..الصباح ..
..ليث صحا اول من همس ..
ليث بصوت مبحوح :همسس
همس صحت : اا ايوه في حاجة ؟في حاجة واجعاك ..وختت يدها في جبهتو :الحمد لله الحمه نزلت
ليث وهو خاتي يدو في جبهتو:الحصل شنو وانا وين
همس: امبارح كنت قاعد تحت المطرة في توتي وجبتك هنا واظن جاك التهاب
ليث اتذكر ايشي وحاول يقوم : انا راجع البيت
همس مسكتو من اكتافو :لا اا خليك بضرب لي ليان تجيك
..همس شالت تلفون ليث لانو عارفة عارفاها حتكون حظرتا من تلفونا وضربت لي ليان
ليان بخوف وقلق:ليثث انت وين
همس : ليان انا همس و ..
ليان قاطعتا: ي حيوانه وينن ليث عملتي فيهو شنو
همس وهي مدمعة:ليث فااشقة حقتي وامبارح ..
..ليان فصلت الخط قبل همس تكمل كلاما ،همس مسحت دموعا ومدت التلفون لي ليث ومشت جابت ليهو الفطور وجات ختتو قدامو وطلعت قعدت فالهول ، بعد شويه باب الشقة ضرب مشت فتحت الباب حات ليان داخله ضربتا في كتافا ودخلت وهي ماشه
ليان:وين ليث
همش وهي منزله راسا :فالغرفة حقتي
..ليان دخلت لي ليث لقتو بياكل طلعت برا لي همس
ليان:لقيتيهو وين
همس : قاعد في توتي
ليان:وعملتي ليهو شنو ان شاء الله محموم وملتهب كد
همس :لقيتو قاعد فالمطرة وجبتو معاي هنا بس
ليان:تاني مرةة م تجيبي شقتك فاهمة م بضمنك انتي تقومي تعملي فيهو شي .. ودخلت لي ليث وطلعو من الغرفة
ليث : شكرا علي العملتي امبارح وانتي معزومه خطبتي من شهد
ليان:ايوه وبس م اتمني اشوف وشك د تاني وطلعو من الشقة
..همس قعدت فالكرسي وبقت تبكي بعد شويه جاتا فكرة في راسا قامت من الكرسي ومسحت دموعا واتحركت من مكانا
_في بيت ليث _
من دخلو لقو ابوهم وامهم منتظرنهم قعدو فالكرسي
امل بقلق :ي ولدي كنت وين من امبارح
ليان:في شقة همس
امل ختت يدها في صدرها:سجميي ..بس م تكون ..
ليان :امي م تفكري كد طوالي
امل : اها الحصل شنو وهمس كيف
ليث :همس طلعتت جاسوسه مرسله للشركه اسمها همس عبد الله ..وقت ليلي اختي عملت الحادث وديناها المستشفي طلعت حقت ابوها عبد الله وعمها عبد القادر بعد ليلي اتوفت انا م شفت الوحم الفي رقبتا وعرفت انها م اختي ..وصيت خالد يجيب ادق معلومات عن المستشفي د وطلعو بتاجرو بالاعضا وانا دمرت الشركه والمستشفي وسجنت عمها وابوها ولليوم هم مسجنونين و ..قاطعو ابوهو بي كف
عبد العزيز :ي ولد انت جنيت ..انت م بتامن بالقضا والقدر ولا شنو ..انت عارف انو عبد الله وعبد القادر هم اخواني ؟
..ليث وليان بقو مخلوعين..
ليان:لكن لكن من متين عندنا اعمام احنا وليشنو م حصل جونا او مشينا ليهم او شافونا او شفناهم
عبد العزيز اخد نفس وعاين بشرود : د كان غلطي انا.. من زماان وقت توزيع الورثة انا اتشاكلت معاهم وقطعت معاهم علاقتي وهم حاولو معاي كم مرة لكن انا ابيت وكنت بسمعهم كلام زي السم لمن هم تعبو من الكلام خلوني في حالي اما بالنسبه لتجارة الاعضا ف انا م بعرف شي زي د
...ليث ختا يديهو في وشو وبعد شويه طلع غرفتو وقفلا عليهو
ليث مع نفسو : ا ا انت كد خلاص خسرتها ي ليث خسرتهاا وبدا يبكي
..ليان طلعت من البيت وكانت ماشه علي شقة همس ركبت العربيه بعد وصلت الشقة لقت الباب مفتوح دخلت ولقت همس مرميه فالارض
ليان: 😳😳😳
#كسرة :
قد ينكسر فالنفس شي لا يجبره الف اعتزار 💔🥀!
يتبع ...
