احفــاد الغيـــث "الاصلية"

البارت «12»

الكــاتبــة لـيـان 🍂🧡

كلما ضاقت عليك الحياة وامتلأ قلبك باليأس فتذكّر أن الله سيُحدث لك أمراً لم يكُن بالحسبان🤎.

༺༺༺༺༺༺༻༻༻༻༻
جوان:- فتت من غرفة جيلان وسمعتها تصيح فتحت الباب وگتلها ويامن تحجين وهيَ كمزت ووكع الموبايل من ايدها

ودارت عليه بسرعة وجهة اصفر لمن شافتني كعدت بالكاع وخلت ايدها ع گلبها وبجت واني ركضت كعدت يمها

.. جيلان شبيج حبيبتي ليش تبجين

جيلان:- عبالي واحد من الولد

جوان:- وليش خايفة..

اباوع عليها بس تبجي حتى متكدر تحجي كومتها كعدت ع الجرباية جبتلهة مي شربت وبقيت كاعدة يمها الحد ما هدئت وسألتها

.. جيلان ليش هيج خايفة وعلى منو تصيحين قبل شوية

جيلان:- سامر

جوان:- شبيه

جيلان:- خابرني من موبايل عمتي

جوان:- عزه بعينه شيريد..

حجت السالفة كلها لمن حجه وياهة بالحوش وهسه لمن خابرهة..

جيلان:- ومساعة لمن دخلتي للغرفة عبالي واحد من الولد خفت يشوفوني احجي وياه وعبالهم عندي علاقة بيه

جوان:- شوفي هو راح يبقه دائماً يزعجج لازم تحجين للولد وهمه يصرفون وياه

جيلان:- مستحيل اكيد اذا عرفو شلون يباوع عليه وخابرني راح تصير مشكلة وانتي تعرفين همه يضوجون من سامر لان عنده سوالف مكسرة

جوان:- ايي ادري بس اذا سكتي راح يتماده اكثر جيلان احجي قبل لا تصيرلج مشكلة بسببه

جيلان:- ما اكدر جوان حايرة ما اعرف احجي لو اسكت

جوان:- هسه انتي نامي وارتاحي ولا تخافين وانشالله تخلصين من هذا بدون مشاكل..

تمددت ع الجرباية وغطيتها وبستها وگتلها لا تخافين كلشي راح ينحل ورحت الغرفتي

هي تخاف تحجي لان الولد اذا عرفو مستحيل يحلون السالفة بهدوء واذا سكتت هذا راح يتماده وياهة اكثر وتوكع بمشكلة اوووف..

نزلت جوه يمهم كاعدين يسولفون وليث كل شوية يتحارش بواحد ومحد يگدر يسويله شي لان مريض وهو مستغل الوضع هههههههههه

ليث:- اكوول تيم

تيم:- شكو

ليث:- شخبار خطيبتك

تيم:- شعليك

ليث:- شبيك عزيزي غير نطمن عليها

علي:- انتَ ما تعبت من الصبح الـ هسه لسانك يشتغل

ليث:- هو اني صوچي اسولف وياكم هاا اهاا سكتت بعد ما احجي

ايهم:- اكص ايدي اذا تحملت وما حجيت شي