اوس :يا ليل اومال راحت فين
جه خارج من الاوضه سمع خبط علي باب الحمام اتحرك ناحيته وبيحاول يفتحه مش راضي
اوس'ليل انتي كويسه
ليل مش عارفه تتكلم او تنطق بس بتخبط علي الباب
اوس بيزق في الباب عشان يتفتح مش عارف
خرج من الأوضه جري وب اعلي صوت ادهم هاتي اي حاجه اكسر بيها الباب بسرعه
الكل اتخض من الصوت
ادهم طلع ليه وبيكسر الباب واخير اتفتح خرجوا برا ماعدا وعد وحياه وعهد اوس واقف مصدوم من شكلها وهي علي الارض وشفايفها زرقاء وجسمها كله بقي ازرق وبتحاول تاخد نفسها
حياه ب اعلي صوت اتصل علي الإسعاف بسرعه يا اوس
اوس فاق من الصدمه واتصل علي الاسعاف
وهما لبسوها
والاسعاف نقلتها علي المستشفي وبدؤا يعملوا اللازم
كله مستني برا وقلقان عليها
اوس جري علي الدكتور :ها
الدكتور: الحمدلله انك لحقتها هي الظاهر كميه البخار كان زياده اوي وهي عندها ضيق تتفس كويس انك لحقتها في الوقت المناسب الا لقدر الله مكناش عرفنا نعمل حاجه احنا دلوقتي عملنا اللازم بس هي محتاجه ترتاح وحطنها علي جهاز التنفس هكتبلك علي علاج لجسمها
اوس:يعني هي احسن دلوقتي هي لسه عامله عمليه كبيره
الدكتور: اه خدت بالي هجبلها دكتور جراحه دلوقتي يشوفها وهنسبها شويه لما تفوق
وعد بدموع وقعدت جمب اوس
وعد: الحمدلله يا اوس الحمدلله
حياه بتعيط وادهم بيحاول يهديها : خلاص يا امي الله يكرمك كفايه عياط
حياه:حببتي حتي معرفتش تتطلع صوتها تنادي علينا نلحقها
ادهم: الحمدلله انها بخير دلوقتي ان شاء الله تفوق وتبقي كويسه
اوس مسح دموع وعد: متعيطيش هي قويه جدا وهتفوق عدينا ب اصعب من كدا ادعيلها
وعدي الوقت وجه الليل عليهم
اوس:خد امي البيت وروحوا
ادهم؛مينفعش نسيبك لوحدك
اوس:روحهم القاعده ملهاش لازمه ابقوا تعالوا الصبح تكون فاقت وأمك تعبت من كتر العياط
اوس راح لحياه'،يلا يا امي عشان تروحي ترتاحي وتعالي الصبح
حياه مسكت وش اوس ب ايديها:حبيبي انا كويسه متخافش خلينا جمبك
اوس:انا كويس الحمدلله روحي ارتاحي وتعالي تاني عشان كدا هتتعبي خدها يا ادهم وروحوا يلا
خدهم ادهم وروحوا وهو دخل يقعد جمبها
بدأت تفوق وشالت جهاز التنفس من عليها
ومش قادره تحرك جسمها
اوس اتحرك نحيتها وعدلها خليكي زي ما انتي الف سلامه عليكي كنت هموت من القلق عليكي
ليل بهمس: مش قادره اتحرك
اوس:براحه بس عشان جسمك فيه كدمات ارتاحي وهتاخدي العلاج وهنحط المرهم وهتبقي بخير ان شاء الله
ليل بتحاول تحرك شفيفها عشان تعرف تتكلم:انا اسفه
اوس:اسفه؟!!!!! علي اي
ليل وعيونها فيها دموع:انا تعباك معايا اوي هتفضل تشيلني لحد امتي
اوس:لاخر نفس فيا هفضل جمبك واشيلك طول عمري
حطت وشها الناحيه التانيه وعيطتت
اوس راح جمبها واخدها في حضنه
بتتهربي مني ليه متبعديش وشك عن عيني ولما تحبي تبعديه ابقي حطيه في حضني انا وعيطي براحتك اوعي تفكري ل لحظه اني همل منك انا هفضل جمبك ديما ومش عايز منك حاجه غير انك تخفي وتبقي مبسوطه وكويسه
