..الصباح ..
..همس صحت دخلت الحمام اتسوكت واتوضت وصلت ودعت ربنا يسهل ليها كانت بتدعي سمعت صوت تلفونا ضرب قامت من المصلايه مشت شالت التلفون لقتو عبد الله ردت عليهو ..
عبد الله:همس صباح الخير
همس: صباح النور عبد الله ..كيفكم وكيف ناس البيت
عبد الله: احنا كويسين وانتي كيف ؟والشغل كيف معاك ؟
همس : الحمد لله والله حتي الشغل كويس لكن المدير صعب عديل وما بديك نفس ودقيق شديد فالمواعيد
عبد الله اخك نفس : ايوه عارف انا ..معليش ي همس اعفي لينا
همس: عبد الله انت مجنون ؟ شنو اعفي لي واعفي ليك انا هنا عشان اخد حقنا
عبد الله:ايوهه ولازم تاخدي م ترجع يدك فاضيه
همس :اصلا حاعمل كد ..اديني ناس البيت اسلم عليهم عشان بعد كد حالبس
عبد الله :تمام واداها سلمت عليهم كلهم وقفلت .. همس عاينت للساعة وقالت د نص ساعة بس
وقامت جرت لبست بلوزة بيضا سير قصيررة وبنطلون هاي ويست مخطط ابيض بي ازرق خطوط عريضة وفيهو حزام نفس البنطلون وجكت بنفس نظام البنطلون وطرحة هيلز بالابيض وشنطة سرحت كعكه فوضويه وفي خصل علي وشها وطلعت لمن وصلت بقت جاريه لمن دخلت المكتب لقت ليث في وشها..
همس مع روحا: الزول د مالو كل مرة القا في وشي
ليث : لو اتاخرتي زيادة كان حتنطردي
همس:انا اسفة م بتتكرر
ليث: انا م عاوز اعتزارات وكلام انا عاوز تنفيذ م اعيد كلامي د مرة تانيه
.. دخل المكتب وخلي همس بس بتحدر ليهو قعدت تشتغل والشغل كان كتير لكن م زي امبارح وقت البريك نزلت اكلت وشالت نسكافيه وطلعت االمكتب لمن دخلت لقت ليث حاضن بت همس طوالي قبلت منهم وقالت د جايب حبيباتو فالمكتب ويقول ليك كللامو الفارغغ الكتيرر داك .. بدت تشتغل وماسكه النسكافيه في يدها طلعت البت وهمس م شافتا ولا هي زكرت معاها ..
..بعد شهر..
.. طبعا ليث مكرهه همس الشغل وكل شويه يجيها كوم ملفات هي تراجع وتشتغل ومرات بتطلع متاخرة .. و ليان وهمس بقو صحبات لكن همس م قالت ليها ايشي وفضلت تبقي ساكته
..في يوم ليان قالت اعزم همس بيتنا تبيت معاي ..
..ليان جات داخله مكتب همس لقتا شغاله سلمت عليها
ليان: همس عاوزاك تجي تبيتي معاي ونغير جو
همس : والله ي ليان زي م شايفة الشغل كتيرر وبكرة الجمعة يعني عاوزة اخد راحة واكمل الشغل وكد
ليان:بليززز ي همس م تحرجيني بس اليوم فيها شنو ؟
همس :خلاص خير ي زوله حاجيب حاجاتي واجي ابيت معاك جمعة وسبت كيف ؟
ليان:شكراا انك م كسفتيني
همس عاينت ليها وضحكت:م بيناتنا ي بت بعدين انتي صحبتي اكسفك كيف؟
..ليان ضمتا وودعتا وقالت ليها نهايه الدوام حتجيها ..
همس قعدت تشتغل
في نص الشغل سرحت وقالت في روحا : انا لازم اكلم ليان بالحقيقة ..لا ي همس انتي جاسوسه هويتك تفضل سريه ..ليان صحبتي حتعمل شنو يعني ..
جا ليث لقاها سارحة ضرب التزبيرة وقال ليها م تسرحي لي هنا ..د م محل يسرحو ، فيهو ورما ليها ملفات وقال ليها تراجعهم وقال ليها انو حيكون في سفرة لي تركيا يوم الاحد همس عاينت ليهو من سكات وكملت شغلا ..
..نهايه الدوام جات ليان ساقتا ..
همس : ليان يوم الاحد عندنا سفرة لتركيا والله انا م حاقدر ابيت معاك يوم السبت عشان حكون مشغوله
ليان: يبت انا برضو مسافرة معاكم
همس : انتي جادةة؟ ..ايوهه صح انا ليشنو م خطر في بالي السؤال د ..انتي شغاله فالشركه معانا
ليان: 😂😂😂😂😂😂 ايوه شغاله معاكم م لاحظتي ولا شنو
همس :انا م ركزت شديد كد فهمتي ؟
ليان : طيب شيلي شنطتك مرة واحد
همس :طيب
..همس شالت ايشي بتحتاج ليهو حتي جواز السفر لانو لمن كانت حتمش عبد الله اداها ايشي بتحتاج ليهو وعارف انو حيكون في سفرات وطمنها ..
..همس وليان طلعو وركبو عربيه ليان ووصلو الفله بتاعتم التي لا تقل جمالا عن حقتم دخلو غرفة ليان ..وليان مشت نادت امها عشن تجي تسلم علي همس..
..امل جات داخلة سلمت عليها وقعدت يتونسو ليان نزلت تجيب الاكل وجات داخله ..
امل : والله ي همس ليان د من اتعرفت عليك قدتني قد بيك قلت ليها الا تجيبي لي همس د
ليان:ماما انتي مالك بتنشري غسيلي 😂
همس:😂😂😂
امل : يلا انا طالعة انوم بعد د
ليان وهمس : تصبحي علي خير💙
امل : وانتو من اهلو
..وطلعت..
ليان عاينت لهمس :يلا ي همس بعد د نبدا برنامج
همس : اها
ليان: اول شي حنجي نعمل مكياج ونكوي الشعر ونتصور ونتعاور بعدها حننزل نحضر فيلم تمام
همس : تمام
ليان: يلا خشي استحمي وتعالي وانا حامش اعمل فشار وبجهز الببسي وطلعت ..
..همس استحمت وطلعت صففت شعرا وكوتو واتمجكيت وكانت واقفة فالمرايه باب الغرفة فتح ..
همس :ليان متين جيتي بالسرعة د 😂😂
بس عاينت بالمرايه للباب وبقت مقلعة عيونا من الشافتو ......
#كسرة :
"ثم يزول كل شي ظنناه بجهلنا باقٍ🥀"
يتبعع ...
