شهد : ي حيوانه م بتعرفي تضرربي الباب
ليث : شهد اهدي
شهد :م شفتها ي ليث جات داخله كيف
همس وهي مدمعة: ا انا م م قصدي ب بس قالو ليكم ت تعالو الغدا
شهد صرخت فيها: اتعلمي تضربي الباب م تجي داخله ساي زريبه هي ؟ وتقول ليك جيت البيت عشان انا صحبه ليان فاهمة حركات بنات الشوارع قايلاني م فاهماك ..جات طالعة ضربتا في كتفها وطلعت ..
..وهمس بس بتبكي جا ليث عشان يهديها جرت طلعت من الغرفة وجرت دخلت غرفة ليان وقفلتا وقعدت تبكي..
همس مع روحا: د غلطك ي همس د غلطك انتي رسلوك عشان تاخدي حق اهلك م عشان تطلعي وتتفسحي وتحبي عدوك من اليوم حتدوسي علي قلبكك وتكملي باقي مهمتك وترجعي ..
..ليان لمن سمعت الجوطة وشهد جات نازله فايرة جرت فوق لي غرفة ليث
ليان: فشنو ي ليث
ليث : لمن جات شهد انا كنت فالحمام لمن طلعت جات حضنتني وفي اللحظه د جات همس داخله وطبعا انتي عارفة شهد
ليان: ليث ؟ وانت م سالت شهد ولا وقفتها صح ؟
ليث بس سكت
ليان: هس همس محترضي تقعد ولا دقيقة وحتكون بتبكي وما تتغدا تاني ..اخدت نفس وقالت ..حامش اراضيها وطلعت..
..خلت ليث حس بالذنب انو م اتدخل طلع من الغرفة ونزل تحت وقعد فالصفرة جات ليان نازله وقعدت ..
امل : وين همس م جات معاك
..ليان عاينت لي شهد البتاكل وما هاميها الموضوع..
وقالت:همس قالت شبعانه
امل باستغراب : اسع موش قالت حتغسل يدها؟
شهد : خليها د دايرة تستهبل وتتدلع ساي م تاكل في ستين
ليان ختت المعلقة ووقفت قالت ليها : اسمعي ي شهد اذا همس ساكته ليك م معناها انتي تقولي العاوزاهو همس د مربيه احسن من تربيتك وانتي ولا شي جمبها
شهد :سامع ي ليث اختك بتقول لي شنو
..ليث عاين لي ليان
طوالي ليان رمت المعلقة وقامت علي المطبخ..
عبد العزيز : ي جماعة في شنو
شهد :ماف حاجة د وحدة عاوزة تتعابط ساي
امل : ليث اها جاهزين لي سفرة بكرة ؟
ليث :ايوهه جاهزين
امل :معاك مننوو غير همس وليان
ليث:كم زول من الشركه
شهد بدلع: انا حابه امشي معاكم
ليث: د سفرة عمل م ماشين نتفسح احنا
..جات ليان طالعة من المطبخ وشايله صينيه ختت الصينيه عشان تجيب جك العصير قالت لي شهد : انتي اذا عاوزين يسوقوك كان بسوقوك لكن م مرحب بيك ف لمي باقي كرامتك واقعدي
شهد حمرت ليها ساي
..ليان شالت الصينيه ودخلت الغرفة..
ليان : تعالي ي همس اكلي
همس : انا شبعانه
ليان: همس انا بعتذرر ليك بالنيابه عنها
همس :ليان انتي م ليك ..قبلت علي الحيطة وقالت الغلط غلطي انا ..انا جيت اشتغل وعملتها صحبه وطلعات لكن اسع ح امشي شقتي واذا انتي عايزاني تعالي لي هناك
ليان :همس اسمعي ي همس اذا شهد قالت ليك كد انا ذنبي شنو ؟ يعني حتطلعي من البيت عشان شهد ؟والله ي همس تطلعي تاني لا بتعرفيني لا بعرفك
همس : بس...
ليان قاطعتا: م بس ولا شي وهاك د اكل اكلي م اجي القا الصينيه في محلها واذا عاوزة شي اضربي لي ..وطلعت وهي زعلانه
همس قعدت في السرير:تستاهلي ي همس كل البحصل ليك د عشان انتي لمن رسلوك في مهمة تأدي مهمتك وترجعي لكن لاا انتي عملتي العكس
.. ودخلت الحمام غسلت وشها ويديها وطلعت اكلت وشربت العصير وطلعت تشوف ليان لقتا قاعدة تحت ..
شهد :نااس الما عندهم كرامة يسمعوهم كلام زي السم ولسه قاعدين
ليان:شهد انتي ما
همس قاطعتا:ليان العارف عزو كلام الناس م بهزو والرد علي السفيه مزله (شهددد قوميي وفتشي جبهتك علي وين 😂😂)
ليان :كلامك صح
همس : ارح المول عاوزة اشتري حاجات
ليث : انا طالع حاوصلكم معاي
ليان:تكون م قصرت لانو انا برضو عاوزة حاجات
شهد : خلاص وصلوني في طريقم
..طلعو ليان وهمس ..
ليان: خلينا نلببس وبالمرة نتعشي برا و نمش شارع النيل
همس : خلاص تمام
..اتجهزو ولبسو همس لسبت جامبسوت جلد بالزيتي فيهو حزام بالزيتي برضو وشنطة اسود وطرحة اسود بي زيتي وهيلز اسود كانت مسرحة كعكة فوضويه مع خصل..ليان كانت لابسه سكريت لونو نود مخطط مربعات بالابيض بلوزة ابيض وطرحة نود وهيلز بالابيض وشنطة نود وعامله شعرا ضنب صحان ..طلعو مزز جد جد .. وطلعو لقو ليث لابس تيشيرت نص كم بالاسود والابيض وبنطلون اسود وسبورت ابيض وسعة فضيه وطلعو العربيه.. طوالي شهد جرت ركبت قدام وديلك ركبو ورا
واتحركو ..في نص الطريق
شهد قالت لي همس : انتي راجعة بيتكم متين
ليان:والله ي شهد انا همس د دايراها تقعد معاي لحدي م خالتا ترجع من السعوديه لكن همس م حتقعد (طبعا همس مفهماهم انها قاعدة مع خالتا واسع هي سافرت السعوديه وهمس اجرت شقه وقعدت فيها)
شهد قالت لي ليث: والله ي ليث عندي صحبتي جاتا قريبتم قعدت معاهم وهي مضايقاهم عديل يعني وصحبتي قالت لي انو هي م جايه عشان تقعد معانا جات عشان اخوها ..
..طوالي همس دموعا نزلت عرفت انو شهد قاصداها بالكلام وليث بعاين ليها بالمرايه بس ..
ليان كانت عاوزة ترد لكن همس مسكتا من يدها ومنعتا ..
.. بعد شويه نزلو شهد وواصلو الطريق
ليان قالت لي .....
#كسرة :
و ستمر الاحزان كانها لم تكن وسنخرج منها اقوى بكثيرر 🥀🖇.
يتبعع ...
