احفــاد الغيـــث "الاصلية"

البارت «8»

الكـاتبــة لـيـان 🍃💚

🦋🤚ࢦا تيأس ﻣﺎ قډ ﻳﺆࢦمك ﺍݪيو۾، قډ يڪوڹ ﺳﺒﺒًﺎ ࢦقوتك ﻏﺪاً.🖤"

ᵈᵒ ⁿᵒᵗ ᵈᵉˢᵖᵃⁱʳ ʷʰᵃᵗ ᵐᵃʸ ʰᵘʳᵗ ʸᵒᵘ ᵗᵒᵈᵃʸ ᵐᵃʸ ᵇᵉ ᵃ
ʳᵉᵃˢᵒⁿ ᶠᵒʳ ʸᵒᵘʳ ˢᵗʳᵉⁿᵍᵗʰ ᵗ

༺༺༺༺༺༺༻༻༻༻༻
اصف:- بليل كلها نايمة واني جعت اخذت موبايلي ونزلت للمطبخ

دك موبايلي صبا طلعت احجي وياهة بالحوش سألتني ع ملف وبعدين دخلت للمطبخ وسمعت حركة وراي

درت وشفت ارجوان تريد تضربني رفعت ايدي وصارت الضربة عليها
.. اخخخخ

ارجوان:- حرامييييي

اصف:- كامت تصيح واني سديت حلكهة.. ولج اني اصف شبيج تخبلتي تالي الليل

ارجوان:- وخرت ايده وكتله... انتَ شتسوي بره واكف

اصف:- بعد اذا اريد اطلع بره استأذن منج اول شي

ارجوان:- مو عبالي حرامي ردت افلش مخك بالچفچير

اصف:- فلشتي ايدي

ارجوان:- شو اشوفهة تره ما بيها شي واصلاً ضربتك ع كيف

اصف:- بعد اذا ردنه نطلع من البيت ما نخاف ع البنات لان عايفين يمهن رجال بس يدخل الحرامي تتلگينه بالچفچير مالتج

ارجوان:- ايي لعد شعبالك تره اني وقت الرجولة رجولة ووقت الانوثة انوثة

اصف:- شتسوين نازله

ارجوان:- جوعانة نزلت اكل

اصف:- اني هم جوعان شراح تسوين اكل

ارجوان:- ما ادري هسه اشوف

اصف:- سوي بيض وطماطة

ارجوان:- شوف اني اعشق هاي الاكله بس اكوو مشكلة

اصف:- شنو المشكلة

ارجوان:- لمن اسويهة تصير مو طيبة

اصف:- لعد اثرمي طماطة واني اسوي

ارجوان:- انتَ منين تعرف

اصف:- اعرف اسوي بس هاي الاكله قبل لمن نكعد الصبح اني والولد حتى نروح للجامعة احنه نسوي ريوك النفسنه

ارجوان:- ثرمت الطماطة وانطيتهة اله ووكفت اباوع عليه لمن استوت الطماطة راد يطك البيض واني صحت

.. اووكف

اصف:- شكوو

ارجوان:- عليك الله لا تطك البيض هسه بس اغمس شوية بالطماطة وبعدين طكة احبها وهي ع النار..

جبت خبزة وكمنه نغمس اني وياه وناكل

اصف:- ولج كافي راح تخلص خلي اطك البيض وانتي احمي الجاي

طكيت البيض شوية واستوت وارجوان صبت جاي وكعدنه ع الميز ناكل
.. هاا شنو رأيج

ارجوان:- تخبلللل هاي لو اني مسويتهة هسه جان ما اكلنه بس انتَ طلعت خبرة