..الصباح ..
..همس صحت بدري اتسوكت واتوضت وصلت ولبست وطلعت علي الشغل دخلت المكتب لقت ليث ومعاهو ليان صبحت وسلمت عليهم وشالت ملفين وبدت تراجع فيهم
..جاتا ليان ..
ليان: همس كيفك
همس وهي منتبه فالورق :انا تمام انتي كيف
ليان: كويسهه ..عاوزة اقول ليك عيد ميلاد ليث الاسبوع الجاي وانتي طبعا معزومه
همس : والله م عارفاها اذا بقدر انتي عارفة الشغل كتير وكد
ليان: انا كلمتك م سالتك انتي حتجي حتجي
همس : خلاص بشوف
ليان : عاملنو في توتي تمام ؟
همس :خلاص تمام
ليان :يلا حتم باقي شغلي
..ليان طلعت وليث جا بي هنا ..
ليث:همس كيفك
همس : تمام والله وانت كيف
ليث: بخير ..في ملفات عاوزك ترتبيهم وتديهم لخالد صحبي انا طالع
همس :تمام ..وليث طلع..
..نص ساعة جا خالد ..
خالد بدهشة :انتي السكرتيرة ؟
همس : ايوه في حاجة
خالد : لا ماف شي بس ماشاء الله يعني 😂
همس ابتسمت:الله م ضراك
خالد : ليثث قال ليك انوو..
همس قاطعتو: ايواا انت خالد ؟
خالد بابتسامه: ايوهه
همس مدت ليهو الملفات :د هي الملفات
خالد :شكرا ..see you later
همس :Bye
..وخالد طلع وهمس كملت شغلا ..
..اليوم التاني فالشغل ..
..جا خالد داخل ولاقا ليان ..
خالد :ليان كيفك
ليان ومنزله راسا ومبتسمه:انا كويسه انت كيف
خالد :تمام الحمد لله ..دايرة اسالك من السركتيرة
ليان مع روحا"يعني م جاي عشان يسال مني جا يسال من سكرتيرة هه والله غايتو "
ليان: ياتو سكرتيرة ؟؟
خالد : حقت ليث الجديدة د
ليان بلعت ريقا: مالا ؟
خالد:يااخخ مزةة كيف ..اسمها منو قلتي لي
ليان والعبرة في حلقها:همس
خالد:ااه ي الله اسم حلو وخلقة حلوة ..لا لا تمام شكرا
ليان :العفو ..وخالد اتحرك من جمبها وهي متابعاهو بي عيونا ..خالد دخل مكتب ليث وسلم علي همس وقعد يتونس معاها وليان شايفاهم دموعا نزلت وقلبتت فاتت بعدها خالد دخل ليث وسلم عليهو
خالد:سكرتيرتك د جبتها من وين ؟
ليث عاين ليهو : جات ببراها قدمت وظيفة
خالد : لا لا تمام وطلع ..
..نهايه الدوام همس جايه طالعة لاقتا ليان
همس :ليان انتظري
..ليان ماشه وعامله روحا م سامعة ..
همس بصوت عالي :ي ليان تنتظري
ليان م شغاله بيها.. بعد شويه همس لحقتا ومسكت يدها
همس وهي بتتنفس
بسرعة : لياانن ااه ي بتت مالكك ااه
ليان فكت يدها :وقالت ليها م عارفة روححك عامله شنو
همس عقدت حواجبا : انا؟عملت شنو مفهمت ؟
ليان ضحكت بسخريه:بتتكلمي مع خالد ولمن جا سلم علي طلع عاوز يسالني منك
همس : خالد؟قصدك صاحب ليث؟ خالد د ماعندي معاهو شي امبارح جا يشيل الملفات الختاهم لي ليث واليوم هو جا لي ليث ولمن دخل سلم علي وسالني من كم شي ودخل لي ليث
ليان بفرحة : بجد يعني
همس : اي والله ..لكنن انتي مالك ؟
ليان :لا لا ماف شي
وفاتت لانو عارفة همس م حتخليها وهمس طلعت مشت بيتم سلمت علي اهلها واتعشت معاهم وطلعت علي الشقة دخلت استحمت وجات طالعة بالروب قعدت تتمسح بالكريم جاها اتصال لقتو همام
همام: همس كيفك
همس: كويسه والله
همام : ي همس انا شايف حال ابوي وعمي وما عاجبني نهاي
همس : كلنا والله
همام:انتي م قربتي ..السجن د م بنفع ابوي وعمي
همس : خلي الاسبوع الجاي د يمش لانو حنسافر دبي يومين
همام : والله ابوي وعمي يحننو
همس بكت :انا حجيب حقكم بس انتو اصبرو لي
همام : واثق فيك ي اختي وكلنا خاتين املنا فيك
همس :وحكون قدر الثقة د
همام :طيب تصبحي علي خير
همس :وانت من اهله
..قامت همس لبست ملابس النوم وصلت ورقدت نامت ...
#كسرة :
بعض الطرق نسلكها ونحن علي يقين ان نهايتها مؤلمه ' لسنا اغبياء ...ولكن نحن بأمس الحاجة الي سعادتها الؤقته 💔...
يتبع ...
