Daddy Application ( Taekook ) /Completed/

03. First meeting 👥🥀

ටේහ්‍යුන්ට නම් හිතුනේ එදා රෑ කවදාවත් ගෙවලා ඉවර වෙන එකක් නම් නෙවෙයි කියලා. ජුන්කුක් හෙට හම්බ වෙමු කියලා කිව්ව වෙලාවේ ඉදන් ටේහ්‍යුන්ගේ හිතට දැනුනේ මහ අමුතු සතුටක්. ඇඳේ පෙරලි පෙරලි සැරින් සැරේ ඔරලෝසුව දිහා බලාගෙන හූල්ල හූල්ල හෙට දවස ගැන ගොඩක් හීන මව මව හිටිය ටේට නින්ද ගියේ යක්කු ගස් නගින වෙලාවත් පහු වුනාට පස්සේ .

ඒත් ඒ නින්දත් ඉක්මනටම ඉවර වුණේ පාන්දර පහට වැදිච්ච alarm එක හින්දමයි. පැය එකහමාරක් විතර බාත්රූම් එකටම දිය කරපු ටේ ක්ලෝසෙට් එක ඉස්සරහට ගිහින් ඇඳුමක් තේරුවේ ලස්සන හිනාවක් මූණේ තියාගෙනමයි. ඒත් ඒ හිනාව රැඳුනේ කණ්ණාඩිය ඉස්සරහට යනකම් විතරයි.

🐯 : චී....මේ ඇඳුම හරි යන්නෑ blind date එකකට

එහෙම කියලා තමයි ටේහ්‍යුන් ඇඳුම් ගලවන්න යි, ආයි ගලවලා වීසි කරන්නයි පටන් ගත්තේ. එයාට ඒකට හේතු ගාණක් තිබ්බා.

🐯 : මේ ඇඳුම පරණ පාටයි.
🐯 : කලිසම ටිකක් දිග වැඩියිද මන්දා...
🐯 : මේක official වැඩියි.
🐯 : මේ පාට හරි නෑ. එපා , රතු පාට හරියන්නෑ නෑ.
🐯 : මම මේක ඇඳගෙන ගියොත් එයා හිතයි දන්නෑ මම මහ ගොඩයෙක් කියලා.
🐯 : මේක තොරොම්බල් කරත්තයක් වගේ. මඟුල් ගෙදර යන්න හොඳයි.

කොහොමින් කොහොම හරි ටේ හ්‍යුන් එයාගේ හිතට හරියන විදියට ලා කහ පාට අත් දිග කමිසයකුයි , තද දුඹුරු පෑන්ට් එකකුයි තෝරා ගත්තා. ඒත් එයාට ඒක දෙයක් අමතක වෙලා තිබුණා ඒ එයා මොන ඇඳුම ඇන්දත් ලස්සනයි කියන එක.

උදේ නවයට විතර ගෙදරින් එළියට ආපු ටේ ගූගල් මැප් එකේ උදව්වෙන් euphoria කෝපි ශොප් එක හොයාගත්තා. යන අතරමග මල් කඩයක් ළඟ කාර් එක නතර කරපු ටේ සුදු රෝස මල් පොකුරකුත් මිලදී ගත්තා. ටේ හ්‍යුන් කෝපි ශොප් එක ලඟට එනකොට ශොප් එක ඇතුලේ හිටියේ කීප දෙනෙක් විතරයි. ජනේලයක් ළඟ තිබුණු මේසයක් තෝරා ගත්තු ටේහ්‍යුන් , ජුන්කුක් වෙනුවෙන් මඟ බලන් හිටියා.

ටේහ්‍යුන් බලාපොරොත්තු වුන රූපේ ඉස්සරහ දොරින් මතු වෙන කොට ටේ හ්‍යුන්ට මොහොතකට හුස්ම ගන්නත් අමතක වුණා.
හරියට පුංචි හා පැටියෙක් වගේ ටේ හ්‍යුන්ට හිතුනේ එහෙම .