احفــاد الغيـــث "الاصلية"

البارت «43»

الـكـاتـبــــة لـــيـــان..♡
________________♡
________________♡

لا تـنـسـون الـتـصـويـت + الـتـعـلـيـق ؏ الـفـقـرات

                  __________________

           يواهـس تضحـك الدنيـا ؏ شفافـك..
           يبـو الليـل الحلـو اليلعـب ؏ چتافـك..
           احـس روحـي تأمـن بيـك وتخافـك..
        واحسـك لغـز شنهـو انت وشنـو اوصافـك..♡

꧁꧂꧁꧂꧁꧂꧁꧂꧁꧂꧁꧂

ريم:- وصلت يمه وناويه ارزله لان نزلني بهل وقت ردت احجي واستوقفني المنظر بقيت صافنة ومصدومه من الي گدامي

جان مزين المكان الي يم شجرتنه بالورد الاحمر والشموع وهو واگف بنص بقيت واكفة واباوع حتى ما حجيت شي

وهو تقدم عليه لزم ايدي باسها وسحبني وياه وگفني بنص الورد والشموع

.. ليث شنوو كل هذا

ليث:- هسه تعرفين

ريم:- گال هيج ورجع ليوره شوية وركع گدامي وطلع علبه صغير بيها حلقة فتحت عيوني ؏ وسعهن من الصدمة وهو مبتسم..

ليث:- غزالتـي

ريم:- هــ... هاا

ليث:- تقبلين تصيرين رفيقة عمري والشاهدة ؏ كل لحظاتي وصاحبة گلبي الابدية والوحيدة

ريم:- يحجي بهدوء وبطريقة رومانسية واني بعدني مصدومه واباوع عليه..

ليث:- غزالتـي تقبليـن تتـزوجينـي

ريم:- هاا

ليث:- تتـزوجينـي؟

ريم:- راكع گدامي ومنتظرني اجاوبه واني مدري شبيه صابني الثول حتى ما حجيت شي..

ليث:- ولج احجي موافقة لو لا رجليه گامن يوجعني

ريم:- ايي اييي موافقة

ليث:- صلاوات واخيراً نطقت

ريم:- ضحكت وهو طلع الحلقة من العلبه ولبسني وباس ايدي وگام واني حضنته بسرعة حيل وگتله

.. شگـد احبـك واحـب روحـك الي اخـذت روحـي

ليث:- واني هم اعشگـج حبـج تعـدى هالگلـب وتعداني

ريم:- ابتعدت منه وبسته بخده وگعدنه يم الشجرة بنص الورد والشموع وليث يباوع عليه وساكت حسيت خجلت من نظراته نزلت راسي

ومد ايده خله گذلتي وره اذني وبعدين مسح بأصبعه ؏ عيني بخفه ونزل ايده الخدي وحجه..

ليث:- بياضج وشعرج الاسود وعيونج العسلية هاي كلها كارثة ؏ گلبي

ريم:- وانت شعرك الاسود وعيونك الي بلـون بن الگهوة وضحكتك القمرية هاي كلها كارثة ؏ گلبي..