احفــاد الغيـــث "الاصلية"

البارت «26»

الــكــاتـبــــة لــــيــــان.. 🕊
______________________♡...

ڪوني فتاة لا تتباهى إلا بعقلها 🤍..

Be a girl who only flaunts her mind..

 
بنات لا تنسون التصوريت للقصة + التعليق ؏ الفقرات وشنوو رأيكم بيها..

♡•♡•♡•♡•♡•♡•♡•♡•♡•♡•♡•♡•♡•

علي:- ليث اطلع بره لا اكوم اجنزك

ليث:- هاي لو جيلان جان هم طردتها

علي:- لا

ليث:- بس اني المگرود تطردني مع الاسف ؏ الخوه

علي:- ممكن تنجب

ليث:- لا مو ممكن

علي:- استغفرالله هسه انت شتريد بهالليل مگابلني وكاعد

ليث:- مشتاقلك

علي:- دمشي روح يم ايهم تكك الثاني

ليث:- شنوو نعالات احنه ودگول تكك الثاني

علي:- اسف خاف انزعجت حضرتك او ضجت من هاي الكلمة

ليث:- ايي كلش ضجت وهسه تلگه ايهم مشغول بس اروح يمه هم يطردني

علي:- بشنوو مشغول حضرته

ليث:- هاا بالشغل بگد ميحب الشغل كام حتى بالبيت يشتغل

علي:- حتى جذبك الله گالبه..

نحجي ومنحس غير اندفر الباب حيل ودخلت جيلان معصبة

جيلان:- لككك ليييث

ليث:- يا ستار شكوو

جيلان:- اني اعلمك

ليث:- قبل لا تعلميني گليلي شمسوي

علي:- جانت اكوو تحفية ؏ الميز شالتها واجت تركض ؏ ليث وهو طفر ختل وراي

.. شكوووو

جيلان:- ياااا خبيييث

ليث:- ولج شبيج تخبلتي تالي الليل

جيلان:- انت خبلتنه بسوالفك المكسرة

علي:- شمسوي لك

ليث:- والله اليوم كلشي ما مسوي

جيلان:- متأكد يعني

ليث:- طبعاً متأكد

جيلان:- خلي اضربك ؏ هذا دماغك الي محجر بلكت تذكر

علي:- شوو انطيني هاي البيدج واكعدو خلي نحجي ونفهم شصاير بدون مشاكل..

اخذت منها التحفية رجعتها بمكانها وكعدتها بصفي ؏ التخم وليث كعد كدامنه وهي بس تخزر بيه

ليث:- لا تبقين بس تخوزرين لا افگس عيونج

علي:- انجب لك

ليث:- هسه غير تحجي شكوو هدت عليه بنص الليل تريد تطشر مخي بالگاع واني ما ادري شنوو السالفة