حطت وشها في حضنه ومسحت دموعها وغمضت عينيها ترتاح
ناموا لحد الصبح
دخلت عليهم الممرضه
استاذ اوس
اوس فاق :ايوه
الممرضه:الدكتور جاي دلوقتي عشان يشوف المدام
اوس:تمام
خرجت الممرضه وبدأ يتعدل ويصحي ليل
اوس:ليل فوقي عشان الدكتور جاي
ليل بدأت تفوق واوس عدلها
الدكتور دخل
الدكتور:عامله اي دلوقتي يا مدام
اوس:بتشتكي ان جسمها تعبها
الدكتور:ده من الكدمات بس ان شاء الله اما تاخد المراهم مع الراحه هتبقي احسن
الدكتور:لا عال اوي النهارده احسن بكتير
اوس:هي ممكن تخرج النهارده
الدكتور:ايوه عادي بس اهم حاجه الراحه هي مش هتحتاج جهاز التنفس تاني محتاجه ترتاح مع المرهم الي هكتبهولك
اوس: تمام
الدكتور خرج
اوس: افرحي يا ستي اهو هنخرج
ليل سندت راسها بأريحيه
كفايه نوم عشان متكسليش يلا عشان تاكلي
شاورت ليه بمعني لا
اوس:لا ازاي لازم تاكلي ل اما مش هنخرج
الممرضه جابت الاكل زي ما اوس قالها عليه
خد الاكل وقعد ياكل فيها وسط اعتراضتها خلصت الاكل اوس: الحمدلله كدا حلو اوي بالهنا يارب
ليل بهمس:شكرا
اوس:انتي من ساعه ما تعبتي بقيتي في اسفه وشكر كتير انا عايز ليل ترجع القويه العنيده لكن ليل دي مش عجباني
ليل ابتسمت وسكتت قطع كلامهم دخول العيله
حياه دخلت جريت علي ليل
عامله اي دلوقتي يا حبيبتي وباست راسها
ليل بتحرك راسها بمعني احسن
حياه: الحمدلله
اوس :لا ده الظاهر طلعتوا بتحبوا ليل اكتر مني بقي
وعد؛دي حقيقه بقي😂
ادهم: لا احنا بنحب ليل عشان انت الي جبتها
اوس:اتعلموا التثبيت بيبقي عامل ازاي
الكل ضحك والدكتور جه وكتب ليهم علي خروج وروحوا علي البيت
اوس :خد يا ادهم هات العلاج ده
ادهم :حاضر
اوس طلعها عشان ترتاح
صالح: حمدالله علي سلامتك يبنتي
اوس:الله يسلمك يجدي يارب
صالح؛شدي حيلك بقي انتي من ساعه ما اتجوزتي الواد ده وصحتك مبقتش عجباني
خفي كدا وانا اخلعك منه وانا اتجوزك عشان عارف مش هيطلق قولتلك من الاول انتي من نصيبي مصدقتيش
ليل ميته من الضحك علي شكل اوس
اوس:مخلاص يا جدي صلي على النبي كدا سيبنا نطلع نرتاح
صالح:اسكت انت خليني اطمن عليها
اوس:انت كدا من بطمن عليها انت بطمن على مستقبلك
الكل بيضحك عليهم
وقضوا وقت لطيف مع بعض
وسندها اوس عشان تطلع ترتاح
اوس:اضحكي اضحكي انا اصلا شاكك في جدي ده من ساعه الخطوبه
ليل مش قادره تبطل ضحك
تعالي يلا ارتاحي هنا براحه واحده واحده خبط ادهم
اوس اخد منه المرهم ومشي
قعد جمبها يحط ليها المرهم لحد ما نامت
اتنهد
الحمدلله يارب عدت علي خير
قطع تفكيره رن معتز
اوس خرج برا
ايوه يا معتز
معتز:اي يا اوس مجتوش ليه
اوس:معرفناش نيجي النهارده عشان ليل تعبت
معتز:لا حول ولا قوه الا بالله حصل اي
اوس حكي ليه الي حصل
معتز:يا الله الحمد لله انها جت لحد كدا
اوس: الحمد لله يومين تخف بس وهنيجي
معتز: ماشي يصحبي طمني عليك
اوس:حاضر سلام
*****
عند وعد
مالك:اخبارك اي
وعد: الحمدلله كل حاجه بقي تمام
مالك: الحمدلله انها بقت كويسه
