احفــاد الغيـــث "الاصلية"

البارت «29»

الـكـاتبــــة لـــيـــان..♡
____________________♡
____________________♡

هالمرة ما اتأخرت عليكم😹💛

لا تنسون التصويت + التعليق ؏ الفقرات

                 __________________

              بشـتى الطُـرق وأجمـلُهـا ...... احبك
              بـات حُبك مُلـهمـي.....
             وأعـتَرف لك ... اني إليـك انتمي
             يا وطـني و مـأمنـي.. ♡🕊

♡••♡••♡••♡••♡••♡••♡••♡••♡••♡••♡

جوان:- بقيت افكر هاي منو الي يحبها ادم شو ما مبين عليه يحب ردت احجي وياهم وليث حجه قبلي..

ليث:- العباس عليك سؤال

ادم:- اسئل

ليث:- منو هاي الي عيونها مرمرنك

ادم:- جوان

جوان:- گمزت ورفعت راسي لگيت ادم يباوعلي ومصغر عيونه وحجه وياي..

ادم:- جوان ليش واكفة هنا

جوان:- هاا شسمه تعالوو تريگوو

ادم:- ايي روحي انتي هسه نجي احنه

جوان:- عفتهم ورحت وللاسف ما عرفت منو الي يحبها ادم امداني لو خاتلة بمكان واتسمع عليهم جان ما شافني

ياااا هاي اني شبيه صرت فضولية شعليه بيه واذا يحب بس منو الي يحبها..

جيلان:- الووو ويين وصلتي

جوان:- هاا وياي

جيلان:- شبيج تحجين ويه نفسج

جوان:- ما ادري يله امشي..

رحنه كعدنه وشوية واجوو الولد واني باعت ؏ ادم وبقيت افكر يا تره منو هاي الي يحبها ولا فد يوم حسيت بيه يحب بنية حتى نصدمت هسه

احجي بگلبي واباوع عليه وفجأة رفع راسه وباوعلي شافني اباوعله هزلي راسه بمعنى شكوو واني بسرعة درت وجهي منه

لج غبية ثوله انتبهي لا تبقين بس تتصفنين عليه ويشوفج وهم تتفشلين انوب المشكلة فشلاتي كلها تصير وياه

وين ماكوو موقف محرج يصير بيه كدامه كل فضايحي كدامه خرب كل ما اتذكر مواقفي الي تفشل وياه تحصرني البچية

كملنه ريوك وكمنه شلنه الاماعين غسلنه وعزلنه المطبخ ورحنه كعدنه..

___________________________

حور:- كمنه اني وريم نتمشه بالحديقة اباوع عليها تمشي ومبتسمة ضحكت وگتلها

.. انتي شبيج مكشرة

ريم:- فرحانه

حور:- ليث سبب فرحج موو

ريم:- ايي كلام البارحة الهسه يرن بأذني كل ما اتذكر تلقائياً ابتسم