احفــاد الغيـــث "الاصلية"

البارت «24»

            "الــــــكــــــاتــبــــــة لــــــيـــــان"

     _________________________________

تَضاهرت بإن كَل شيء عادياً بينما هو كَان يَحطمني كَثيراً.🖤

pretended everything was normal while it was breaking me so much.

_________________________________♡•
_________________________________♡•

جيلان:- البنات كلهن بالمطبخ بس اني كاعدة بالصالة لان سمر وسحر بالمطبخ وما اريد اوكف يمهن لان متأكدة اذا ابقه واكفة اتعارك ويه سمر

شوية وكمت گلت اساعدهن واطنش ذني وصلت الباب المطبخ وشفت علي دخل تلقائياً باوعت ؏ سمر شفتها باوعتله وابتسمت وبعدين حجت..

سمر:- هلاو علي

علي:- هلا

سمر:- شلونك

جيلان:- قبل لا يحجي علي دخلت اني للمطبخ وگتله

.. حبيبي شوكت اجيت

باوعلي ومبين مصدوم مني رحت وكفت يمه ولزمت ايده

.. تدري اشتاقيتلك همزين اجيت هسه

علي:- هاا

جيلان:- عماتي جوه روح سلم عليهن

علي:- ايي رايح

جيلان:- يباوعلي بستغراب وبعدين طلع من المطبخ باوعت ؏ سمر شفتها خازرتني ابتسمت وشمرت شعري بغرور وكعدت ؏ الميز بنص ريم وحور..

ريم:- ما عرفتج

حور:- اني هم

جيلان:- ههههههه علي انصدم

ريم:- حتى احنه دشوفي البنات شلون يباوعن عليج

جيلان:- باوعت عليهن شفتهن كلهن يباوعلي بـستغراب ضحكت ؏ شكلهن

حور:- هاي الغيرة هيج تسوي

ريم:- هههههههاي

حور:- شكوو

ريم:- انتظري حبيبتي جايج الدور

حور:- دور شنوو

ريم:- بعدين تفهمين

سمر:- جيلان

جيلان:- نعم

سمر:- شلونكم انتي وعلي

جيلان:- تمام

سمر:- وعلاقتكم؟

جيلان:- مثل القشطة

ارجوان:- ولج يا قشطة غير تخبل النظرات الي بينكم وغزلكم وتصرفاتكم ويه بعض موضوع ثاني اووووي فدوه

سمر:- تصرفات شنوو

ارجوان:- كل ميشوفها يبوسها بخدهة حتى لو كدامنه عادي ميهتم وميكعد اله بصفها ويتغزل بيها كدامنه وبعد كووومه اشياء يشهون الواحد ينخطب