على ز*

قربت

...

شرايك ي حلو تتابعني و تصوت...!

............

(سترك خالقي!)

...............

يمسك يده بمرح يسحبه وهو يأشر على غرفة بابها ازرق

:...تعال بوريك الغرفة الي اعالج فيها الناس التعبانه ...متحمس صح؟

يرد ببرود طفولي...: لا!

يفتح الباب يدخل وهو يرحب بأوس

:...هلا بأوس الشاطر بعيادتييي تعال هاتك بشيلك...

يقرب منه يشيله مجلسه فوق الطاوله

يجلس هو بدوره على الكرسي المتحرك حقه...

يقرب منه يعرض اداوته عليه يشرح له بفخر

:...شوف هاذي السماعه الي اسمع فيها صوت قلوب الناس

ما يعطونها الا الدكتور الشاطر مثلي!

يرد اوس بتردد:...بس إنت ممرض!

يقهقه بتوتر يصرفه...:هههه عادي كلها نفس الشي تبي اسمع قلبك؟

أوما اوس وبدوره فارس سحب ملابسه كاشف عن بطنه بس اوس غطى نفسه بقوه يصيح بغضب

:...هيه شنو بتسوي بعد لأصكك طراق الحين ي الأثول !

يرفع فارس يدينه بندهاش يشرح له بلطف

:...حبيبي اوس لا تخاف شف ما اقدر اسمع صوت قلبك من فوق ملابسك...

طيب؟... اسمع خلاص بس بدخل السماعه من تحت مارح اشوف اتفقنا؟

يتنهد بملل يهز راسه بمعنى طيب

يصيح بفرح بس يعبس يمثل الاندهاش

...: الله صوت قلبك كيوت مثلك! مشاءالله صوته سليم ...بس لحظه اسمع شي!

يركز اوس معه يقول بقلق...: شنو؟

:...اممم يقولي انك تحبني كثير !

يرد بستنكار...: موب على كيفه!!

يقهقه فارس...: افاا ليش ماتحبني؟

:...توني مجابل رقعة ويهك و تبيني احبك علطول !

يقرب منه يقول من بين ضحكاته

يمسك بطاقته التعريفيه المعلقة بدبوس يوضحها لأوس

يأشر على صورته

:...طيب شوف هذا انا...هاذي البطاقة لازم اذا جيت ادخل المستشفى تكون معي!