..الصباح..
..همس صحت علي صوت تلفونا لقتو رقم غريب ردت قالت احتمال يكون واحد من اهلا ..
همس : الو
الرقم : همس حبيبتي مشتاقين
همس عاينت للتلفون :معليش معاي منو م عرفتك
الرقم:كنت بحاول اتقرب منك لكن انتي م اديتيني فرصة واذا انا م اخدت العاوزو باراداتك حاخدو بالقوة
همس بلعت ريقا:ا ا انت م منو
الرقم:😈😂😂..وقفل الخط
..همس ختت التلفون وجري علي الحمام اتسوكت واستحمت واتوضت وصلت الصبح طوالي طلعت هدوما لبست تيشيرت اصفر نص كم فيهو رسمه بت وبنطلون جنيز غامق واسبورت اصفر رفعت شعرا كعكه وشالت طرحة وشنطتا وتلفونا نزلت ركبت الترحال ووصلت الشركة دخلت الكفتيريا اول شالت شاي بي لبن وطلعت فوق بدت شغل ..في نص الدوام جاتا رساله مم الرقم القبيل ..
الرقم:الاصفر يخلوهو ليك
همس التفت وبقت تفتش فالبراقبا د
الرقم :م تتلفتي م حتشوفيني مهما عملتي
همس : يخخ انت عاوز مني شنو
الرقم :ههههههه
..همس كملت باقي شغلا وطلبت ترحال قبل تطلع لمن الترحال وصل طلعت من المكتب ومشت تجاه الاصانصير حست بزول براقبا التفتت م لقت زول سرعت خطواتا وصبت الاصانصير بقت بتضغط علي الازرار بسرعة وهي خايفة ركبت الاصانصير ونزلت طلعت برا الشركه تاني حست بزول التفتت وبرضو م لقت زول جرتت جريي علي العربيه وركبت جاتا رسالة من الرقم
الرقم: يعني فاكرة اذا هربتي مني م بقبضك ؟ هههه اجريي واجريي قدر م تقدري برضو حاقبضك فالاخر هههه
..همس نزلت من الترحال وجرتت علي شقتا قفلتا وختت يدها في قلبها واتنفست الصعداء دخلت الغرفة استحمت وجات اتوضت وصلت وبقت بترتب ملابس بكرة بتاعت السفر جهزت كل شي ختت ااشنطة علي جنب ..بس سمعت صوت الباب بضررب بقوةةة بقت ترجف وما عارفة تعمل شنو شالت تلفونا وجرت اتدست ورا الطاوله بعد شويه الباب اتفتح جا داخل الزول وبقا بفتش فيها بس شاف طرف عبايه الصلاة وكان ماشي عليها بس همس ضربت لي ليث و رد طوالي..
همس وهي بتبكي وبترجف :ل ل ليثثث الحقنيي ي ليثثث
ليث قام علي حيلو :همسس فشنو
بس الزول خطف التلفون بتاعا واتكلم هو :الباربي بتاعتك هنا ومسافة انت تصل انا بكون اخدت العاوزو وفصل الخط..
ليث شال التلفون ومفتاح العربيه وبي السفنجة وملابس البيت طلع جري لقا ليان فالسلم
ليان: ليث بسم الله فشنو
ليث وهو جاري:الحقيني علي شقة همس
..وطلع ركب العربيه وساقق بسرعة واتخطا الاشارة ضرب للشرطة وكلمهم ووراهم الموقع بعد شويه وصل العمارة نزل من العربيه وخلا باب العربيه فاتح وبقا جاري فالسلم
_ في شقة همس _
الزول شرط ليها عبايتا لكن كانت لابسه بنطون تلت ارباع وتيشيرت شبه سير كد وهمس بتحاول تبعدو منها لكن هو كان قوي بس في زول مسكو ووقع فيهو ضرب وزحا الغطا من وشو طلع د احمد (الكان معاهم وقت رحلة تركيا كان قاعد جمب همس داك )وتاني نزل فيهو ضرب وفرغ فيهو غضبو كلو وهمس قاعدة متجمعه في زوايه وخاته يديها في اكتافا وبترجف وتبكي بعد شويه جات الشرطة وساقتو ..ليث جرا علي همس وضماها وهي لسه بتبكي وترجف شويه كد جات ليان تتلفت لقت ليث قاعد فالارض وحاضن همس وهمس حالتا صعبه
ليان جات ضمتا وقالت: ليثث الحاصل شنو ومالا همس عامله كد
ليث : د احمد الشغال معانا حاول يعتدي عليها(اصلا د فلاحة الاولاد الزيو خايبين رجا بس🤦🏻♀️ )
ليان:بجدد؟😳
م يكون حصل ليها شي؟
ليث :لا لا م حصل شي ..امشي ي ليان جيبي شنطا اليوم حوديها فندق تبيت فيهو ونقعد معاها شويه لحدي م تهدا وتنوم ونطلع (طبعا د كلو وهو حاضن هممس)
..ليان دخلت غرفة همس لقتا مجهزة الشنطة طلعتا برا ..جا ليث شال الشنط وليان جابت مويه لي همس وسندتا نزلتا تحت ركبوها العربيه ووصلو فندق ليث حجز ليها غرفة دخلوها فيها وختو الشنطة وقعدو معاها لحدي 12 بعد م هدت ونامت هم رجعو البيتت ..
#كسرة :
علي صفحات الماء تبقي الزوارق ...💙
وعلي صفحات القلوب تبقي الذكريات ...💙
يتبع ...
