احفــاد الغيـــث "الاصلية"

البارت «17»

الكـاتبــة لـيـان 🍃💚

لدي صديقة تعادل الفين نجمة تلمع في السماء. دائمًا مضيئة تمدني بالنور دائمًا 💫...

I Love yuo my best friend...❤

༺༺༺༺༺༻༻༻༻༻༻༻جيلان:- صارت عركة شكبرهة احنه ورزان وصديقاتها ناس سحلت ناس انوب اجت المديرة اخذتنه كلنه للادارة وخابرو ع ولي امرنه

بقت المديرة تصيح وترزل حتى ما سألت ع شنو تعاركنه واني قميصي انشك وجتفي كله طالع وريم وحور ولا عبالك متعاركات كلشي ما بيهن

شوية ودخل علي بملابسة العسكرية باوع ع حالتنه وانصدم حقه والله صدك مبين علينه متعاركين سألنه..

علي:- شصاير بيجن

المديرة:- تفضل اني احجيلك

علي:- ممكن اعرف ليش هيج حالتهن

المديرة:- متعاركات هنه وزميلاتهن

علي:- السبب؟

المديرة:- ما اعرف اسألهن هنه

جيلان:- باوعت علينه المديرة وكامت ترزل والله لو ما عيب جان هي هم سحلتها ويه ذني..

المديرة:- تره انتن هنا بـمدرسة مو حلبة مصارعة دخلت عليجن عبالك ولد يتعاركون مو بنات

جيلان:- هنه الي بدن اول شي

المديرة:- انتييي اسكتييي

علي:- لا تصيحين عليها وخلي تحجي شنو سبب هاي المشكلة

جيلان:- رفعت القميص مالتي ع جتفي وعلي شافني نزع سترته العسكرية وغطاني بيها وبقه بالبدي نص ردن

باوعت ع رزان وصديقاتها شفتهن صافنات ع علي والله ردت اكتلهن مرة ثانية ريم جانت واكفة بصفي همستلي..

ريم:- غطاج بالسترة مالته عود يغار عليج وكذا

جيلان:- انجبي مو وقتج

علي:- هسه اكدر اعرف شنو سبب المشكلة

جيلان:- بعدني ما حاجيه ودخلوو ليث وايهم باوعو علينه بصدمة وحجو..

ايهم:- يمه هاي شبيهن اخواتي

ليث:- مبين من حالتهن مسحولات خوش سحلة

جيلان:- علي والله هنه الي بدن بالبداية

رزان:- احنه شعلينه انتي ضربتيني

حور:- يعني ضربتج بدون سبب موو

رتيل:- وانتي شعليج دخلتي نفسج بالمشكلة ست شوفي ايدي شلون عضتني

حور:- والله لو ما جاية المديرة جان شلعت لحمة منج

ليث:- ما شاء الله مبين سنونج حادات