احفــاد الغيـــث "الاصلية"

البارت «18»

الكـاتبــة لـيـان 🌚❤

༺♡༻ ༺♡༻ ༺♡༻
كوني قوية فأنتي م̷ـــِْن شهد القرأن علـّۓ. كيدها 👑🖤

༺༺༺༺༺༺༻༻༻༻༻
حور:- اليوم بابا صار عنده شغل بالبصرة وراح يبات هناك يعني بقينه بالبيت بس اني والحياية حشى الحياية منهن

بقيت انتظرهن ينامن حتى ابلش بـخطة ريموو صارت الساعة وره 12 وكمت اشوف الوضع بالبيت لگيت الكل نايم ابتسمت لمن تخيلت شيصير بيهن ههههههه

نزلت جبت طحين بـماعون واخذت چراچف بيض اثنين وصعدت اخذت موبايلي ودخلت الغرفة غدير ع كيفي علگت الچرچف ع الحايط

وشغلت فلاش الموبايل واصوات تخوف والله اني لمن سمعتها خفت هههههه عليت الصوت وخليت الموبايل جوه الچرچف صار عبالك شبح

سويت هذا كله وهاي الثولة نايمة ولا كعدت طلعت وسديت باب غرفتها ورحت جبت الچرچف الثاني ولايت يدوي وجبت ماعون الطحين

طفيت اضوية الصالة الفوك صارت ضلمه وكفت كدام غرفة غدير وغطيت نفسي بالچرچف وحضرت ماعون الطحين وگلت

.. هل انتي مستعدة للانتقام هياا انطلاااق

گلت هيج ودفرت باب غرفتها حيللل و وكفت عدل شوية وسمعت عيطتها بلگوه لزمت ضحكتي انفتح باب غرفتها بس جانت ضلمه ما اشوف شي

ذبيت الطحين باتجاه غرفتها وهي تعيط..

غدير:- يممممه هاااي شنوووو عيوووني

حور:- شغلت اللايت وخليته جوه الچرچف مالتي وهي شافتني وعاطت..

غدير:- يمممممه اشببااااااح وخرررررر

حور:- عافتني ونزلت تركض ع الدرج وتعيط وسمعت صوت سعاد تسألها شبيها وبعدين اشتغلت الاضوية الجوه وسعاد كامت تعيط اكيد اخترعت من منظر بنتها هههههههه

عفتهن يعيطن واني بـسرعة شلت الچراچف وموبايلي وديتهن بـغرفتي و وكع طحين شوية بالكاع مسحته ورجعت ركض الـغرفتي طفيت الضوه وسويت نفسي نايمة واضحك ع الصامت

شوية وانفتح باب غرفتي واشتغل الضوه وسعاد گالت..

سعاد:- هاي نايمة

غدير:- ماما والله شفته

سعاد:- خاف تتخيلين

حور:- طفن الضوه وطلعن من غرفتي واني كمت خليت اذاني ع الباب اسمعهن يحجن..

غدير:- والله البيت مسكون

سعاد:- يااا ولج كلشي ما بيه تتحلمين وعبالج صدك

غدير:- چاا اذا اتحلم هذا الي بوجهي منين

سعاد:- هاا

غدير:- ماما والله شفت اثنين وحتى سمعت اصواتهم