وعد:اه والله يا مالك وقعت قلبنا حببتي كانت تعبانه اوي وحتي مش عارفه تتكلم او تنادي علي حد فينا
مالك؛الحمدلله ربنا كتبلها عمر جديد كفايه عياط يا وعد من امبارح بتعيطي يا حببتي
وعد:كانت صعبانه عليا اوي وخضه اوس وجعتني اوي
ثانيه بس انت قولت اي
مالك :قولت اي
وعد:قولت ي أي
مالك:انتي ليكي في النحننه
وعد:اوي ده عشان انت عندك جفاف في المشاعر
مالك:قولت يحببتي ولما اقابل اوس واتقدم هقول حاجات كتير
وعد:امممم
مالك:اه وبعدين
وعد:ولا قبلين هروح انام عشان فرهدت
مالك:ماشي تصبحي علي خير
وعد:انت روحت ولا لسه
مالك:لسه شويه
وعد:ربنا معاك خلي بالك علي نفسك
مالك:بتخافي عليا
وعد بضحك:لا .... سلام
مالك:اهربي براحتك هتروحي مني فين
قفلت وضحكت ونامت
*****
عهد:اسر
اسر:تعالي يا عهد
عهد:انت مش ملاحظ ان بابا مختفي بقاله كام يوم
اسر:معرفش فين
عهد: وانا حاولت ارن عليه الفون مغلق
أسر:مش عارف ربنا يسترها
عهد :انا خايفه ليكون جراله حاجه
أسر:ان شاء الله هيبقي كويس هو هتلاقيه مشغول في الشغل او في اي حاجه
عهد:يارب يكون كويس
أسر:ربنا يهديه ويريح قلبنا بدل ما هو عامل معانا كدا بجد
عهد:يارب
*******
عدي اليوم علي الكل
يوم جديد
ليل قامت براحه عشان اوس ميحسش بيها ولكن فشلت
فضل واخدها في حضنه
خليكي متتحركيش كتيىر
ليل بتشاور ليه عايز تقوم
اوس :لسه بدري نامي شويه انتي تعبانه
ليل بهمس انها احسن
اوس:لا خليكي في حضني كدا انا مبسوط
ليل ضحكت وقامت
وهو قام وراها شلها خلها تغسل وشها ورجعها تاني
ليل بتشاور بمعني انها كويسه
اوس:لا لسه مش كويسه وخليكي كدا عشان تخفي براحه انا مش مستعجل
ليل بتضحك وبتحاول تقول إن عندنا افراح
اوس:لا عادي يأجلوا معنديش اهم من سلامتك
تعالي يلا عشان احطلك المرهم عشان انا حبيت الموضوع اوي
ليل اتكسفت ووشها قلب احمر
اوس :هو ده المطلوب
بدأ يحطلها المرهم علي جسمها وهي مكسوفه جدا لحد ما خلص وباسها من خدها بالشفا يحبيتي
قامت عشان تصلي واوس خد دش ونزل يجيب ليها الاكل
اوس :فين يا امي الاكل
حياه:مش هتفطروا معانا
اوس:هنفطر فوق احسن بدل كل شويه تنزل وتطلع ترتاح شويه
حياه:ماشي حبيبي
خد الاكل وطلع لقها خلصت صلاه وقعدوا كلوا
اوس:بالهنا يحببتي
ليل بهمس :هنسافر امتي
اوس: لما تبقي كويسه
ليل بتشاور ليه:انها احسن
اوس:انتي لسه تعبانه
ليل باعتراض أنها احسن
اوس:لو كدا نسافر بالطياره عشان متتعبيش من العربيه
ليل بتشاور بمعني نسافر بليل
اوس: حااضر
ليل سقفت بحماس
قامت خدت الاكل عشان تنزل
اوس :خليكي
ليل بهمس انها كويسه وعايزه تنزل تقعد تحت
اوس:يلا طيب
نزلو وقضوا اليوم سوي ما بين خناقات ادهم ووعد وعهد قاعده سرحانه في اختفاء بابها وصالح الي بيناقر في اوس
أنت تقرأ
مجنونه ولكن احببتها
Fantasyمجنونه مشاغبه ولكنها في الحقيقه أكثر من ذالك بكثير وحين تضيق الدنيا لم تعرف ما بداخلها ف أنها كتومه جدا ولكنه صعيدي ولكن من سيتحمل الثاني ويبقي الاقوي
