على ز*

فرج؟

يحس بش يتحرك عند رقبته مسبب لحه حكه مستفزه...
يحسب أنه شعر ريان الي نايم بحضنه...لكن الحكه زادت وقام يحس بشي لين ودافي عند رقبته...
فتح عيونه وطالع ريان الي نايم بحضنه حط يده عند رقبته يبي يشوف الشي الي باقي يتحرك...

:يممممممممممه
نط من على السرير مخلي ريان يشهق ويفز يطالعه... يحك رقبته بقرف...
:...ريان رياااان بتنام عندي ! فارك ذا مستثنى من الموضوع ...الشي ذا ماينام معنا أفهممم
(يتأفف ويدور في الزنزانه بضياع يحك رقبته متقرف من فار ريان...
عند ريان الي كان يحاول يستوعب الي يصير...
:...وش سوا لك عضك؟
يرد بصياح معصب و متقرف :...لا لاااا ماعضني (يتشنج من القرف)جا هنااا...(يأشر على رقبته)
طل نمر براسه يرد عليه من فوق وشعره منكوش :...معاليه يا بندر أنا بنظف رقبتك ...(يغمز له)
:...الله يلعنك أنت الثاني ...لك وجهه على ذا الصباح عااه؟

دق الجرس... تزامنًا مع فتح الحراس لأبواب الزنازن...
طلع بندر عالطول مسرع للحمام...يبي يغسل رقبته ...
عند بندر ...الي رجع ينسدح وهو يناظر بضحك بفاره الي توه يجي من أخر الزنزانه...بعد ما طار بسبب نطت بندر...
نزل يده يساعد فاره ...حطه قدام وجهه تقدم الفار وحشر نفسه برقبة ريان كنه يشكي له وريان الي نزل ذقنه ...
يدفي فاره ويعطيه حضن بسيط...
:...وشفيهم عليك يا فرفوري وش مشكلتهم معك...
:...مشكلتنا معه أنه مقرف(يرد نمر بتثاوب)
:...مو مقرف أخر مره ...اممم...روشته بصابون...!
:...أيه ...مافيها مرات يا ريان هي مره وحده الي روشته فيها...

عقد ريان حواجبه كلام نمر صحيح ...أخذ فاره الساكن برقبته ورفعه قدام عيونه ...فروه الأبيض نظيف بس يدينه الورديه...!
:...اممم ممكن يدينك السغنطوطه بس...(يقصد أنها الي مو نظيفة... يكمل)بس يبيلك ترويش
صدق...! بالعصر مو الحين ...

:...يله قومو رحت وجيت ونتو باقي؟...انت قوم وخذ فارك وابعد عن سريري...
كان هذا بندر الي توه جا من الحمام و الي ريحته كانت صابون...
يضحك نمر:...عههههه لهدرجة متقرف منه هه شكلك خلصت صابون الحمام...
يرد بندر وهو يناظر بريان الي يناظره يحزن:
لا يا روح ماما مو متقرف بس...بس...أيه! بس أنا أتحسس عند رقبتي مو بس من الحيوانات من كل
شي...
يرد نمر بخبث:...حتى أنا تتحسس مني؟
:...أنت كل زق
:...أح شكل ريان أعداك
تكلم ريان بتكبر:...لا ما أعديته فيه فرق هو قال(كل زق)أنا أقول (على زق)...!
رد نمر وهو يطلع من الزنزانه:...اوك حقك علينا المره الجايه بنحط حقوقك وش تبي بعد؟...
بندر وهو يطلع فرشة ومعجون ريان ويحطها بيده ويدفه جهت نمر  :...أمسك ياريان يله يله روح مع بابا...!
:...تعال يا بابا نفرش أسنانك ونرجعك لماما...
قلب ريان عيونه على الأبتذال الي يشوفه منهم في ذا الصباح...

رجعو من الحمام...
نزلو الساحة تحت...
في الممر حس نمر بريان يتمسك بيده ويشدها دقق على نظرات ريان الي مركزه بمكان معين
رفع راسه يشوف من أيش ريان قلقان وشاف عدُي وعصابته الي نظراته موجهه لريان...خبث أبتسامته ماطمنت نمر ...شد نمر على يد ريان
:...ريان ! لا تبعد عنا هاه
هز ريان راسه مؤيد وبقوه كلام نمر...
بندر وهو يبتعد عنهم :...روحو أجلسو بغّرف لنا وأجي...
:...زيد بطاطس مهروسه هاه!(يقول ريان بصياح)
:...أيه أغّرف في الصحن كثير  عشان ولدنا...
ضحك بندر:شفت! قلت لك بتعجبك...