..يوم عيد ميلاد ليث ..
همس قامت من الصباح وغسلت شعرا وعملت ليهو استشوار وعملت ماساكات مختلفة ومن الضهر بدت مكياج لانو الحفلة بتبدا 5 وكوت شعرا ورولتو كلو طلع فظيع خصوصا انو كان لونو كبدي وطولو نص الضهر وهي شقتو بالجمبه مع الترويل كان حلو (غيرتو زماننن لمن كان حتمش يدوب تخش الشركه )ولمن جات الساعة 4 اتغدت وبدت تلبس لبست فستان علي الجسم لونو اسود فيهو ورود باللون بيبي بينك من فوق شفاف ويدينو نص وهيلز اسود قريب لشكل البوت لكن م بوت وشنطه علي شكل مربع بلون بيبي بينك وحلق رينق كبير فضي وسوار رفيع فضي فيهو متدلي منو ورود وروج بالكبدي وايلانير وتاني فوقو خط ايلانير بالبيبي بينك وماسكرا وكحل ابيض وزبطتت حواجبا كانت حاجة كد فظيعة ..بتاع الترحال ضرب ليها شالت شنطتا وتلفونا وكيس الهديه واتريحت وعاينت لي روحا فالمرايه وجرت طلعت ركبت الترحال ووصلت توتي لقت المكان مزين والترابيز مرصوصة والناس وصلت من دخلت كل الانظار بقت عليها مشت باتجاه ليان وسلمت عليها وسلمت علي خالد
خالد:ماشاء الله والله عليك الله انتي انسان زينا؟
ليان :🙂
همس ضحكت: ايوهه😂😂..خالد تعال معاي دقيقة
همس : حاسه انو ليان بتحبك لانو قبل كدا كانت حتفصلا مني لمن شافتك جيت سلمت علي واسع لمن قلت لي كد ملامح وشها اتغيرت واسع عاين ليها بتعاين ليها
خالد ضحك:بجد ؟ انا برضو بحبها بس خايف اقول ليها وتطلع م بتحبني واخسرا
همس :امش اعترف ليها طيب
خالد :طيب
..خالد مشا لي ليان وساقا علي جنب..
ليان:انتهيتو من موعدكم الغرامي ؟🙂
خالد : وانتي بتغيري ولا شنو
ليان: م بغير ولا شي اغير من شنوو
خالد مسك يديها وباسم : انا بحبك انتي وبس ماف داعي تخافي
ليان دموعا نزلو : وانا برضو بحبك (اتقلي ي بت الخفة شنو)
خالد:ليث لمن سالتو من همس رفع لي راسو وحسيتو شويه وحيديني كف هو بحبها ولا شنوو
ليان: م بحبها د اظنو ميت عليها😂
خالد:خلاص عشان اخليهو يعترف ليها اغيظو بيها تمام
ليان: اسع كنت حقول ليك كد 😂..يلا يلا ليث وصل خلي يقطع الكيك وامشي قول ليهو انا معجب بي همس د لو بتعرف اهلا اديني الرقم عشان نجيها بالباب
خالد ضحك: طلعتي م هينه😂
ليان:يلا يلا امش م تضيع زمن😂
..خالد مشا لي ليث لقاهو بعاين لي همس ساي وهي بتتونس مع ليان وتضحك بعد شويه قطع الكيك وخالد جاهو بعد الناس انشغلت
خالد : ي ليث عاوز اقول ليك انو انا معجب بي همس د لو بتعرف اهلها عشان عاوز اطلب يدها
ليث ملامح وشو اتغيرت :ليشنو تتقدم ليها (حيطلب يدها عشان يرقص معاها مثلا؟😂 )
خالد :كيف يعني ليشنو
ليث :قصدي لا لا م عندي رقم اهلها واسه اتلهي
خالد ابتسم بس
..الهدايا بدت تتقدم ل ليث الا همس كانت قاعدة فالكرسي وبتعاين للبحر وبتفكر في ليث وانو بعد يعرف تاني م حتشوفو ..وبعد شويه جا ليث عليها وقعد جمبها وهي م منتبه ليهو
ليث : هممس
همس في راسا: كمتن بقيتي تتخيلي صوتو
ليث علا صوتو:همسس
..همس انتبهت ليهو
همس : اسفة كنت شاردة
ليث :م مشكلة ..اليوم طالعة حلووة
همس ابتسمت ونزلت راسا: شكرا ..اا د هديه ليك
..وسكتو مسافة
..وهمس بعد شويه قامت من مكانا ومشت لي ليان
ليان:همس انا حصل حكيت ليك عن ليلي ؟
همس برفعة حاجب :ليلي ؟لا م حصل ؟ليلي د منو
ليان اخدت نفس :اختي
همس قامت علي حيلا :اختكك ؟انتي عندك اخت ؟
ليان :ايوه ..
همس :وين هي م حصل شفتها ولا لاقيتا
ليان بشرود :اتوفت ..عملت حادث واتوفت
همس :ربنا يرحما يخ والله م كنت عارفة
ليان :امينن ..هي يلا اليوم د م يوم زعل
..وتمو باقي اليوم ورجعو ..
#كسرة :
وكلما لملمت انكسارتي وتظاهرت بأني اقوي داهمتني احدي الزكريات وجعلتني حطاما 🍂.
يتبع ...
