ليت لقاءنا كان في ظروف افضل

٣

..صباح الحنه..

همس وتسنيم مشو يجيو الفساتين والتياب وفي الكوفير رسمو يديهم ولبسو تسنيم كانت لابسه توب بدرة كحلي بي فضي واكسسوارات فضي وهيلز فضي وهمس لابسه فستان قماش شامو علي الجسم تحت الركبه طوالي لونو كحلي بي فضي واكسسوارات فضي وهيلز فضي (نظام مطقمين وكد) 

ومشو والحنه كانت ندي القلعة كانت فالبيت فالحديقة الخلفية 

_في شركه ليث _

ليث 😈: خلااص بعد بكرا اليوم المنتظر حاخد حقك ي اختي لو م شفتهم مرمين فالسجن م ابقي ليث 😈😈

..الصباح ..

_في بيت عبد القادر _

عبد القادر : ي جماعة عاوزين نقول ليكم شي 

اماني :في شنو شايفاكم كم يوم م تمام 

بثينه :حتي انا ملاحظه في شنو ي جماعة

عبد الله: اصبرو خلونا نحكي

عبد القادر :في منافس لي شركتنا اسمو ليث هكر كل حسابتنا وارسل نظام فايروس ودمر الشركه والمستشفي  

وعرف اساسيات الشركه وملفات مهمة

محمد :لكن ارسال فايروس والكلام د كلو م شي بالساهل كد 

همام :ايوه وما اي زول بعملا 

عبد القادر :ليث د م اي زول ..زول ذكي وعندو واسطات وزول واصل وشركتو قويه 

عبد الله: احنا افلسنا كد وحيصادرو مننا ايشي 

عبد القادر : معانا لي بكرة نشوف بيت ننتقل فيهو حيشيلو مننا ايشي وما حيبقا لينا شي

اماني : انا عامله حساب بنك ماف زول عارف فيهو ومشتريه بيت من طابقين ومسجل باسم همس

عبد الله:خير م فعلتي همس د زوله م بتهظر كتيرر وما حيكون عارف عنها شي 

عبد الله(ولد عبد القادر ): ايوه انا عندي خطهه ونرد الصاع صاعين

همام برفعة حاجب :خطة ؟؟

عبد الله: ايوه خطه حنقدر نرد قروشنا وحقنا 

همام :اممممم 

بثينه: ايوه المهم كل شي يرجع 

عبد القادر: تمام

عبد الله :حقول ليكم الخطه فيما بعد بس خلونا نخلص العرس د بسلام  

عبد الله : خلاص ان شاء الله 

محمد :ان شاء الله بس العرس م يخرب 

عبد الله: يعني للساعات الجايه مفروض نكون متوقعين ايشي عشان كدا ايزول يلم حاجاتو وانا بكرة برسل الشغاله تنضف البيت حق اماني

بثينه: م تكلمو تسنيم 

عبد الله: اصلا م حنعمل كد هي عروس 

..الصباح ..

همس وتسنيم صحو في حماس وطلعو الكوفير ..

همس :حنرسم ونزبط روحنا

تسنيم : انا متوترة

همس : يبت د شي طبيعي 

..وبدو يجهزو فيهم لحدي م انتهو ولبسو الفساتين وايشي.. تسنيم كانت لابسه زفاف ابيضضض فاتح منطقة الاكتاف ويديهو طويله وعامله شعرا كعكه ولابسه تااج وهمس لابسه فستان سندريلا تلت ارباع وبرضو فاتح من فوق منطقة الاكتاف وكامل اليدين وفاكه الشعر.. وطلعو الحفلة كانت بي طه ..

همام وهو ماشي بسرعة ومقلق : ابوي وعمي الشرطه ديل برا 

الشرطه: عندنا امر قبض علي ...

#كسرة:

نتفق المواقف هي البتغير الزول ..سواء للاحسن او الاسوء .

يتبع...