𝐧𝐞𝐯𝐞𝐫𝐄𝐍𝐃𝐢𝐧𝐠 (𝐶𝑜𝑚𝑝𝑙𝑒𝑡𝑒𝑑)

5 🥀

Unicode ver

ဂျွန်းရဲ့အဘွားအနားယူရာ အုတ်ဂူ​လေးဆီမှထွက်လာပြီးနောက် အနီးနားရှိ ​ခပ်နိမ့်နိမ့်တောင်စောင်းလေးဆီကို လမ်းလျှောက်ဖြစ်ကြသည်

စိမ်းစို​တဲ့သစ်ပင်မြင့်ကြီး​တွေဟာ တောတောင်လမ်းငယ်တစ်လျှောက် ပုန်းကွယ်နေရာမှဝင့်ရဲရဲ ထွက်လာပြီဖြစ်သော နေမင်းရဲ အပူရှိန်ကို လျော့ချပေးထားတယ်

နေရောင်ခြည် ပြောက်ကျားလေးတွေဟာ တောရိုင်းပန်းပွင့်လေးတွေကို ပိုလို့အရောင်အသွေးဖြာစေလို့ ပတ်ဝန်းကျင်ဟာ သဘာဝတရားရယ် အလှတရားရယ်

လွင့်ခနဲ တိုက်ခတ်လာတဲ့ ​လေ​ပြေ​​နွေးနွေက သယ်ဆောင်လာတဲ့ သစ်စိမ်းနံ့ဟာ ဂျွန်းရဲ့ကိုယ်သင်းနံ့ချိုချိုနဲ့ရောယှက်နေတာဟာလည်း အိပ်မက်ဆန်ဆန်

လက်ဖဝါးမှာ ချည်နှောင်ထားတဲ့လက်ချောင်းကလေးတွေရဲ့ အ​နွေးဓါတ်ဟာ တစ်လောကလုံးကို ပြည့်စုံစေသလို

နိဗ္ဗာန်ဘုံသာ အစစ်အမှန်တည်သည်ဆိုလျှင် မောင့်အတွက်တော့ ဤနေရာ သာဖြစ်မည်

အနည်းငယ်သာမတ်သော ​တောင်​စောင်းငယ်ဖြစ်သည်ကြောင့် နာရီဝက်ကြာကြာ လမ်း​လျှောက်ပြီးနောက် တောင်ထိပ်သို့ ရောက်ခဲ့သည်။

​တောင်စောင်းထိပ်စွန်းလေးမှာ ခြေစင်းကာ အတူထိုင်ချလိုက်ပြီးသည့်နောက် မြင်​နေရသည့်ရှုခင်းလှလှတို့ကို အသီးသီး တိတ်တဆိတ်ငေးကြသည်။

ဂျွန်း မြင်ကွင်းဟာ
တိမ်တိုက်ဖြူဖြူတို့ကြား မြုပ်နေတဲ့ တောတောင်စိမ်းစိမ်းတွေရယ်
ပုဇွန်ဆီ​ရောင်သန်းနေတဲ့ နေမင်းရယ်
အဆုံးမဲ့ကျယ်ပြောတဲ့ညနေခင်း ကောင်းကင်ရယ်

မောင့် မြင်ကွင်းဟာ
အနက်ရောင်အဝတ်ပွပွကြား မြုပ်နေတဲ့ ကိုယ်ထည်ဖွေးဖွေးလေးရယ်
ရောင်ပြန်ဟပ်နေတဲ့ တောက်ပပ မျက်ဝန်းလေးတွေရယ်
သွေးစို့နေတဲ့ အလှဆုံးနှုတ်ခမ်းဖူးလေးတွေရယ်

"ဂျွန်း~"

ဖြတ်စီးလာတဲ့အသံနိမ့်လေးဟာ ငြိမ့်ညောင်းနေလျက် ဂျွန်းဟာ အသံငယ်ဖြစ်တည်ရာကို အသိမ်မွေ့ဆုံးမျက်ဝန်းတွေနဲ့ လှည့်ကြည့်သည်