احفــاد الغيـــث "الاصلية"

البارت «15»

الكـاتبــة لـيـان ☄️🧡

ربما الشيء الذي تدعو الله به ... مقدر لك !
لكن المسألة هي الوقت فقط

༺༺༺༺༺༻༻༻༻༻༻
جيلان:- ثاني يوم رحنه للمدرسة جان دوامنه ضهري وما عرفنه البارحة عمتي شتريد اجت بس شفناهة لمن طلعت جانت فرحانة وامي وعماتي ضايجات ما ادري ليش

رجعنه للبيت بس دخلنه شفنه علي طلع بسرعة من البيت عصبي كلشش وليث يركض وراه دخلنه جوه ومنعرف شنو السالفة سألنه ماما وعماتي يگولن ماكو شي

والولد كلهم طالعين بس جدو كاعد بالصالة ضايج وبيبي كاعدة يمه بدلنه وتغدينه وصعدنه كعدنه فوك..

•••••••••••••••••••••••••••••

ليث:- الضهر كاعدين بالاستقبال اني وعلي وجدي والولد كلهم طالعين وجدي حجه..

الجد:- البارحة اجت عمتكم ام سامر وزوجها

ليث:- شوكت اجوو شو ما شفناهم

الجد:- البارحة العصر اجوو يردون يخطبون الـ سامر

ليث:- شنو يردونك تروح وياهم

الجد:- لا خطبو من عدنه

علي:- شنو خطبو من عدنه يعني وحدة من البنات

الجد:- ايي

ليث:- واكيد انت ما قبلت لان تعرف سامر شنو

الجد:- ايي اني ما قابل بس ما ردت اكسر بخاطر عمتك گتلها اسئل البنية وارجعلهم جواب

علي:- بس جدي ميصير هيج حتى اذا قبلت احنه منقبل

ليث:- ايي جدي صح تعرف سامر عنده سوالف مكسرة

الجد:- ايي ادري بس بالبداية نسئل جيلان نشوف شنو رأيها

ليث:- علي جان كاعد وبس جدي گال اسم جيلان طفر والشرار يطلع من عيونه..

علي:- شنووووو

ليث:- شبيك علي

علي:- جدددي شنووو تسئل جيلااان

الجد:- علي لا ترفع صوتك

علي:- جدي هذا الموضوع سده وحتى جيلان لا تسئلهة

الجد:- علي ادري انت ليش رافض السالفة بس لازم نسئل البنية يمكن هي قابلة

علي:- شنووو قابلة بكيفهااااا هييي

الجد:- عليييي

علي:- وهذا العار طلع مخلي عينه عليها اني اعلمه

ليث:- علي عافنه وطلع بسرعة عصبي واني لحگته صعد بالسيارة وصعدت وياه وكام يسوق سريع گتله

.. علي شبيك تخبلت وين رايح

علي:- اذا ما اموته الهذا العار