အကန့်အသတ် ပိုင်ဆိုင်မှု

၁၁ ။

[Unicode]

(၁၁)သူ့ဘက်မှစတင်မှုသည် စကားလုံးတိုင်းကို အနိုင်ရယူသွားခဲ့

လက်ထပ်ပြီး​နောက်ထုယန် လက်ထဲရှိအလုပ်အားလုံးကိုရပ်ခဲ့သည်။

အ​ကြောင်းအရင်းမရှိသည်​တော့မဟုတ်​ပေ။ ရှင်းပြရမည်ဆိုလျှင် ဒီကိစ္စကိုအဆင့်၃ဆင့် သင်ခန်းစာဟုခွဲခြားပြနိုင်သည်။ ပထမအဆင့် သူ့တွင် အလုပ်လုပ်ရန်စိတ်အ​ခြေအ​နေမရှိ​ပေ။ လက်ထပ်ရန်ဖိအား​ပေးခံရသည့် မည်သူကများ ကင်မရာ​ရှေ့တွင်ဘာမှမဖြစ်သလိုပြုံးရန်ခံစားချက်ရှိလိမ့်မည်လဲ။

ထို့​နောက်သူ ဘာလုပ်ရမည်မှန်းမသိ​အောင်ဖြစ်သွား​စေခဲ့သည့် ကုချန်းပိုင်နှင့်ကြုံခဲ့ရသည်။ ဒီလူကလူ​ကောင်းဟုတ်မဟုတ်​လေ့လာစူးစမ်းရန်လဝက်ကုန်သွားခဲ့၏။ သူ့တွင်အလုပ်လုပ်ရန်အာရုံပင်မရှိခဲ့​ပေ။

ယခုကုချန်းပိုင်ကလူ​ကောင်းမှန်းသိသွား​တော့ အလုပ် ပြန်လုပ်ရန်​ကျိုးကြောင်းသင့်ပြီဟု​ပြောနိုင်သည်။ သို့​သော် သူအနည်းငယ်တုံ့ဆိုင်း​နေသည်။ သူကုချန်းပိုင်အားကွာရှင်းမှုသ​ဘောတူညီချက် လက်မှတ်ထိုးရန်ဖိအား​ပေးမိခြင်းကပင် သည်းမခံနိုင်​လောက်​အောင် အနိုင်ကျင့်မိခဲ့ပြီဖြစ်သည်။ သူသာအလုပ်ပြန်သွားရင် တစ်ကားရိုက်ကူးရန်၂လ၊၃လ ကြာလိမ့်မည်။

သူပြန်လာချိန် သူတို့အိမ်ထောင်က အချိန်သိပ်မကျန်ဖြစ်၍ ကုချန်းပိုင်အတွက်ဆုံးရှုံးမှုကြီးမဟုတ်ပါလား။

ကုချန်းပိုင်က သူ့ကို​မေးဖူးကာ သူ အနည်းငယ်အနားယူချင်၍ ရုပ်ရှင်ပြန်မရိုက်​ချင်​သေး​ကြောင်း​ပြောခဲ့သည်။ ကုချန်းပိုင်ပါးစပ်က​နေ​ပြောလာခဲ့၏။ ​
"​ကောင်းပါပြီ၊ မင်းသ​ဘောပါပဲ"

သို့​သော်ငြား သူ့မျက်ဝန်းထဲရှိ ​ပျော်ရွှင်မှုကို‌တော့ဖုံးကွယ်မထားနိုင်ခဲ့​ပေ။ ထုယန်​တွေးမိလိုက်သည်။
ကုချန်းပိုင်ကဘာလို့အဲ့​လောက်​တောင်တုံးရတာလဲ။ ၂၆နှစ်ရှိ​နေပြီကို၊ တစ်ဖက်သက်ချစ်မိ​နေတဲ့အထက်တန်း​ကျောင်းသား​လေးကျ​နေတာပဲ။