على ز*

حانت!

"نتمنا الموت نحبه ! بل نريده بشدة وإذا حدث وأتانا نخاف منه بشدة"

يدخل ريان السيارة جالس بزاوية ...يحس بسيارة تمشي...

يغمض عيونه متنهد بعمق ...يتأمل حدايد الشبك الي تحيط القزاز...

المنظر الي برا حيل مو حلو بوجود الشبك...يحس بكئابة المكان...

............

:...رامان مابي أجي خلاص كنسل كل شي تكفى مابي مابي...مقدر مقدر
كان هذا ثامر المرتجف الي واقف برا القاعه متمسك برامان...

:...لا أنت تقدر أن...

يقاطعه برجفه عظيمه...: لا يا رامان مقدر انا مقدر!

يمسك رامان وجهه حاضنه بيدينه...: ثامر قلبي طالعني! طالعني طيب! تنفس...! شهيق...زفير

يمسك ثامر يدين رامان الي حاضنه وجهه برجفه...يتنفس مع رامان...
فجاة يحس أنه نسى كيف يتنفس...يغمض عيونه يحاول يمسك نفسه ويهدى...

رامان بنبره تشجيعية:...تقدر ...أنت تقدر ...بتدخل...!
وتشهد على أبوك و تساعد ريان!...وتطلع الي بقلبك! ...بتنتقم لروح أمك مو تبي كذا؟
أنت تبي العدل يا ثامر بتثبت للكل أنك أنسان عادل همه الإنصاف ...صدقني بترتاح بعدها!

يقول برجفه وهو مشتت...: بس...م مؤيد ...

يقول بغضب قاهر...: وش عليك من مؤيد هذا...
بيخذ جزاه زيه زي أي أحد ظلم وأفسد ودمر الكثير بفعايله...لا تتعاطف معه ! طالعني يا قلبي...
أنا معك معك بكل شي...بندخل الحين بتكلم واقدم الأدله على مايجي ريان و كلي ثقة فيك...
بتطلع وتشهد على أبوك ...وبتقر أنك أنت الي مسجل الأدلة الي تخصه
بتكون فخر لي ولنفسك مابتركك يا ثامر وخالقك مابتركك تنفس وتمالك نفسك حبيبي

يرجف ثامر متنهد بعمق بالع ريقه ...يهمس لرامان...: أحبك!

يرد وهو يقرص خشمه يمزح معه...: ونا بعد يا الدّادٍّي ...يله دخلنا!

فهد:...رامان!
يلتفت رامان لفهد وغيث
غيث لثامر...: وشفيك أنت بخير؟ ليش وجهك احمر أبوك قال شي؟

ثامر وهو يقرب من غيث...: لا بس متوتر

فهد حط يده على كتف ثامر:... لا تتوتر تذكر أن لولاك كان ريان باقي بسجن

يقرب رامان موخر يد فهد عن كتف ثامر بغيرة...: أيه صح صح أنا تو اقله بس هو خواف

غيث لثامر ...: ...اخذت جهازك الربو؟

:...أيه أخذته

فهد ...: يله متى ناوين تدخلون؟

رامان:... يله امشو...!

تطيح عينه بعين مؤيد المصدوم...ينزل راسه مغمض عيونه ...
يمشي جالس بمكانه الي كان بجنب غيث الي بجنبه فهد...