..همس صحت الصباح لقت روحا غرفة بعد شويه جمعت واتذكرت الحصل عاينت للساعة لقتا 5 وهم مسافرين 7 قامت جريي علي الحمام استحمت وصلت وجات كوت شعرا ستريت وقعدت تتمكيج جات الساعة 6 قامت تلبس لبست جامبسوت ازرق فيهو زي خطوط بهيه بالابيض (زي مثلا فرشة بهيه فيها لون ابيض رسمو ليها خط ..يخخ م حتتفهم بس اللهم يعني😂) رقبتو مثلثة وهيلز ابيض وسلسل رقيق فيهو اسما بالانجليزي بالفضي ساعة فضيه فكت شعرا وشاقاهو من النص وشنطة ملونه من ضمنها ابيض وازرق (الشنطه البتكون حول الخصر ديك ) وطلعت علي الشركه دخلت وسلمت علي ليث وليان وخالد لقتم منتظرنها فالمكتب جوا
ليان:همس كيف بقيتي من امبارح ؟
همس :احسن والله ..وثانكث ي ليث لو م انت م كنت حاعرف اعمل شنو
ليث: د الواجب
ليان:لبستك حلوة ي همس .
همس ابتسمت:تشيليها طوالي .
ليان :كفايه د اديتيني ليها برضو حلوة
همس : ااه م لاحظت ليها د برضو جامبسوت
..بعد شويه ركبو العربات وطلعو علي المطار ركبو الطيارة وبعد 4 ساعات وصللو عملو الاجراءات ودخلو الفندق اي زول دخل شنطو فالغرفة وطلع يفطرو (كانو نايمين فالطيارة)وبعدها عشان بعد شويه حيمشو للشركه طوالي يعني ..نزلو وفطرو واتحركو علي الشركه وبعد الاجتماع الساعة 4(عمليه هي ؟😭😭😭😭😂😂)
_في العربيه _
ليان:ليث ودينا مطعم من مطاعم دبي د نتغدا
خالد :د الفالحة ليهو مشواير بس
..وصلو ماكودنلز وطلبو اكل وعصير ..
همس :رايكم شنو بكرة نمش برج خليفة نفسيي شديد اشوفو
ليان :بجددد يخخخ كيفف نسييتت ...ي ليث بكرة حنمش برج خليفة ومنها نمش الملاهي يخخ عندهم ملاهي ولا في الاحلام
ليث :حنرجع بدري عشان معزومين حفلة فيها شركات عالميه
ليان: انت جادييي؟
ليث :ايوه ويلاا خلونا نرجع عشان ناخد راحه ورجعو الفندق واي زول انجدع نام ..
..الصباح ..
..صحو واتجهزو عشتن حيمشو برج خليفة اول ..طلعو مشو برج خليفة كانت حاجة كد فظيعة بس لفو للساعة 2 ظهر وبعدها مشو الملاهي من دخلو سمعو اصوات الصريخ والالعاب د حاجة خيالللللل قضو يومهم ورجعو اذان المغرب عشان يمشو الحفلة ويرجعو يلمو هدومهم عشان الرحلة الساعة 2 بليل ..بعد رجعو قعدو شويه وبدو يلبسو تاني (اللهم حياهه كهذهه 🐸كلها طلعات وعزومات 🐸😭😂) ..همس لبست فستان فيهو عنق ونص كم ونص الساق لونو بمبي فاتحح فيهو فيهو ورود بالبمبي درحة اغمق وصفق بني ورمادي هيلز ابيض وباققق بمبي بلون الورود وحلق طويل فيهو 3 دوائر واسورة رفيعة وفكت شعرا رجعتو لي ورا وخصل قدام روج بلون نود وايلانير وماسكرا(اهم شي 🐸)..ليان لبست فستان ابيض فيهو ورود بالازرق وصفق ازرق درجة اغمق من لون الوردة رقبتو مثلثة وهيلز ازرق مقفول من قدام وباقق ابيض وسلسل وحلق بالذهبي الشعر عاملاهو ضنب حصان لكن تحت (جمب الرقببه يعني )وخصل من قدام ولب قلوس وايلانير وماسكرا طلعو لقو ليث لابس بدلة كبدي وخالد بدلة رمادي طلعو ووصلو القاعة لقو خلق وعالمينن فيها قعدو فالطاوله وكل شويه يجي زول يسلم عليهم بعدها شغلو اغاني هادئه عشان الناس ترقص ..قامو خالد وليان وبدو يرقصو
ليث :م نفسك نجرب
همس : انا م بعرف
ليث : ساهل شديد بس قومي ..وقامو يرقصو هم زاتم وليث معلق عيونو في عيون همس
همس بتوتر: بعد كد خلينا نرجع
ليث: طيب
..ورجع قعدو فالطاوله وبعاينو للناس جات ليان..
ليان:مالكم رجعتو
همس:انا تعبت
ليان:ي بت انتي وقفتي ساعة؟ لكن صراحة كنتو حلوين شديد وكل الناس مركزة عليكم عقبال الدخلة 😉ضحكت وفاتت
..همس عملت روحا رايحة وليث ابتسم بس ..
..همس بقت مشغوله بالتلفون بتتكلم مع اهلها وليث مرة يعاين ليها ومرة يعاين للناس وزعو الاكل الناس رجعت محلها وبدت تاكل بادب والعصير بتوزع فالكبابي (ناس مهذبه شديد 😂😭 احنا هنا الشفع والنسوان يقابضو فالاكل والببسي يجرو ورا عربات الموزعين يبدلو فالببسي تحس كد في مجاعة مجاعة والزول لو م شرب الببسي او م اتعشا بشيلا معاهو البيت 😂😂😂😂😂😂حاله صعبه😂) الحفلة خلصت 11رجعو الفندق وارتاحو وقعدو بي هدوهم د عشان حيرجعو بيها وطلعو مم الفندق 12 عشان ييخلصو الاجراءات بعدها الطيارة اقلعت للسودان الساعة 2 ووصلت 6 صباحا اي زول رجع بيتو ونامو طوالي م حيكون في شغل ..
#كسرة :
كنت اتمني ان اعيش الحياة كما تريد نفسي ..
ولكن عاشت نفسي كما يريد زماني ..🌸
يتبع ...
