الدكتور : والله ي جماعة المريضة د قبل شويه قلبها وقف وما اشتغل الا بعد عملنا الانعاش وزدنا الشحنه وحاليا هي دخلت في غيبوبه وعشان نتفادي ايشي وممكن نبضها يرجع يقيف او كدا فا انا شايف احسن تسافر وتتعالج برا البلد
همام :انا بسافر معاها
اماني : ناس شغلك م بدوك اجازة وانت كابتن م بيدوك وما معروف هي تصحا متين
ليث :انا بسافر معاها
همام :وشغلك
ليث : حانقل الشركة هناك
همام :اختي تمش معاك برا السودان وبراكم وفي شقة واحدة كد الناس حتاكل وشنا
ليث :انا اصلا م برضا اسوق بت عمي بدون رابط شرعي فعشان كد انا حاعقد عليها واسوقا
..كلهم سكتو وبقو م عارفين يقولو شنو ..
ليث :انا عارفكم بتفكرو في شنو ..انا اصلا كنت حاطلب يد همس كد كد
امل:طيب ي ولدي زين م عملت
ليان وهي مبتسمه وقالت بدون م تحس :واصلا همس وليث بحبو بعض لكن بكابرو ساي ، لمن انتبهت لي روحا لقت كل الناس بتعاين ليها وليث حمر ليها نظام فضحتينا
عبد الله (ابو همس): اذا كد م عندنا مشكلة ..كنت قايل اذا عرستها نقوم نضيع حياتك
امل :انا من اول م شفتها اتمنيتا تكون مرت ليث
..وبقو يتكلمو عنهم
ليث جرر نور ل ليان نظام د كلو بي سببك
ليان قالت ل ليث : 😁زلقة لسان 😁
ليث : د المرة الالف بقول ليك لمي خشمك عليك كل مرة فاضحانا
عبد العزيز: طيب العقد يكون بالمغرب عشان تسافر فوراا
ليث : ايوه احسن شي انا كنت حقول كد
همام :طيب اعقدو وسافرو طوالي واحنا هنا بنكلم الناس تمام
ليان بحماس :وبعد همس تفوققق يجو السودانن ونعملل حفلل فظيعع (ليان في شنو والناس في شنو😂)
ليث تاني حمر ليها وليان ختت يدها خشمها (ليث عيونو حتتقلع من التحمرير لي ليان 😂)
_المغرب _
..في الجامع كانو قاعدين ابو همس واعمامها واخوها واولاد اعمامها بما فيهم ليث عقدو وضربو الرصاص ورجعو المستشفي (اول عقد فالحياة تكونن العروس في غيبوبه وبدل يمشو البيت حيمشو المستشفي 🐸😂)وليث مشا حجز التزاكر والطيارة 11 بليل ، اماني وليان وبثينه وامل رجعو البيت وجهزو الشنط حقت ليث وهمس وكل شي بحتاجو عشان حيسافرو لندن
..الساعة 11 لمن جات كانو قاعدين وبودعو فيهم بعدها ركبو الطيارة وبعد 4 ساعات وصلو دبي ومنها ركبو طيارة بعد ساعات وصلو لندن وطوالي علي المستشفي دخلوها المستشفي وليث بات معاها الاسبوع الاول
الدكتور : حنخرجا وحتكون معاها ممرضة وانا بجيها كل يوم اشوفا حالتا
ليث : خلاص تمام
..طلعو همس من المستشفي وودوها البيت ومعاها ممرضة وشغاله وودوها شقة اشتراها ليث قريبة شديد من المستشفي ونقل شركتو هنا حتي الناس الشغالين فيها جو هنا ومجهزين ليهم سكن كامل لكل الشغالين وبدا يبني في فيلا عشان فكر يستقر هنا حتي بعد همس تصحي ...
#كسرة :
"' وسندا صالحاً ي الله ،،ان انعوجت الخطايا اقامها 💙💙"'
يتبع ...
