على ز*

حرق

"إن المحب لمن يحب مطيع!"

الساعه ٤ و بعد العصر...

يرجع ريان البيت شايل فاره داخل و الأبتسامه بوجهه عكس غيث الي شايل أغراض كثيره و العبوس مالي وجهه...

يلتفت له ريان
...: أمش الخدم جو دقيت عليهم بياخذونها منك ...
وبيطلعون الباقي من السياره  ...و خل العبوس عنك!

يقلب غيث عيونه
:... بياخذونها مني بعد ما كرفتني و كسرت ظهري
( يقلد كلام ريان بسخريه) و ما انن بخلي العبوس عني!!

يتجاهله ريان متقدم حاط فاره ع الطاوله و ملتفت للخدم الي داخلين شايلين أغراض كثيره
بدا يقفز ريان بحماس لسهره...

...: وربي متحمس يا غيث متحمس!

بتسليك للاولى و بتحذير لثانيه...: أيه أيه كلنا...أسمع لا تنسى بحث الدكتور سوه!

...: لحووول إلا ينكد علي !

...: ما نكدت خايف على درجاتك توها زانت!

يقرب ريان من فاره يعطيه بسكوته
...: إلا نكدت صح ي فرفوري؟

ينط فاره نطات متتاليه يوم سمع اسمه من ريان وهو ماسك البسكوت بيدينه الصغيره ...

نزل جمر الي شعره مبعثر بعشوائية و أثار النوم بوجهه
ينادي ريان بخوف يوم مالقاه بجنبه...
...: ريااان وينك؟؟ وينك؟؟

تعم لحظة صمت!

يطالعه جمر ويقول بتأتأه
...: ر...ريان ...ب بكلمك!

و بسرعه صرف ريان نفسه مع الخدم يرتب الأكل معهم على الطاوله كنه م يسمعه

وقف جمر بنص الصاله الوسيعه يطالع بستغراب للي يصير...
حس غيث بتوتر الجو...و بالحظه المناسبه دق جواله
...: ريان ااا فهد يدق برد عليه هاه!؟

أومأ ريان له وهو يسوي نفسه منشغل...

يقرب جمر واقف وراه يطالع بالخدم و الأكل و المكان الي صاير مزين بزينة الحفلات
:... وش قاع يصير؟

مارد عليه ريان...بالأصح سفهه...

يلتفت يقول للخادم...: جيب الورق عنب و حطه بثلاجه لو سمحت!

يرفع جمر حاجبه يوم لاحظ أن الخدم نصهم ذكور و جنسياتهم عربيه...
يسأل للمره الثانيه...: وش ذا... حفلة مين ذي؟

...: حفلة خطبتك!
يهمس فيها ريان بغيظ

مايسمع جمر و يكرر
:... قلت شي؟ ما سمعت ترا

يقول ريان ببرود و استغصار وهو يضيق عيونه...
...:انت كيف كذا تجي تكلمني عادي كنك مو كاسر لي راسي؟

...: اول شي قلت بكلمك عن الي صار امس ونت الي طنشني ثاني شي انا الحين م اكلمك انا أسألك!

يقول ريان ببرود
...: بندر و نمر بيطلعون بنسوي سمره و حفله صغيره عشانهم