احفــاد الغيـــث "الاصلية"

البارت «23»

        •••♡الـــــكـــــاتـبـــــة لـــــيـــــان♡•••

      ••♡••♡••♡••♡••♡••♡••♡••♡••

ربما الشيء الذي تدعو الله به ... مقدر لك !
لكن المسألة هي الوقت فقط

Perhaps the thing that you pray to God with ... is destined for you! But it is only a matter of time 🕊

༺♡༻༺♡༻༺♡༻༺♡༻༺
جيلان:- تقرب علي عليه واني غمضت عيوني وما حسينه غير اندك الباب گمزنه ثنينه واني طفرت وحجيت بصوت ناصي

.. عززززه علي لكفونه

علي:- منووو

ام علي:- اني يمه يلا كوم شعجب اليوم ما كعدت

علي:- ايي يمه انتي نزلي وهسه اجي وراج

جيلان:- راحت واني تنفست براحة وگلت

.. الحمدلله عبالي راح يداهمونه

علي:- تحسسيني اني صاحبج مو خطيبج

جيلان:- مو هيج قصدي بس شسمه

علي:- شسمه

جيلان:- استحي يشوفوني يمك بالغرفة هسه شيفكرون

علي:- ميفكرون بشي لان مو الكل تفكيرة وصخ مثل تفكيرج

جيلان:- اييي كلش تفكيرهم نظيف من ليث وشيل ايدك وهسه ممكن تنطيني المفتاح..

طلع المفتاح وراح فتح الباب واني ردت اطلع وهو لزم ايدي وگال

علي:- مرة ثانية لمن تردين تحجين ؏ شخص باوعي زين يمكن يطلع واكف وراج هاي اولاً وثانياً كلام البارحة والغزل راح اعبره الج بمزاجي بس يا ويلج اذا نعاد مرة ثانية

جيلان:- اني ما متغزله تره بس گلت حلوو لا اكثر هاي اولاً وتره انت حبستني الليل كله هنا علمود هاي السالفة بعد شنوو دگول عبرتها بمزاجك هاي ثانياً وثالثاً ممكن تعوف ايدي اريد اروح..

اني احجي وهو يباوعلي ورافع حاجبه انوب عاف ايدي واني شلت شعري وشمرته بغرور وعفته وطلعت سمعته گال..

علي:- عدهة لسان اطول من حياتي اكلتني وشربتني لو ساكت احسن

جيلان:- ضحكت ونزلت جوه كعدت شوية ونزلن البنات بس ريم ماكوو

جوان:- صباحووو

جيلان:- صباحوو

رحيق:- هاي ريم الف مرة كعدتها متقبل دكوم بعد معليه بيها

ارجوان:- ليش البارحة مو صعدت قبلنه گالت اريد انام

رحيق:- جذابة ما نامت بقت الليل كله تباوع بالموبايل

جيلان:- اني رايحة اكعدها..

صعدت الغرفتها لگيتها شلون نايمة نومه عبالك معركة حاضنه مخدتها حيلل والغطة ملفوف عليها ورجلها نازلة من الجرباية والكفشة موضوع ثاني