احفــاد الغيـــث "الاصلية"

البارت «14»

الكـاتبــة لـيـان 🍃💚

كلما ضاقت عليك الحياة وامتلأ قلبك باليأس فتذكّر أن الله سيُحدث لك أمراً لم يكُن بالحسبان🤎.

༺༺༺༺༺༺༻༻༻༻༻
ليان:- يمنه ابن عمي مروان واني عادي عندي ميانه وياه كاعدين نسولف ونضحك اني وياه اندك الباب طلع اياد فتحه

شوية ودخل تيم شافني اضحك ويه ابن عمي طگني بخزرة خالاني انجب واسكت سلم وكعد انوب هذا سوالفه تجبرك تضحك

وتيم شبعني خزرات اخير شي طگت روحي عفت الاستقبال كله وطلعت كعدت متوترة گلت اكيد راح اشبع رزايل

نص ساعة واجه اياد گال تيم بالحوش يريد يحجي وياج ويروح اني ادري بنفسي راح اترزل بس للاسف طلعت وصلت يمه وگتله

.. هلاو تيم

تيم:- هلا بيج شلونج

ليان:- شفته يحجي طبيعي ابتسمت وگتله.. بخير

تيم:- ايي طبعاً بخير اذا صارلج ساعة كاعدة يم هذا سوالف وضحك

ليان:- تيم شبيك تره هذا ابن عمي

تيم:- شلون تريدني اسحلهة هي وابن عمها

ليان:- هسه انت معصب لان كاعدة يمه

تيم:- لج دخلت بعدني بـ باب الشارع واسمع صوت ضحكتج طلعتي تضحكين ويه هذا صخام

ليان:- اسمه مروان

تيم:- ادري اسمه صخام

ليان:- بقه هو يرزل واني اجاوب ما ادري منين طلعلي هذا اللسان اخير شي تعاركنه وعافني وراح واني دخلت جوه معصبة واحجي عليه

لين:- شبيج

ليان:- ما بيه شي

لين:- لعد شبيج عصبية ودردمين ويه نفسج هاا متعاركة ويه تيم موو

ليان:- شوفي وخري مني لا اذب حركتي كلها بيج

لين:- طكن فيوزاتج اروح احسن

ليان:- كمت اريد اكتلها بس شردت وتضحك عليه بقيت النهار كله هيج كاعدة وما طايقة نفسي گلت هسه يخابر او يدز رسالة ويعتذر مني بس ماكوو..

•••••••••••••••••••••••••••••••

ليث:- كاعدين ومنتظرين يجي واحد يفك اسرنه صح احنه محبوسين بس ما ندمنه ع المقلب الي سويناه ههههههه

انوب ملينه من الكعده شفنه صناديك حديد سحبناهن وكعدنه بالكاع ندك عليهن ونغني

.. انا البندورة الحمرة مزروعة بين الخضرة

الشباب:- انا البندورة الحمرة مزروعة بين الخضرة

ليث:- تاكل مني ما تشبع وتصير خدودك حمرة

الشباب:- تاكل مني ما تشبع وتصير خدودك حمرة

ليث:- وتصيررر خدوودك حمرررررررة