Unicode ver
29/7/2021
*ဒက် ဒက် ဒက်*
တိတ်ဆိတ်သောညသန်ခေါင်းယံအချိန်တွင် ကွန်ပျူတာကီးဘုတ်သံခပ်ဆူဆူက ကြီးစိုးနေလျက်ရှိသည်
စောင်ပုံအတွင်းမှ လှုပ်လှုပ်ရွရွ နိုးလာပုံရသော ကောင်လေးတစ်ယောက်သည် အမြင်အာရုံ မကြည်သေးပါသော အိပ်မှုန်စုပ်ဖွားမျက်လုံးတို့ဖြင့် ခပ်လှမ်းလှမ်းမှ ကွန်ပျူတာထားရာ စာကြည့်စားပွဲအား လှမ်းကြည့်သည်
ကုတင်နံဘေးက စားပွဲတင်နာရီကတော့ ညအချိန်အခါ ၃ နာရီကို ညွှန်ပြလို့နေ၏
"ဆောရီး
အနှောင့်အယှက်ဖြစ်သွားလား?"
အလုပ်မှာ နစ်နစ်မွန်းမွန်းအာရုံစူးစိုက်နေသူက ကုတင်ထက်က လှုပ်ရှားမှုသေးသေးလေးကို ချက်ချင်းသတိထားမိသည်မှာ အံ့သြဖို့ပင်ကောင်းမည်
စာကြည့်မျက်မှန်ဝိုင်းခပ်ကြီးကြီးနှင့် ကြည့်ကောင်းလွန်းသောအမျိုးသားသည် နှုတ်ခမ်းစပ်မှာ စီးကရက်ရှည်တစ်လိပ်ကိုလည်း တေ့ထားပါ၏
သို့သော်ငြား စီးကရက်မီးကိုတော့ ညှိမထားလေပါ အိပ်မောကျနေခဲ့တဲ့ဖြစ်တည်မှုလေးကို အနှောင့်အယှက်မဖြစ်စေချင်ခဲ့ပုံရသည်။
ကုတင်ထက်ကကောင်လေးသည် မပွင့်တပွင့်မျက်လုံးတို့နဲ့ ခပ်ရေးရေးပြုံးနေပြီး စောင်ဖြူကြီးကို ကိုယ်လုံးမှာ လုံးပတ်ကာ အိပ်ချင်မူးတူး အိပ်ရာပေါ်က ဆင်းလာသည်
ထို့နောက် မြင့်မားသည့်အရပ်အမောင်းကိုမှ အားမနာဘဲ အလုပ်လုပ်နေသူရဲ့ပေါင်ထက်ကို ကလေးတစ်ယောက်လို အတင်းတက်ထိုင်ပါတော့သည်
အမျိုးသားသည်လည်း အထွန့်တစ်ခုတောင်တက်နေခြင်းမျိုးမရှိ..ချက်ချင်းပဲ ပေါင်ပေါ်ရောက်လာတဲ့ စောင်ပုံထဲက ခပ်လုံးလုံးကောင်လေးကို မပြုတ်ကျစေဖို့ နေရာတကျသက်တောင့်သက်သာရှိစေဖို့ ခါးသေးသေးလေးအား လက်နှစ်ဖက်နှင့် တင်းကျပ်စွာပွေ့ဖက်ပေးလာပါသည်
"အိပ်မပျော်ပြန်ဘူးလား?"
အကြည့်ချင်းဆုံစေလျက် လည်တိုင်ကို လက်နှစ်ဖက်နှင့် ရစ်သွယ်လာရင်း တိုးတိတ်စွာ မေးသည်
YOU ARE READING
𝐧𝐞𝐯𝐞𝐫𝐄𝐍𝐃𝐢𝐧𝐠 (𝐶𝑜𝑚𝑝𝑙𝑒𝑡𝑒𝑑)
Fanfiction𝐼𝑡 𝑠𝑒𝑒𝑚𝑠 𝑠𝑜 𝑝𝑒𝑟𝑓𝑒𝑐𝑡 𝑏𝑢𝑡 𝑒𝑛𝑑𝑒𝑑 𝑠𝑜 𝑠𝑜𝑜𝑛~ .......................................................................... Starting Date : 25.4.2022 Ending Date : 1.9.2022
