احفــاد الغيـــث "الاصلية"

البارت 48 (الجزء الثاني)

"احفاد الغيث"

12:12 بمناسبة هذا الوقت الحلوو والمُمَيز الي احبه اكتبوو امنياتكم هنا ومن تتحقق تعالوو گولو تحققت♥️

اسفة تأخرت عليكم بس جنت مريضة وما گدرت اكتب

‏ثم يعوّضك ، و ما أدراكَ ما عوَض الله.

يلا ابدو بسم الله..

------------------------------

رحيق:- فتحت عيوني لگيت نفسي بعدني بحضن كرم وحتى هو نايم باوعت گدامنه وانصدمت صدمة عمري اتمنيت الگاع تنشگ وتبلعني لو ميتة ولا هالموقف

العائلة كلها گدامنه وشافونه بهذا المنظر اباوع عليهم مغلسين محد يباوع علينه كل واحد مسوي نفسه ملتهي بشي

هذا الي ملتهي ب اطفاله وهذا الي يباوع بموبايله وهذا الي يسولف الاا ايهم مگابلنه وگاعد يباوع علينه وخازر كرم خزرة معدلةةة

وانس وليث الميستحون كاتمين ضحكتهم ويباوعون علينه لحظة هاي اني بعدني بحضنه!! طفرت طفرة وگفت على حيلي عمري كله ما طافرة هيج

وگفت على حيلي مصدومة نزلت راسي خجلانه احسني مسويه مكسورة بقيت واكفة چني شمعة فگر وليث وانس طگوها ضحكة

هم ضحكوو واني دمعت عيوني ومن حرگة گلبي دفرت رجل كرم وهو گمز وفز انوب من دفرته كلها شافتني وصارو يضحكون