#مذكرات متهم البارت الثالث
بماانو بعدني منايم خلي اكتب شويه من الاحداث
قبل لا اروح ادور بيت سمعت صوت صياح نسوان وهوسه بالبيت سالت زوجتي شنو شصاير كالت يمكن مرت المرحوم ومرت خلف اتعاركن ماهتميت طلعت من رجعت اجاني خلف
كتله الخلف شنو الموظوع الي تريدني بيه كال انته ليش تريد تشيل وتعوفنه خلي نقسم البيت ل3بيوت لانه بيتنه جبير ونكدر نقسمه وكل عائله يصير عدهه بيت الخاص بيهم وتنحل المشاكل توقعته يحجي بنيه صافيه وماكنت اعرف شنو ضام اليه من خسه وخبث بعدين ياله عرفت ليش يريد يقسم البيت العركه والصياح جانت من مرت خلف لان مرت المرحوم مسختها يوميه داخله على خلف اريدك بموضوع لوحدنا لو تخلي مرت خلف تنزل تدخل ركض لغرفتها بحجه سالفه ويا خلف وتعرفون غيره نسوان وهيا هم مرت المرحوم موتت روحها على اخويه بس ماتدري مرته تسحلها هيا وخلف ومحد يكدر يكولها على عينج حاجب هيا مسيطره ونفس اليوم خلته يقسم البيت
بصراحه فكرت بلموضوع وهواي ناس واقارب نصحوني بعدم الموافقه وكالو تتندم بس الي جبرني على الموافقه امرين الاول فلوسي مجانت تخليني اشتري بيت يليق بعائلتي واطفالي لانه المبلغ الي عندي قليل والامر الثاني فكرت باطفال المرحوم كلت على الاقل يبقون كدام عيني اشوفهم واتابعهم وجانت وصيت ابوهم اليه هيج ورحنه اني وخلف لبيت اخويه نظير وكناله على التقسيم وكال اذا تشوفون راحتكم بهيج حل قسمو البيت ورتاحو من المشاكل وشتحتاجون اني حاظر بس ها ابنو البيت بدون مشاكل
المهم وافقت وخططنا وبدينه نبني بلبيت وقسمنا ثلاثه بيوت والبيت الاكبر صار لاطفال المرحوم اخويه ها للعلم بيتنه مال ورثه واتفقنه ويه اخواني وخواتي الباقين نشتري حصصهم من البيت
خلف دز زوجته لاهله وزوجت المرحوم اخويه وامي وديناهه يم بيت اختي هند وزوجتي بقت يمي بغرفه معزوله ميشملهه التفليش والبناء لسببين اولا اطفالنا مدارس ثانيا تخدمنا وتطبخ للعمال وبدينه البناء وره شهر اشوف اكو احداث غامضه ومربكهه الهم جاي تصير بين خلف وهند واسال خلف ميحجي جان اتصلت اختي هند وكالت محتاجتك بشغله اريد اجيك واجتي كتلهه خير صاير شي اتذكر كلامهه #كالت الله يخلصك من نار جهنم خلصني ماريد مرت المرحوم تبقى يمي بلبيت ترى مجاي اسيطر عليهه بشي تطلع وترجع بكيفهه وماتسمع كلامي وخلف يجي يحاسبني اليه وسبتتلي مشاكل حتى ويه زوجي واني هذا صبري وياكم وطلبو مني اودي زوجتي لهلهه واكعد زوجت اخويه المرحوم مكانهه بصراحه هوه امر مامقبول من كل جوانبه لانه زوجتي جانت خادمتنه بكلشي بس ظطريت اوافق لانه مااريد زوجه المرحوم تاخذ الاطفال لاهلهه وتروح كل فتره البناء ملاحظه (مرت المرحوم جانت تلبس عبايه وبوشيه وذكرتلكم هذا السبب بعدين تعرفو )
وديت زوجتي واجت هيه واطفالهه وامي وثاني يوم سوت مشكلهه ويه خلف جبيره وكلتله انتم محد يتحكم بيه ولا اخدم اي احد بيكم ،
كتلهم اني هذا سبب دلالكم الهه وكتلكم هايه وراهه مشاكل ولابيكم أنسان صدك كلامي
أنت تقرأ
مذكرات متهم
Bí ẩn / Giật gânالسلام عليكم #مذكرات متهم. رجل اتهم بلجرم لمده ١٩سنه ولا اعرف السبب او الذنب الذي فعلته احداث حقيقيه حدثت لعائله عراقيه في وقت غابت الثقه فيه او قد تكون معدومه بينهم الصفحه لنشر احداث حقيقيه لانسان بلغ من العمر ٤١سنه وهذا السنين التي مرت وتفانت...
