ليت لقاءنا كان في ظروف افضل

٢

..المساء ..

كان قاعدين كلهم في بيت عبد الله فالهول وبتكلمو في موضوع عرس تسنيم (طبعا هي مخطوبه ) 

عبد القادر:ي جماعة امبارح جو اهل العريس وحددو العرس بعد 3 اسابيع العريس مستعجل عشان حيرجع المانيا محل شغلو 

عبد الله :ربنا يتم ليها علي خير

عبد القادر :يلا العقد حيكون قبل الدخلة بي اسبوع 

..واخدو ونستم فالعرس والترتبيات ..

همس : تسنيم تعالي فوق

مشو هي وتسنيم فوق 

تسنيم:اها جاهزة لعرسي ؟ 

همس :ي بت انتي غبيهه متين قالو لينا عشان نمش نجهز

تسنيم:😂😂😂م مشكلة لكن حتمش تجهزي ايشي سرعةة

همس :من بكرة بمش

تسنيم :خلاص خير برضو نجهز حاجات الشيلة 

همس : والله 3 اسابيع د بسيطه وما بتكفيك عديل

تسنيم :انا زاتي قلت كد لكن اعمل شنو؟

همس :خلاص الاسبوع د نمش ننتهي من الشيلة عشان تتحبسي طوالي 

تسنيم:انا زاتي قلت كد واحسن ننجز سرعة 

..في جانب عبد القادر وعبد الله ..

عبد الله : انت م حتعزم عبد العزيز مش؟

عبد القادر :تتذكر هو قال لينا شنو ،مش براهو قطع علاقتو معانا من زمان

عبد الله: خلاص خير وطي صوتك د م يسمعوك ديل

..صباح اليوم التاني ..

..همس صحت بصوت تلفونا ..

تسنيم: همسس ي بت انا منتظراك تحت عشان نمش وانتي نايمه فوق

همس وهي بتعاين للساعة : وااي بس ثانيه واكون معاك 

همس جرت دخلت الحمام اتسوكت وطلعت صلت وسرحت شعرا ولبست عبايتا وطلعت نزلت تحت صبحت عليهم كلهم 

تسنيم : تقولي لي ثانيه وتجيني بعد ساعة 😒

همس وهي بتضحك:يخخ اعمل شنو انا 

تسنيم سكتت وما ردت 

همس وهي بتتلفت علي ابوها:بابا عاوزين نطلع السوق عشان نجيب حاجات الشيلة وعاوزة اصمم فستان لعرس تسنيم وللحنه  

عبد الله: خير 

..همس اخذت القروش وطلعو علي السوق ..

_في المكتب _

ليث بابتسامه ماكرة وهو ينظر الي ملف :حانتهي منكم واخد حق اختي ..م انا الاختي بتموت بالطريقة د 

_فالسوق _

همس وتسنيم اشترو ايشي بحتاجو وهمس اشترت القماش وادتو للخياط وورتو هي عاوزة شنو واشترو الاكسسوارات وكانو علي الموال د لمدة اسبوع وتسنيم طوالي نزلت حبسه وهمس معاها كل يوم  

_في جانب عبد الله وعبد القادر واولادم فالشركه _

عبد الله:احنا كد خلاص انتهينا 

محمد (ولد عبد القادر):ي عمي الحصل شنو فجاة كد

عبد الله (ولد عبد القادر):فزول ارسل نظام فايروس ودمر الشركه كلها وسرق ملفات مهمة

عبد الله (ابو همس)بغضب:حتي المستشفي حتي المستشفي

عبد القادر :احنا كد انتهينا

محمد : كد اهدا ي ابوي خلي العرس د يمر بس وتاني بنشوف حل لكن د منو الارسل نظام الفايروس 

عبد الله (ولد عبد القادر)بشرود: د ليث عبد العزيز شركتنا منافسه ليهم لكن المستشفي علاقتا شنو 

عبد الله وهو بعاين لعبد القادر بخوف وتاني بعاين لي عبد الله ولد اخوهو:خلونا فالمهم بس ينتهي العرس طوالي حنشوف حل عشان كد احنا افلسنا 

همام وهو بفتح الباب بسرعة:ابوي صاح السمعتو د ؟احنا فلسنا؟

عبد الله بس منزل راسو

#كسرة : 

"ولعل الله يحدث بعد ذلك امرا ".

يتبع...