حاسه نفسي بهتانه
اوس:لا زي القمر متقوليش كدا خليكي واثقه من نفسك انتي دخلتي مجال البيزنس يعني وحوش
ليل:ديما نتعلم منك يا بوص
اوس:طب يلا ألحقي كلي
ليل:هتاخر
اوس:يلا يا ليل
ليل قعدت تاكل بسرعه وخدت ساندوتش ومشيت تسلم ايدك
اوس:خلي بالك من نفسك وانا هتابعك بالفون
ليل:حاضر
اوس:ربنا معاكي سمع صوت سيف من اولها كدا احسن بردوا عشان تسليني طلع يجيبه وحضرله الببرونه بتاعته وقعد يلعب معاه
***
عند ليل وصلت الاجتماع وعرضتت فكرتها واتناقشوا فيها وكانت بتتكلم في منتهي الثقه وبثبات جدا زي ما اوس دربها وبيعلمها ديما
والكل كان معجب بأفكارها وفازت فعلا بالصفقه وجه وقت مضي العقود
ليل بتمضي بتقرأ الورق ولحظت حاجه
ليل:اي ده
الكل بصلها :في اي
ليل:سفر سفر اي
-هنسافر دبي الشغل هنجيبه وهيتعمل هناك مع الشركه الي في دبي ما ده الفرع بتاعنا
ليل:بس محدش قال قبل كدا بموضوع السفر
_الكولكشن ده هيتعمل وهيتعرض هناك وبعدين ينزل مصر هو ده البند الي يفوز بالصفقه هياخده
ليل:بس انا مقدرش اسافر انا ملتزمه بحاجات هنا
_ده كلها شهر
شهر!!!!
علي حسب سرعتكم لو خلصتوا قبل كدا تنزلوا
ليل:انا مش هقدر اسفه
-ممكن متتسرعيش الصفقه دي مهمه ليكي وهنديكي اسبوع فكري فيهم واحنا بنديكي المهله دي لان شغلك عجبنا فعلا وده هيفديك واكيد انتي عارفه حاجه زي كدا استاذن
والاجتماع خلص وليل مش قادره تبطل تفكير تيلفونها بيرن كتير وهي مش سامعه من كتر هي مش مركزه
اخيرا خدت بالها من الفون
ايوه يا اوس
:في اي مش بتردي كل ده ليه انتي كويسه
لما اجي هحكيلك
انتي كويسه يعني
اه
ماشي مستنيكي
خدت حاجتها وروحت علي البيت ودماغها مش مبطله تفكير
دخلت البيت ولقت اوس مستنيها حطت حاجتها وخدت سيف باسته ثواني وهحضر الاكل ناكل سوي
-لا تعالي احنا كلنا واكلك جوا تعالي اسخنه واحكيلي عملتي اي
-ليل شايله سيف :حكلته الموضوع كله وادوني وقت افكر وانا مش هوافق
-انا عارف ان دي اول خطوه في شغلك كبيره وعارف برضو انك بتفكري لسه تفكيرك العادي مش بتفكري تفكير بزنس وشركتك وانك لازم تشتغلي علي نفسك كويس
- عايزني افكر ازاي يا اوس انا ام وعندي طفل دلوقتي ومسئول مني عايزني اسيبه المده دي كلها عشان فرصه بكرا تيجي احسن منها
- طب انا همشي معاكي علي نفس التفكير تيجي احسن منها هتعملي اي هترفضي برضو لان عندك نفس المبدا ابنننا زي الفل وكلنا حواليه وانتي ام عظيمه وعمرك ما قصرتي ف بلاش كل القلق ده ليل عايزك تفهمي حاجه ده ابننا احنا الاتنين يعني مش مسئول منك انتي بس وانتي ليكي كارير وحياتك لسه بتبدأ فلازم تكملي الطريق الي مشيتي فيه خدها في حضنه وباس راسها انتي ديما موجوده وعمرك ما قصرتي ودي حاجه انا بأكدهالك ممكن تهدي بقي يلا عشان تاكلي
-حضنته جامد واتاكدت فعلا انها محتاجه الحضن ده محتاجه تطمن وعارفه ان أوس اكتر واحد بيفهما وبيحاول ديما يشاركها كل حاجه
-هطلع اغير وانزل
-كلي الاول الاكل هيبرد تاني
-قعدتت كلت واوس فضل يلعب مع سيف
-خلصي عشان محضرلك مفاجاه
-قول اي حاجه تفتح النفس كدا
-ماشي يا ستي وعد كلمتني وبتسأل عليكي
-بجد !!دي وحشتني اوي اخيرا فتحت تيلفونها
-مالك بيهه كان عملها حظر لما يرجع بس انا قولت متتجوزهوش حسستوني اني الاخ الظالم
-حرام عليكي يا اوس ده مشاء الله روحه فيها عرسان وبيتبسطوا ربنا يخليهم لبعض
