ليت لقاءنا كان في ظروف افضل

١٣

..الصباح ..

..صحو من النوم اتسوكو واتوضو وصلو ليان ضربت لي همس تجيها فالغرفة همس مشت ليها وطلبو شاي لشخصين قعدو شربو واتونسو جا ليث داخل ..

ليث:اليوم حنمش الشركه التركيه الجينا نوقع معاها عقد ييعني بعد شويه اجهزو عشان حنمش

ليان:تمام ..يسسسسس واخيرا حنشوفف اتراك

ليث: اتلهي ي بت وطلع ..

ليان: يلا نجهز

..ليان لبست بلوزة نص كم لونا ابيض فيها صفق برتقالي وشويه صفق اخضر وبني وبنطلون جنيز لونو فاتحح وسبورت برتقالي بي ابيض وطرحة بني وشنطة وحلق رنق كبير زهبي واسورة رفيعة بني سرحت شعرا ضفيرة وجابتا بالجمبه ولب قلوس وايلانير وزبطط حواجبا.. وهمس لبست بلوزة ابيض من فوق اسود فيها ورود بالرمادي وصفق بالرمادي وفراشات احمر واسود وابيض واسود بي اصفر وبنطلون جينز غامق وسبورت اسود وطرحة بيضا وشنطه مشكلة بالوان البلوزة و3 سلاسل طقم كلهم بالفضي الاول مربع التاني كم مربع صغار والتالت م فيهو شي وعملت لب قلوس مايل للاحمر وايلانير وكحل ابيض وزبطط حواجبا..

.. وطلعو حضرو الاجتماع ووقعو القعد وناس ليث عزموهم فطور بكرة فالفندق حقهم  وطلعو من الشركه العصر  رجعو الفندق ..

همس : ارح نتمش فالشوارع د

ليان : همس انا تعبانه عاوزة ارتاح

همس :طيب انا بطلع براي ماشه اشوف البلد د

..همس طلعت من الفندق لقت ليث واقف فالباب ..

ليث: علي وين ؟

همس :ماشه اتمشي شويه

ليث: طيب حاجي معاك

همس:لا لا م تتعب روحك

ليث: ماف تعب يلا .

..وطلعو وبقو يتمشو ويتونسو دخلو كافية وطلبو نسكافيه ..

همس:ي مستر انت لي بتعامل الناس بالطريقة د وبارد وبتحرج الناس وردودك مختصرة
ليث: اولاا ناديني ليث بس مستر د فالشغل بس تانيا عندي اسبابي البتخليني اكون كد

همس بفضول:انا متعودة علي مسترر فاا يعني انو اناديك بدونا د صعبه + كلنا عندنا اسباب بتغيرنا

..الاتنين بقو ساكتين وليث بعاين لي همس
همس عامله روحا مشغوله بالتلفون وهي عارفاهو بعايين ليها(بتحس الزول لمن يكون بعاين ليك 😂😂😂😂😂 )

ليث :يلا نرجع احنا من قبيلل طلعنا

همس : ايوهه يلا

..ورجعو الفندق ..

.. همس مشت غرفة ليان ولقتا صحت ..

ليان: د كلو حوامه😂

همس : لمن كنت طالعة لقيت ليث وقال الا يتمشى معاي

ليان:اممم ليث قلتي لي 😉

همس عاينت ليها وشالت المخدة وبقت تضرب فيها: 😂😂😂😂😂😂ي تافهه احتفظي بي تفكيرك الوسخ د لي روحك بس 😂😂

ليان :😂😂😂انا تفكيري وسخ ؟ انا ي عصافير الحب 😂

همس وهي لسه بتضربا : عصفور ينقد راسك د😂😂

..ليث جا داخل لقا همس بتضرب في ليان وليان بتضحك😂😂..

ليث: احمممم

..همس وليان

انتبهو :ايوه

ليث:بكرة علي 9 خليكم جاهزين عشان حيجو يفطرو معانا هنا

همس وليان: طيب

.. وليث طلع ..

ليان:خلينا نطلب عشا

همس : طيب

..اتعشو وهمس رجعت غرفتا وعلي كد نامو ..

#كسرة :
"اللهم قلبا صلبا لا يتاثر بتقلبات الحياة 💙"

يتبعع ...