على ز*

كركبه

^^^ آمنت بك ...لكن يبدو انه حان الوقت لأكفر بك...^^^

يركض ورا جمر بوهن...هو نفسه حتى مايدري ليه خايف كذا...
يدخلون المستشفى...استقبلهم سعد و بجنبه يزن واقف بشموخ...

فتح الباب لريان الي كان بيدخل بس التفت لجمر الي  مسكه من كتوفه ...
يطالع بعيونه ويقول بهدوء ...
:...ريان هد ي يقلبي ...اسمع بتدخل الحين هاه! ...
اعرف ان الي بتقوله سواء كان شي زين او العكس! ...مارح تخليه يأثر فيك خلاص ي قلبي انت قوي

يهز ريان راسه بالع ريقه ودموعه عالقه بعيونه...

دخل وشافها متمدده على السرير ترجف بشكل يخوف وبين كل فتره وفتره تشهق بقوه...
تمتم ريان بخوف:...ذي ...صدق ...ت تحتضر؟

قرب واقف عند راسها
التفت له ...ملامحها تخوف...مزرقه ووجها شاحب ابيض ...شفايفها زرقا...عيونها حمرا

تكلم برجفه يوم شافها تناظر فيه بصمت...:و ...وش سويتي بنفسك؟

ابتسمت و شهقت ...تكلمت... :
ادري مالي وجهه افكر اني افكر حتى بكلمة اسف لكن انتهى كل شي
(شهقت بقوه مع رجفه)... قرب مني! لازم تعرف حقيقتك قبل لا اموت

عقد ريان حواجبه مقرب لها...:وش قصدك ب حقيقتي؟

تكلمت برجفه تحتضر!...:بتكلم ولا تقاطعني ابداً ...

تنهدت وكملت...
:تطمن انت مو ولد مشاري ...
...لا تقاطعني قلت!

تكلمت يوم شافته يبي يقاطعها و  علامات الصدمه بوجهه...

:...انت منت ولد مشاري و لا ابراهيم ...بالأصح منت ولدي...زورت كل شي...خليتهم يتوهمون
ان الي ببطني ولد!...كنت حامل ببنت!...من مشاري طبعاً
ب بيوم ولادتي ...اتفقت مع ممرضه كنت قد دفعت لها على انها تدبر لي رضيع يكون ولد!
(شهقت )... اخذتك موهمه ابوك وعمك انك الي كان ببطني...
م مشاري الغبي...ههه باقي يحسبك ولده مايدري عن بنته...
بب بنت!...الجنين الي كان ببطني بنت !...هههه ما كنت اتوقع اني بيوم بندم على الي سويته...
خليت الممرضه تتصرف فيها بعد مارضعتها بسبت انها كانت ترفض اي مصدر للحليب ...
وبعدها اخذتها الفلبينيه...تصرفت فيها مدري وين حطتها ...
اخذتك ممثله عليهم انك ولدي!

برجفه تكمل ...:رياا~ان ما كنت اتوقع بيوم بقول الكلام ذا لك ...لكنك عزيز وغالي في قلبي...
بس أنانيتي و طمعي بفلوس ابوك كانت اقوى من مشاعري تجاهك...اول طفل اتعامل معاه انت
رضعتك من حليبي كنت ضعيف حيل...ادري ...ادري!
قصرت بحقك كثير ظلمتك! عذبتك ...اذيتك...دخلتك هنا ...والاهم اني اجرمت ببنتي...اختك!

ريان برجفه قايم مبتعد عن سريرها...:ماهي اختي! ماهي اختي ...مافي اي صله انتي ووجهك!

تشهق مرات متتاليه ...:إلا اختك يا ريان...!
ادري مافي رابطه محكمه تجمعكم لكن هي اختك رضعتو مني كلكم!