-يارب ان شاء الله خلصي بقي عشان اخليكي تكلميها وتوريني الشغل بتاعك وتردي علي الناس ب انك موافقه عشان نظبط كل حاجه مش عايزين نديهم فرصه يتلككوا بأى حاجه
-دول ناس كويسه يا أوس
-هقولك تاني كل واحد في عالم البيزنس ده بيهتم بمصلحته اولا حتي لو انتي اشطر واحده في العالم وهتعطلي شغلي يبقي لا عادي هجيب غيرك فهماني
-فاهمه خير ان شاء الله حاضر
-خلصت وقامت خدت دوش وغيرت واوس نيم سيف وقعدوا مع بعض يكلموا وعد واطمنوا عليها وكانت مبسوطه جدا وده فرحهم وعرفوا انها هتنزل اخر الاسبوع  وخلصوا وليل عرضت علي اوس بعض الافكار وكان مركز معاها اوي لحد ما ليل تعبت وعايزه تنام
-نامت علي كتف اوس واوس طلعها فوق تنام
***
ادهم:يعني اي هتسافري
عهد:براحه يا ادهم نتكلم براحه
ادهم:منا براحه اهو عهد انتي حامل ومش بتاخدي بالك علي نفسك وانتي هنا ما بالك بقي وانتي مسافره
عهد:دي فرصه كبيره يا ادهم وبعدين انا لسه في الاول يعني انت مش شايفني هولد الصبح وليل بجد لازم اكون جمبها مش هينفع تسافر لوحدها هتشتغل ازاي اومال لو انا مكان ليل يا ادهم هتعمل اي
ادهم:كل واحد حر يا عهد هي ادري بمصلحتها تحلها هي واوس انا مليش دعوه
عهد راحت قعدت جمبه ومسكت ايديه:والله هوعدك هاخد بالي علي نفسي مش انت ديما بتشجعني عشان الشغل واهو جت فرصه كبير عشان خاطري يا ادهم بقي
ادهم :خد نفس خلاص يا عهد سيبني دلوقتي وهرد عليكي بكرا
عهد غمزتله:هتوافق صح
ادهم ضحك علي شكلها:من هنا لبكره ربنا يحلها يلا ننام
عهد :ماشي
ادهم:قولتيلي فرصه كبيره
عهد؛جدا جدا
*********
ليل:قالك يعني هيرد عليكي النهارده
عهد:ايوه
ليل:,خلاص خير
عهد:انتي مش جايه النهارده
ليل:لا في حاجات هخلصها من هنا واهو اشبع من سيف انا مش عارفه هسيبه ازاي بس
عهد: اوس وطنط ومامتك وكله موجود هياخد باله منه
ليل:ولو انا امه الي ربنا عايزه هيكون المهم لما ادهم يقولك هتعملي اي قوليلي عشان نرد علي الناس
عهد:تمام
ليل بتحاول تفضي دماغها من موضوع السفر بدأت تكتب في النوتس بتاعتها وتطلع كل افكارها وسيف مش سايبها كل شويه يشد القلم منها وتضحك معاه وقعدت تلعب معاه واكلته ونام وهي كملت شغلها لحد ما خلصته بانجاز حضرت الاكل ل اوس وقعدت تستناه
******
ادهم رجع من الشغل وطلع بسرعه بغير استغل عهد مشغوله في عمايل الاكل وعهد خلصت مستنياه حطيتله ياكل وعملتله عصير وكل شويه تسأله عايز حاجه وتقوله انها خدت الدوا ومجهدتش نفسها في الشغل وادهم بيكتم ضحكته عشان ميضحكش : شاطره يحببتي ربنا يخليكي ليا تسلم ايدك الاكل تحفه عايزه حاجه انا هطلع انام
عهد:تنام!
ادهم:اي عايزه حاجه
عهد:انت مش ناسي حاجه
أدهم: لا اي
عهد:ادهم متهزرش
ادهم: في اي تصبحي علي خير
عهد مسكت ايده :انت مردتش عليا في موضوع السفر
ادهم:لسه مفكرتش
عهد:ده بجد هو انت بجد مش مهتم لموضوعي للدرجه دي خلاص يا ادهم مش عايزه حاجه انا طالعه
ادهم : طب استني
عهد طلعت الاوضه وقفلت الباب لقت بوكيه ورد علي السرير وجواب مكتوب فيه تروحي وترجعي بألف سلامه
عهد فرحت اوي وبتلف لقت ادهم في وشها
ادهم :قولتلك استني
عهد حضنته ربنا يخليك ليا يارب ،ادهم رفعها عشان تبقي في مستواها عايزك تكسري الدنيا
عهد:ان شاء الله كدا ننزل نحلي بقي عملالك مولتن كيك تحفه
ادهم ضحك علي شكلها وهي متحمسه :والله انتي الي تحفه