احفــاد الغيـــث "الاصلية"

البارت «25»

          ♡•• الـــكـــاتـبـــــة لــــيــــان ••♡
    _________________________________

بـشـتـى الـطُـرق وأجـمـلُـهـا ...... احـبـك
بــات حُـبـك مُـلـهـمـي.....
وأعـتَـرف لـك ... انــي إلـيـك انـتـمـي
يـا وطـنـي و مـأمـنـي.... ♡🕊

♡______♡________♡________♡________♡

ريم:- صار يومين ؏ اختفاء علي والهسه ماكوو اخبار عنه وادم راح للمركز الي داوم بيه علي بغير محافظة وحالتنه مثل ما هي

عمتي لو تبجي لو تصلي وتدعيله وجيلان حابسه نفسها بغرفة علي حتى جوه متنزل الكل مدمر ؏ غياب علي

وليث يحاول يبين نفسه قوي كدام امه بس اكثر من مرة شفته كاعد وحده ويبجي واني بهاي الفترة صايره بين ارجوان وليث وجيلان اهتم بيهم سوه

صعدت فوك بغرفة علي دخلت لگيت جيلان ؏ نومتها نايمة ؏ چربايته وحاضنه قميصه واذا تكعد تبقه بس تبجي

.. جيلان كومي

جيلان:- هااا اجه علي

ريم:- طفرت وحجتها بلهفة حتى ما عرفت شحجي دمعت عيوني بس حاولت ابين نفسي قوية كدامها وگلت

.. كومي اكلي شي

جيلان:- ما اريد

ريم:- جييلان ميصير هيج كومي بسرعة

جيلان:- گتلج ما اريد عوفيني اريد انام

ريم:- صارلج يومين بدون اكل..

بقيت احجي وياهة وهي متقبل دكوم اخير شي غطت راسها وسكتت عفتها وطلعت لاگاني ليث بالصالة الفوك..

ليث:- شبيج

ريم:- جيلان صارلها يومين متقبل تاكل حاولت احجي وياهة ومتقبل

ليث:- بعدهة بغرفة علي

ريم:- ايي

ليث:- امشي وياي خلي اني احجي وياهة

ريم:- رحنه للغرفة وراح ليث شال الغطة من راسها وهي باوعت عليه ورجعت غمضة عيونها

ليث:- شوو اكعدي

جيلان:- ليث عوفوني فدوه

ليث:- خلي احجي وياج وارجعي نامي شوو كومي اكعدي يله

ريم:- كامت عدلت كعدتها وليث كعد كدامها ويحجي وياهة..

ليث:- ليش متاكلين

جيلان:- ما اريد

ليث:- جيلان لا تسوين هيج يعني بدل مدكومين تصلين وتدعيله يرجعلنه بخير حابسه نفسج بالغرفة وتبجين ولا تاكلين ولا تشربين

جيلان:- ليث ما اكدر ما عندي طاقه اتحرك منا لهناك

ليث:- كومي الخاطر علي قوي نفسج لا تصيرين ضعيفة اني ما اعرفج هيج وين جيلان القوية