..فتحتت عيونا بتعب عاينت لسقف الغرفة اخدت 5 دقايق وهي بتعاين ليهو ختت يدها في راسها عاينت حولها شافت درب وما فهمت شي التفت الجهة التانيه ليث نايم جمبها
همس مع روحا"حتي وانتي صاحيه من النوم بقيتي تتخيلي فيهو" وختت يدها في خدو لقتو حقيقي
همس :😳😳
ليث صحا من حركة يدها:همس ؟همس انتي صحيتي ؟(لا لا لسه نايمه😭)الحمد لله
..ليث نادا للممرضة تجي تشوفا ..
الممرضة :واخيرا صحت طولت شديد حتي انا فقدت الامل (الكلام بالانجليزي طبعا)
همس باستغراب :لي في شنو ؟ وكيف يعني اخيرا صحيت
الممرضة :انتي كنتي في غيبوبه 8 شهور
همس ختت يدها في جبهتا :بجد ؟ طيب انا وين
ليث : في لندن
همس : لندن؟😳
ليث : ايوه دقيقة وبجي اشرح ليك كل شي
..ومشا ضرب للدكتور وبعد 10 دقايق جاهم (هم اجرو شقة قريبه للمستشفي )
الدكتور :خلاص مدام بقيتي كويسه بس نعمل ليك فحوصات وبعدها م حيكون في شي
..ومشو المستشفي وعملو الفحوصات وطلعت نضيفة وورجعو الشقة
همس : ليث ممكن تحكي لي الحصل شنو
ليث :انا حاليا زوجك
همس وقفت علي حيلا:😳😳زوجي ؟ متين اتزوجنا ؟وكيف ؟ (م هو انتي م عاوزة تصبري يقولو ليك)
ليث :انتي اقعدي خليني اشرح ليك
همس قعدت
ليث : بتتذكري لمن لقيتيني في توتي وجبتيني شقتك ؟وجات ليان ساقتني من عندك وقتها كنت محموم وقلت ليك انو حاخطب شهد وليان قالت ليك م اشوف وشك
همس : ايوه
ليث :رجعنا البيت وحكينا لي امي وابوي وابوي طلع عمك لكن اختلف مع ابوك وعمي في موضوع ورثة وانفصلو من زمان ولمن ليتن جاتك فالشقة لقتك قطعتي شرايينك اخدناك المستشفي وضربنا لي همام وجا اتبرع بالدم وهمام ضرب لي اهلك وجو المستشفي وانا مشيت جبت ابوك وعمك وتاني جبت ابوي وامي من البيت وبعدها ياهو دخلتي في غيبوبه والدكتور اقترح تسافري برا عشان العلاج افضل وكد
همس ختت يدها في وشها: د كلو حصل؟ وانا في غيبوبه 8 شهور ؟ ل ليث انا اسفة ضيعت ليك زمنك انت كان تعرس شهد وانا كان بجيبوني امي وابوي
ليث : اذا انا كنت عاوز شهد كان اتزوجتها لكن انا بحبك انتي
همس : طيب
ليث :طيب حنرجع السودان بكرة ونفاجاهم
همس قامت وحضنتو وهو ابتسم بس
______________________________________
بعد شهر مما نزلو السودان عملو حفلتم ورجعو لندن يستقرو هناك وبعد سنه من زواجم همس جابت بت سمتا ليان علي عمتا ورجعن تشتغل في شركة ليث برضو ...وكل سنه بنزلو السودان شهرين وبرجعو لندن
(والله العظيم كنت عاوزة اكتب نهايه احسن من كد لكن افكاري اتشتت فانهيتا علي كد ... )
#كسرة :
اطمان لان عوض الله اذا حل انساك م كنت فاقد 💙🖇.
#كسرة 2:
خلاصة الحياة :
بتاخدك وتشيلك وتوصلك القمه وممكن عادي جدا في لحظه ترميك ..م تغرك وتخليك عايش علي هواك وزي م عاوز وبتجي لحظه بس بتدمرك ابسط شي بحصل ليك حتي قلم ربنا برفع عنك ..وجودك وعدمو واحد ..ممكن عادي تتظلم وتكون مدفون حيث لا ضوء ولا حياة وربنا بمن عليك وينهال عليك كرمو بعد ثباتك في اختباره ..
النهاية
