على ز*

...تسلسل...

"أنتظرني..."

الساعه ٨ الصبح...

يفتح عيونه... يتفحص المكان حوله...أحداث أمس ومضت بباله...
تنهد قايم متجاهل جسد جمر الي كان حاضنه...
يطالع بفاره الي ركض متعلق برجله ينزل يشيله و يضمه يبوس راسه بلهفه...
يتقدم حاطه على الطاوله ...يطلع له ملابس يلبسها بسرعه...يطالع بشاش الي يحيط راسه
أطراف أصابعه تتحسسه بخفه...
يغمض عيونه بهم...
يلتفت ياخذ فاره و جواله طالع برا الغرفه
بعد ما القا نظره اخيره على جمر النايم بعمق وكأنه مانام دهر كامل...

ينزل لتحت يدخل المطبخ حاط فرفوره ع الطاوله
يجلس قدامه يقرب وجهه منه و لعيونه يطالعه بدقه

...: يا فرفوري تخيل وش صار لي

يوسع عيونه يكمل و كأن فاره رد عليه...

...: تهاوشت أنا وجمر!...

ينط فاره نطات ورا بعض يمد يده يثبته بحيث معاد ينط...يكمل

...:أيه أيه تخيل وش بعد...!
سبني و ضربني و عنفني ...أنا خلاص قررت أنفصل عنه! تخيل وش قلت له...!
خلاص ما بيك ي جمر!
كذا قلت له!

يقرب لراس فاره يبوسه بوسات متتاليه
...: معليك مارح تعيش معه ...اكيد بتعيش معي حضانتك معي و إذا عارض برفع عليه قضيه!

يقوم متجه لدولاب...: جيعان صح؟ ادري !

يعطي فاره قطعة بسكوت غمض عيونه يوم حس بألم براسه جلس يتنهد ...
سرح بفاره الي ياكل قدامه...

تقدم فاره و حط قدام أصبع ريان فتات بسكوت و كأنه يقول كل معي...
يبتسم ريان و بأصبعه دف فتات البسكوت لفاره

...: كل أنت مو جيعان أنا!

يرجع فاره يدف الفتات له بعناد

يضحك ريان و يرجع يدف الفتات للفار بأصبعه...
...: يا رجال علي الطلاق إن تاخذها موب جيعان كل أنت!

ينتشر صوت جواله ...اسم غيث ع شاشته
ياخذه و يرد عليه

غيث  ...: الو؟

يقول بدون نفس...:هاه ي غيث

غيث بستهبال...: السلام عليكم ورحمة الله وبركاته ي ريان

يقلب ريان عيونه بملل من مود خويه على ذا الصباح
يسكت ريان مقرر انه م يرد...

يرجع غيث يتكلم...
...: و عليكم السلام ي غيث صعب تقولها م تبي حسنات؟

...: اخلص وش تبي؟

...: افا يا ذا العلم ...مو طايقني ي النتفه؟

يزفر ريان بقلة صبر...يقول بتحذير
: غيث!!

...: لحووول...بس دقيت أذكرك ...ترا المحاضرة الساعه ثناعش الظهر!

...: أدري ... وش مصحيك الحين ؟