احفــاد الغيـــث "الاصلية"

البارت» 32»

الـكـاتبــــة لـــيـــان.. ♡
___________________♡
___________________♡

                 «»«»«»«»«»«»«»«»
                راح اسجل روحي بأسمك..
               حتى اضـل كـل عمـري يمـك..
                   انت بـس خليـك يمـي..
                  خلـي انسـى ويـاك همـي..♡

꧁꧂꧁꧂꧁꧂꧁꧂꧁꧂꧁꧂

جوان:- واكف كدامي ومحاوطني من الجهتين حتى ما اگدر اشرد شكلي غصباً عليه راح احجي الحقيقة رفعت راسي باوعت عليه وگتله

.. ادم فدوه خلي اروح

ادم:- احجي وبعدين روحي

جوان:- انت شتريد تعرف بالضبط

ادم:- ليش تراقبيني

جوان:- ما مراقبتك

ادم:- ليش تفتشين بغرفتي

جوان:- ما مفتشة

ادم:- لعد شنوو جنتي تسوين قبل شوية

جوان:- مو گتلك خليت الملف مالتك

ادم:- تحجين الحقيقة لو لا

جوان:- حجه هاي الجملة بنتر وقرب وجها عليه واني مدري شبيه طگيتها بچيه وهو باوعلي بستغراب وگال..

ادم:- شبيج

جوان:- بچيت بسبب الموقف الي حطيت نفسي بيه وهو يحاول يسكتني..

ادم:- هسه ليش تبچين

جوان:- والله خليت الملف بالكنتور اذا تريد شوف

ادم:- ايي صدگتج كافي بچي

جوان:- لا خلي اشوفك..

وخرت منه وفتحت الكنتور طلعت الملف انطيته اله واحجي

.. شوف هذا وگع بالگاع وشلته

ادم:- ولج والله صدگتج

جوان:- غير انت دگول تفتشين بغرفتي

ادم:- اتشاقة وياج بس امسحي دموعج

جوان:- يحجي وياي ويمسح بدموعي واني مستمرة ابچي عبالك بوري وانفتح..

ادم:- هسه انتي ليش تبچين

جوان:- كله من وراك

ادم:- طرگاعة طاحت ؏ راسي شيصير وياج وگلتي من وراك

جوان:- ايي لان صدك انت السبب

ادم:- خوش اني السبب بس اسكتي

جوان:- هدئت ومسحت دموعي وهو بعد ما حجه شي يخاف ابچي مره ثانية

.. هسه اگدر اروح

ادم:- ايي روحي

جوان:- وخر من كدامي واني ما صدگت طلعت بسرعة من الغرفة وسمعته گال..

ادم:- الله بلاني بطفلة

جوان:- رحت للحمام غسلت وجهي ونزلت جوه يم جيلان ندرس للعصر كلش يله كملنه وصعدنه فوك ورجعت ريم من المول