على ز*

صبغه؟

(((وترحلين ! ترحلين بعيداً عني)))

......

جمر الي طالع رامان متنهد مقترب منه يضمه
يتكي رامان راسه على كتف جمر يتنهد بقوه

رامان مغمض عيونه
:...راح علي خلاص راح ليش مقدر امسك كلامي السام ليش؟؟؟!؟؟

يمسح جمر على ظهره يشد على حضنه
:..مارح عليك هو يحبك كلامك بعد الله يصلحك ثقيل عليه اعطه وقت....

يتنهد رامان:..كله من ابوي الله يرحمه!

يضحك جمر :...وش دخل ابوي بسالفه؟

:...ورثت عنه غيرته العميا احمد ربك منت زيي!!!!

جمر وهو يداعب شعر رامان
:... زيك زيك بس انا اشوى منك!

يقول رامان فجاة بعد صمت
:...عندك دخان؟

:..لا

:...اخس من متى جيبك فاضي منها..?

:...من الحظه الي دق قلبي فيها للغالي قررت اخفف منها!

:...عنده الربو!

:...من ؟

:...ثامر!

:...اجل لازم تقلع عشانه!

:...بحاول!

:...يله انا راح اجيب اغراض ريان و بروح له

رامان وهو سرحان بالكرسي الي كان جالس عليه ثامر

:...فمان الله

....

غيث بخوف:...غيث انتبه صرصرووور عند رجلك!

وقف ثامر يطالع الصرصور الي عند رجله
ابتسم بسخريه ....
ورفع رجله يدعسه بقوه و كنه يحط حرته بصرصور

يقربون منه يمسك فهد كتفه....
:...ثامر احنا دايم موجودين عشانك!

غيث الي كان ورا فهد يطالع الصرصور الميت
:...ايه احنا دايم معك يله نروح البيت!

يفحص فهد تعابير ثامر ويسأله بلطف
:...تجي معنا؟

يرفع ثامر راسه لرشاش المطر الخفيف الي بدا ينزل
يتنهد ماسك غصته..يرد على فهد....

:...لا برجع بيتي!

غيث وهو ينط
:...ليييه طيب تعال تعال معنا تكفى! بسويلكم إندومي

يمسكه فهد
:..لا تكفى إلا الاندومي و خل ثامر على راحته.
طيب يله تعال نوصلك!

يمسك غيث يد ثامر شاد عليها ...
يمشون لسيارة فهد راكبينها

فهد الي يشغل السيارة يطالع بثامر الي جالس بجنبه
:..ثامر بخصوص كلام رامان لك...

يطالع ثامر القزاز بسرحان راد على فهد

:..مابي اتكلم بالموضوع!

يسكت فهد يرفع راسه للمرايه يناظر غيث الي يناظره بالمثل...