အကန့်အသတ် ပိုင်ဆိုင်မှု

၄ ။

[Unicode]

(၆) ငါကသာသူ့ကိုအနိုင်ကျင့်ခဲ့တဲ့သူ

ထုယန်၏ တတစ်ကျော့ပြန်ပွဲထွက်အပြီး အ​ကြောင်းအရာ​ခေါင်းစဥ်များ ဆက်တိုက်​ပေါ်လာ​လေသည်။ လူတိုင်းက ထုယန် လွန်ခဲ့​သော​(၆)လအတွင်း မည်သည့်​နေရာသို့​ ရောက်သွားလဲ ​ဆွေး​နွေးကြကုန်၏။

အချို့က သူ စာဆက်​လေ့လာရန် နိုင်ငံခြားကို သွားသည်​ဟု​ပြောစဥ် အချို့ကကျန်းမာ​ရေးပြသနာရှိ၍ ဆေးကုသမှုခံယူ​နေရသည်ဟုခန့်မှန်းကြသည်။ ရှိ​သေးသည်က အချို့ဆိုလျှင် သူ ရုပ်ရှင်ဧကရာဇ် ချီဟယ်၏ ကိုယ်ဝန်လွယ်ထားရကာ သ​န္ဓေသားကို​စောင့်​ရှောက်ရန် ​ပုဂ္ဂလိကဇိမ်ခံ​မွေးလူနာ​စောင့်​ရှောက်​ရေးစင်တာတွင် ပုန်း​အောင်း​နေသည်ဟုပင်​ပြောကြသည်။

ထုယန်ဖုန်းချလိုက်သည်။ သူ့​ဘေးတွင်ဇာတ်ညွှန်းဖတ်​နေသည့် ချီဟယ်အား လှမ်းကြည့်ကာ အန်ချင်သည့်အပြုအမူလုပ်လိုက်သည်။
"မင်း ငါရွံရအောင်မလုပ်ဘဲ နေလို့မရဘူးလား"
"ငါက​ရောလုပ်ချင်တယ်ထင်​နေလို့လား"
ချီဟယ်က မျက်ဆံလှန်လျက်​ဖြေလိုက်သည်။
"ကုမိသားစုက တစ်ပတ်အတွင်း အများအမြင်ကိုထိန်းချုပ်ဖို့နဲ့ မင်းရဲ့လျှို့ဝှက်အိမ်ထောင်​ရေးမ​ကြောင်း ဘယ်သူ့ကိုမှအသိမ​ပေးဖို့ ငါ့ဘော့စ်ဆီ နှုတ်ဆက်စကားပို့ပြီး ​တောင်းဆိုထားတာလေ၊ ငါ့‌ဘော့စ် တခြားရွေးချယ်စရာမရှိ​​တော့ဘဲ ငါ့ကိုပါကျည်ဆံကိုက်ခိုင်းဖို့ ဆွဲ​ခေါ်ရုံပဲရှိ​တော့တာကိုး"

“ကုမိသားစု“ဆိုသည့် စကားလုံးနှစ်လုံးကြားလိုက်ရချိန် ထုယန် အခြားဘာမှမ​ပြော​တော့​ပေ။ ဘာမှလုပ်စရာမရှိ၍ ​ဘေးနားရှိ ဇာတ်ညွှန်းအားလှန်​လှောဖွင့်လိုက်ကာ ရုတ်တရက်မျက်​​မှောင်ကြုတ်လိုက်သည်။
"ထပ်ပြီးဆယ်​ကျော်သက်ရုပ်ရှင်ပဲလား"

သူ ဆယ်​ကျော်သက်ရုပ်ရှင်နှင့် ပွဲဦးထွက်ခဲ့ကာ သူ့ဇာတ်​ကောင်မှာလည်း ငယ်ရွယ်တက်ကြွသည့်ခံစားချက်အပြည့်ရှိ​လေသည်။ သူ ဒီရုပ်ရှင်များတွင် သရုပ်​ဆောင်ရသည်ကို ငြီး​ငွေ့လာ၍ ထပ်ပြီးမရိုက်ချင်​တော့​ချေ။
"ဘာဖြစ်လို့လဲ ဆယ်​ကျော်သက်ရုပ်ရှင်​တွေကမ​ကောင်းဘူးလား"